انا و زوجي التفاهم بيننا معدوم
 

ان شاء الله احاول اختصر مشكلتي قد ما اقدر واوصل النقاط المهمه فيها انا متزوجه ليا اكتر من 12 سنه زوجي كان مو مكمل دراستو والحمدلله دحين بيحضر الماجستير اول ما اتزوجنا كانت ظروفو الماديه سيئه ديون ووقفت معاه وسددت اغلبها طوال فتره زوجنا واحنا على خلاف من ايام الملكة حتى كنا هننفصل قبل الفرح بشهر وشاء الله وكملنا مع بعض اول كنت اتحملو واتحمل طريقتو في النكد والعصيبه بالرغم انو الشي دا كان ياثر على نفسيتي مره بس كنت امشي لكن قبل 3 سنوات طلقني بسبب تافه جدا عشان فرحت وبالغت في فرحتي انو اخويا الوحيد رجع من الغربه بعد 10 سنين قالي كان اتحكمتي في مشاعرك وبعدها ندم واتاسف وصار يعاملني طيب مو معامله ممتازه بس احسن من الاول هو ظرفو الماديه عاديه يهتم انو يعطي اهلو مصروف وهدايا ويقولي لازم تصبري عشان البر المشكله اللي عندي بالزبط انو انا لما طلقني انكسر فيا شي كبير مره ما يتصلح ومن بعدها كرهتو ومو طايقه منو شي لكن بيننا اطفال وحرام اخليهم يتعبو بالذات انو ابو ممتاز ، احنا ما بيننا تفاهم مره ولنا شهرين جالسين في نفس البيت كاننا مطلقين عايشين عشان اولادهم انا الوضع دا صعب بس مناسبين عشان مافي احتكاك ومشاكل معاه لكن جالسه اقول لنفسي لو فكر يتزوج ساعتها يطلقني لاني ما هاتحمل اكون انا الضحيه لا تقولو حاولي معاه حاولت 13 سنه حاولت بكل الطرق بس انا وهو مو لايقين ولا متفاهمين مع بعض

رد : انا و زوجي التفاهم بيننا معدوم
 

شوفي اعرف الطلاق صعب ويكسر الظهر بس اعرف كثير ناس تم الطلاق ورجعوا احسن من اول اشوف عالجي نفسك داخليا وحاولي تكوني مبصوطه وتنشري جو الفرح بلبيت ولاتنتظري لين يتزوج او يفكر بزواج شغلي القران وحصني تفسك وبيتك وزوجك واولادك واعملي حو وحاولي وان شاء الله ربنا يصلح الحال العشره واطفالك يستاهلون المحاولة

رد : انا و زوجي التفاهم بيننا معدوم
 

حبيبتي الطلاق ابغض الحلال ومانحب ننصح فيه ووالله لو ان طليقي كان يخاف الله فيني وحاول يرجع بصدق مو كذب ولائمه كان قبلت الانفصال صعب وربي مره خصوصا لمن الاطفال يوم هنا ويوم هنا انتي ببيتك ومع زوجك حاولي بكل الطرق لاتندمي يوم ولايكلف الله نفسا الا وسعها بس نصيحة اخت لي اختها

رد : انا و زوجي التفاهم بيننا معدوم
 

الله يفرج همك ويسخرلك زوجك

رد : انا و زوجي التفاهم بيننا معدوم
 

الله يسعدك على ردك صديقني حاولت بس يومين اصتنع انو ما فيا شي وارجع انهار حتى رحت لاخصائين نفسين والحق هو مقصر معاه مره

رد : انا و زوجي التفاهم بيننا معدوم
 

الله يفرج همك ويريح قلبك ويعطيكي ربي اللين ما ترضي

رد : انا و زوجي التفاهم بيننا معدوم
 

حبيبتي انت متاثره بطلاق واش احساسك الي تحسي فيه لمن تشوفي واش رائي الاخصائين بحالتك
وحلو انك بتشوفي انه مو مقصر معاكي وربي يريح قلبك

بس فضفضي لنا ونحاول تساعد بس وانتي تتكلمي حاولي تريحي نفسك وتصفي ذهنك من فكرة الطلاق فكري في الاشياء الحلوه لو سالتك اش تحبي فيه واش لا اش بتجاوبي؟؟؟

رد : انا و زوجي التفاهم بيننا معدوم
 

اللهم اامين يارب الجميع

رد : انا و زوجي التفاهم بيننا معدوم
 

حبيبتي انا قلت هو مقصر معايا جدا ما يصرف عليا مره حتى شهر عسل ما سافرت بالعكس بعد اسبوع من الزواج اشتكاني لامو اني ما بانظف البيت وما باطبخ انا مو موظفه لكن الحمدلله اهلي يصرفو عليا الاخصائيه نصحتني اني اهتم بنفسي وحياتي وفعلا باكمل دراستي ورجعت لصحباتي الحمدلله مبسوطه ولو سالتيني ايش ايجابياته اقولك اب ممتاز

رد : انا و زوجي التفاهم بيننا معدوم
 

طيب كرر الشكوه لي امه او وقف وتحسي بعيونه حب لك او لا وكلام الاخصائي صح تهتمي بنفسك وحياتك ودراستك لان مافي شي مضمون بدنيا شوفي انا كان مايصرف علي واهلي يعطوني وكان اناني وكابرت كثير لين وصلت للطريق الي كنت خايفه منه ووربي مابي لك الا كل خير وخاطري تحاولي وتوصلي للقرار ةانتي مقتنعه مليوت بلمية لاتتعب نفسيتك اكثر