زوجي اهداني جوال ولم اتواصل معه قبل حفل الزفاف
 

الله يسعدكم انآ جآيه استشيركم بكذا حاجه : انا متملكه و زوجي اهداني جوال وسجل رقم جواله فيه وما اسعفه الوقت يجيب لي شريحه وانا طلعتها ولا اتصلت عليه ولا تواصلت معه ابدا مع انه كان يبي يتواصل معي وطبعا انا استحيت اني اتصل عليه او ارسل له رساله ظنكم ان اللي سويته غلط وما باقي ع زواجي غير ايام قليله جدا وثاني حاجه يوم زواجي بتكون معي الدوره اعزكم الله تايدون اني اكل حبوب منع الدوره ولا لا وتكفون طمنوني لاني والله ميته خوف من ذيك الليله ويعطيكم العافيه

رد : ابي نصايحكم
 

ايوه خذي حبوب منع الدورة افضل

لكن باستشاره دكتورة

ولاتبدأين انت بالاتصال
اذا كلمك كان بها ماكلمك خلاص
واذا حابه تكلمينه
خلي اخوك يلمحله
يقول مثلا انحرقت شريحة فلانه وطلعتلها بدل فاقد
او يكلمك قدامه
اي طريقة توضح ان عندك رقم

رد : ابي نصايحكم
 

اتواصلي معه

رد : زوجي اهداني جوال ولم اتواصل معه قبل حفل الزفاف
 

بصراحه
بخصوص التواصل ..
الرجل يحب المرأه الي فيها حيى وحشمه
وانتي الان في مرحله الملكه .. اخشى ان تقعو في ماوقع فيه غيركم
بحيث لمى تتواصلو حدث بينكم مشاده او اختلاف في امر ما

قد ينتهي كل شي قبل الزواج ...
ولاكن هو لو يرد التواصل كان جاب لكي شريحه ...
مدام باقي ايام قليله مبروك عليكم .. الله يجعل ايامكم سعاده ورضى

بخصوص الدورة ... اترك المجال للبنات للحديث في هذا الامر
ولاكن انصحك بعدم استعمال حبوب تأخير الدورة فيها أضرار

وكلها تساهيل توكلي على الله ....

رد : زوجي اهداني جوال ولم اتواصل معه قبل حفل الزفاف
 

بما أنكم عاقدين : مملكين: هو زوجك حلالك ، بإمكانك التحدث معه متى ماشئت

رد : زوجي اهداني جوال ولم اتواصل معه قبل حفل الزفاف
 

امممم شكله خجول عشان كذا ماتواصل معك , اذا حابه انتي هالشيء ممكن ترسيليه رسالة انو قرب زواجكم والله يقدرك انك تسعديه ومن هذا الكلام, يعني كلام مايظن فيه انك جريئة , اما بالنسبة لحبوب انا مانصحك ابدا واصلا هالشغلات مضره لك , يعني ماعتقد يحدث شيء في البداية دوبكم راح تتعرفوا على بعض.

رد : زوجي اهداني جوال ولم اتواصل معه قبل حفل الزفاف
 

جربتِ تاخذين حبوب التأخير من قبل؟؟

اممم مدري لو كنت مكانك ما راح آخذهم
بالنسبة للتواصل خليه هو اللي يبدأ
وأكيد راح يزورك بالأيام الجاية وراح يصير بينكم تواصل
ان شاء الله

رد : زوجي اهداني جوال ولم اتواصل معه قبل حفل الزفاف
 

لا تاخذين حبوب منع الدورة
اتركيها تنزل طبيعية
وهذه فرصة لكم تنسجمون مع بعضكم
وكل شي ملحوق عليه

رد : زوجي اهداني جوال ولم اتواصل معه قبل حفل الزفاف
 

ليش الحبوب احسن لك تكون يوم زواجك بعذر تقدرين تسوين المكياج بدري
وغير انه احسن بعد مايصير بينكم شيء في البدايه تتعودين ع وضعك الجديد مو من أول يوم
وبالنسبه للتواصل معه اشوفه ضروري بس مفروض هو يبدأ ويطلب رقمك

رد : زوجي اهداني جوال ولم اتواصل معه قبل حفل الزفاف
 

كيف تبينه يتواصل معك وانت ما معك شريحة؟!
هالفترة هي اجمل فترات العمر ، بكرة بتندمين وتقولين ليتنا تواصلنا