|
غيرتي ..وعدم ثقتي هل هي شعور عادي
يابنات بسالكم هل الشعور اللي احسةً شعور عادي ولا مبالغ
زوجي عندة انتداب في جدة ،.. ً. وانا والله ماعمري زرت جدة لكن مرة امي راحت قالت هناك كلا كاشف حياتة يعني تفتح بزيادة ً. وانا اغار على زوجي ونفسيتي قالبة علية ويقول ماقدر اخذك وماعندي امكانية بسكن مع اخوي بشقةً المهم اخينا في الله يحب يبصبص مررة ولو انا معة واقولة بقول كذابة انا دايم كذابة وهو ملاك سبحان من خلقة وصرت اشك واوسوس ... وانا عارفة انة بفلها هناك مافية زوجةً تقولةً لاطالع ولا تدخل اماكن عامةً مادري مكبرتها ولا لا .. ماودي يتهني بالنظر ماودي يشوف غيري الزبدة ... |
رد : غيرتي ..وعدم ثقتي
ادعي له وبس
ومو معقوله بتراقبي الراجل فين مايروح اذا ماعنده خوف من الله ماراح يخاف منك وبعدين اتطمني مو الكل كاشف الا اذا هوه بيفلها ع قولك بيروح لأماكن معينه الناس يآخدوا فيها راحتهم لأنو طبيعة الحياة بجدة فيها انفتاح اكثر غير عن بعض المدن ،،، |
رد : غيرتي ..وعدم ثقتي
اقتباس:
بس غيرتي متعبتني ماخلتني حتى اطالع في وجة لانة يقهرني وانا معة وكمان شوي يستحي بوجودي اجل لو ماني معة وش بسوي احس بغز في جسم هذي وجة هذي يد رجل ومن غير جوالة .. انا الحين ماني قادرة اغير فكرة لاني لو اتكلم بقول مابقي الا تقعدني بالبيت بس والله ماختار جدة الا ياخذ راحتة والمشكلة اني لو راح ماراح اقدر اتقبلة لا بكلمة ولا حتى بدري هو حي ولا ميت نفسيا جاتني بعد مشكلات معة ولا حتى بحسن في استقبالة لان اول مرة يبعد عني وابصملك بالعشرة انة فرحان لكن الله يعيني على مابلاني انا قلبي صعب وهو قلبة ميت |
رد : غيرتي ..وعدم ثقتي
معليش حبيبتي انت ماتقدرين تعمينه عن شوف غيرك اذا هو مايعرف شي اسمه "غض البصر "
بعدين أنت مرا مكبره الموضوع وين ثقتك بنفسك وين ثقتك بجاذبيتك حتى لو شاف مليون وحده أنت أكيد غير عنهم تراك زوجته وأم عياله لو مومقتنع فيك ما خلاك ع ذمته نصيحتي لك عامليه ع انه زوج بس لا تخلين نفسك وصيه ع تصرفاته أنت وظيفتك معه زوجة مو شغاله محقق كونان ، وإلا أنت بتخسرين نفسك وذاتك بتصرين وحده بشعه بس تراقب زوجها وغير كذا هو راح يكرهك تخيلي أحد يراقبك وش موقفك ؟! واسمحي لي إذا ضايقك كلامي |
رد : غيرتي ..وعدم ثقتي
اقتباس:
قنني الغيرة واحصريها بالمعقول لو اطلقتي لها العنان فستمرضين خففي من تعليقاتك واهتمامك الزائد فيه العذاب عليه ياأختي أخي خان زوجته خيانة جسدية ببلد عربي وعاد لها جنت قامت قعدت واقتنعت بالأخير أن الله وحده هو من يحاسب البشر اشغلي نفسك بنفسك والإ اشغلتك به دعواتي لك |
رد : غيرتي ..وعدم ثقتي
صدقيني انا بعد من حفر الباطن وجاء نقلي في جده في كل مكان فيه الطيب والبطال لاكن جده فيها بكثره
اسال الله العظيم ان يبعده عن كل شر ويرجع يحبك زوووووووووود عن اول |
رد : غيرتي ..وعدم ثقتي
نصيحتي لك ،،،
لاتجعلي زوجك مل حياتك وتفكيرك! .. اتركي له مساحة كما يترك لك ،، غاري عليه ولكن لاتخليه كل عالمك يدور حول فلك اسمه زوجي! ... ماتدرين ممكن سالفة المطالع والتبصبص صارت كرد فعل لغيرتك؟! بعض الناس شخصياتهم كالاطفال تمنعيه يعاند ويظن هالشي صح وهالشي ممتع ! .. هالمرة كوني عكس توقعاته سلمي عليه وادعي له بالتوفيق ولا تبيني غيرتك وعطيه الابتساامة اللي تبرد القلب وبيني له درجة اشتياقك له والفراغ اللي راح يتركه وكل هذا من غير ذكر اي غيرة او توصيات بغض البصر! .. وبتشوفين رد الفعل اللي يبرد قلبك .. |
رد : غيرتي ..وعدم ثقتي
اقتباس:
ارجع القاه مسحها كلها وحذف نصف القنوات اللي كانت موجودة هذا كل مازور اهلي ومن غير الافلام الباخية بجوالة وقدامي ملاك لايدور للتلفزيون ولا يقعد على الجوال انواع الشك والريبة مع رجل كذا يخدعني ويجرحني كمان وش يبي كل شي اعطية مو قهررر |
رد : غيرتي ..وعدم ثقتي هل هي شعور عادي
السلام عليكم أختي
قبل ما أجيب على تساؤلاتك، حبيت أتعرف عليك، فقرأت بعض تعليقاتك، و بعض المواضيع اللي طرحتيها للنقاش، أغلبها تطرق لهذالموضوع, حبيبتي ارحمي نفسك شوي, استمتعي بحياتك مع زوجك و بلا ما تطفشيه منك بكثرة المراقبة يا اختي التهي عنه بشئ يخصك انت، و تحسي فيه بقيمه ثانية، لانك مركزة حياتك كلها على زوجك و احتمال أنه يخونك أو يناظر حدا ثاني من غيرك هيك بيصير عندك حاجة تغنيك عن حاجة أخرى و هيك اعذريني، و لكن تكلمت من زاوية أني عندي اخت تخلت عن كل شئ في سبيل زوجها (عمل، دراسة ,,,,)، و الحين أفقها ضيقك كتير و تحس انه اختياراتها محدودة، و اذا حصل بس و زعل منها تنتكس و تزعل و تحس انها فقدت كل شئ لديها، و هذا اللي يطعن قلبي و الله يسهل لنا و لك اللي فيه الخير |
رد : غيرتي ..وعدم ثقتي هل هي شعور عادي
اقتباس:
وسبق اني تعقدت من بيئة عشتها عند اهي بسبب اخواتي وابي يعني الغزل عندهم عادي ومطالعة النساء عادي ومن غير امور جات بعدها شفتو الي تزوجت وتبي تطلع من هذي الحياة وتبي تعيش بامان مع واحد ياشيخة لو يروح المريخ تدري مافي قلبة الا هي وعينة وحياتة لكن للاسف لقيت نفسي بنفس الدوامة كيف نفسيتي تبي تتعالج هذا انا مطنشتة اليوم كلة كارهتة وتعبانة وخفقان عندي وداخية وضيقة ابي شخص يفهمني كلامكم خليك مع نفسك عيشي لنفسك مااقدر ابداااااااااااااااا حتى هو يسميني نفسية ونكدية ويقول الله يشفيك اقول في نفسي الله يبلاك مثل مابليتني كرهتة ودي اطلق بس علشان ولدي ً اعيش عند اهلي وارفهة عن نفسي احلى من حياتة لافيها لا دلع ولا احترام ولا فلوس وحتى مرة سالتة لو مت انا بتززوج ولا قال لا بعيش على ذكراك 😏😏😏واعيش انا واولادي وجمع فلوس واتمشى واتعالج بافخم المستشفيات حطو تحتها الف خط هو يبي الممرضات الحلوات لانة فقع مرارتي منهم واسافر ولا اخلي مكان طبعا الرجال خلاص بعد ماموت بعيش بالجنة اللي فاقدها لاني احرمتة من كل نظرة بافلام الاباحية احرمتة من الرقصات وقنوات الاغاني بذمتكم هذا تتكلين علية يعني تتعطينة راحتة لا واللة يانا ياهو وانا متاكدة بجي الطلاق لكن مدري متى |
| الساعة الآن 04:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©