|
مشكلة بعد الطلاق وفكرة الزواح مره اخرى
السلام عليكم
مبارك عليكم الشهر بدخل بالموضوع على طول عندي مجموعة أسئلة محتاره فيهم وشايله همهم 1 - كيف تقتنع المطلقه بزواج من رجل آخر ! 2- كيف تقنع نفسها تتزوج من رجل مكون عائلة وبيت يعني تكون زوجه ثانيه ! تعرفون احنا بمجتمع مايرحمون فكرة البنت مطلقه مهما كانت صغيره بالعمر ولا لها اي ذنب من زواجها الاولي أنا تزوجت 5 شهور بس جلست على ذمته كان سبب خلعي بالأصح منه كان مدمن حشيش ودائماً سككران وعلاقات مع بنات عمري حاليا 24 مو مقتنعه بفكرة زواج مره ثانيه خصوصا لو تقدم احد يكون كبير بالعمر ومعدد نفسي تتعب من طاري زواج انا داخله ابغى احد يرشدني للصح ابغى احد يقنعني او يعطيني طرق اكون أكثر إيجابيه من ناحية الزواج ادري دخلت ولا انا عارفه وش اكتب بس احس داخلي مكسور مقدر اتكلم مع احد من اهلي بالطريقه هذي بالنهايه محد بيعرف كيف احس جواتي يحاولون يخلون الموضوع جدا تافه ولا هو مهم الله يوفقكم ويرزقكم ويسعدكم دنيا وآخرهه |
رد : مشكلة بعد الطلاق وفكرة الزواح مره اخرى
عادي ما ألومك
إحدى صديقاتي تطلقت في العشرين والآن هي تجاوزت الثلاثين بكم سنة وغير متقبلة لفكرة الزواج أبدا كرهت الرجال جميعا ، تقول أنا أعيش لنفسي وعايشة مبسوطة ومرتاحة اصبري على نفسك فترة ولا تستعجلين في الارتباط بأي رجل ، إما شخص صالح يصونك ويقدرك ، ولا الوحدة أرحم من رجل ينكد عليك الحياة |
رد : مشكلة بعد الطلاق وفكرة الزواح مره اخرى
1- مو كل الرجال نفس بعض حبيبتي فيهم ناس كويسه التفتي ع أبوك واخوانك وخوالك شوفي ناس كويسه واقنعي نفسك ان فيهم ناس صالحة أعرف شعورك بعد الطلاق تكرهين كل الرجال وتشوفينهم زي بعض بس هذا وقت بسيط بعد كذا تتعدل نظرتك
2- شوفي نفسك اذا ماتتحملين معدد لا تجبرين نفسك ولاتحملينها فوق طاقتها ومو شرط المطلقه تآخذ كبيير في حالات كثيره تزوجت برجل ماسبق له الزواج قربيتي تطلقت مرتين وزوجها الثالث ماتزوج قبلها كانت هي اول زوجة وآخر زوجة وحياتهم حلوة ماشاء الله |
رد : مشكلة بعد الطلاق وفكرة الزواح مره اخرى
طبيعي الي حاسه في والاغلب بنحس في ولاتفكري بزواج اعطي نفسك وقت واهتمي بنفسك ومستقبلك ولو جاء الرجل الي يخاف الله فيكي لاتصدي اعطي نفسك فرصه بعد الاستخاره وموشرط معددماتدري اش النصيب ربي يعوضك خير ويريح قلبك بس لاتلزمي نفسك غلى شي مو حابته
|
رد : مشكلة بعد الطلاق وفكرة الزواح مره اخرى
اقتباس:
انا حالياً اخذ دورات واحاول اتوظف مبسوطه ككذا ومرتاحه الحمدلله بس تجيني ضغوطات من الاهل اذا تقدم احد ويكونون راغبين فيه مايقتنعوا اننوا انا كارهه طاري الزواج والرجااااااال |
رد : مشكلة بعد الطلاق وفكرة الزواح مره اخرى
اقتباس:
اخاف اتزوج وانصدمه ثانيه ، لي سنه تقريباً مطلقه ومن فتره احاول انسى وطبعا مستحييييل انسى بس يضايقني فكرة زواج تلميحح اهلي كثيير انتي اسمك مطلقه يعني انسي بتاخذين واحد ولد مالك الا واحد معدد على الاقل يصونك وتجيبين لك اطفال تعيشين حياتك طبعاً فكره اخذ واحد مطلق او ارمل معه اولاد مستحيل لأني اعرف نفسي ما اتحمل اولاد ناس غير اخواني معدد صعبه كيف اتقبلها او بالاصح كيف اضمن انه مايكون ياخذني تسليه فتره بعدين يتركني ويرجع لزوجته جايني حالياً واحد ملتزم ويبغاني زوجه ثانيه هذا الموضوع مأزمني ومضايقني كككثير مو مقتنعه بفكرة زواج ومو فاهميني اهلي من الناحيه هذي < اعتبريها فضفضه كثرت حكي :( |
رد : مشكلة بعد الطلاق وفكرة الزواح مره اخرى
اقتباس:
لي سنه منفصله ومرتاحه الحمدلله بس اللي يضايقني المعدد كيف اقتنع بهالفكره مدري ! كلام اهلي خذي معدد يصونك ويحافظ عليك وجيبي لك اولاد اهم حاجه بالدنيا ومحد يتقدم الحين الا المعدد وصراحه ككثير اتضايق الحين متقدم واحد يبغاني الثانيه من ناحية العمر افضل من اللي تقدموا قبل بس مو مقتنه بالفكرهه :( ! |
رد : مشكلة بعد الطلاق وفكرة الزواح مره اخرى
بيجي يوم تكون حياة العزوبية هو الخيار الاقضل والانسب للمرءة والوضع عادي وسيتقبله الجميع
بس لحظتها يكون الوقت فاتنا حنا ورح تنعم بها الاجيال القادمة |
رد : مشكلة بعد الطلاق وفكرة الزواح مره اخرى
يعني
ترى مو لازم تتزوجين وهالشي ما رح يحرمك الجنة لان الزواج مو فرض يمكن بس بتخسرين احساس الامومة بس لكن فيه بعض الحريم حتى الاطفال بالنسبة لها هم وحمل ثقيل |
رد : مشكلة بعد الطلاق وفكرة الزواح مره اخرى
اقتباس:
اذا شفتيه مناسب وارتحتي اسألي عن زوجته وسبب زواجة وهل تعرف بالموضوع وراضيه او لا ؟ يمكن مخبي عنها واذا عرفت تقوم قيامته فتأكدي أول واذا شايفه حالك ماتبين المعدد لا تآخذينه و لا تجبرين نفسك عليه أنت مو مضطره توافقين وبالنسبه لي لو كنت مكانك وجاني مطلق او معدد بنفس المواصفات بفضل المطلق اكيد ع الأقل اكون لحالي ، اتوقع الضره شي صعب وخاصه ع وحده صغيره وبمثل عمرك وربي يوفقك |
| الساعة الآن 02:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©