زوجي لايهتم بي
 

السلام عليكم ورحمة الله وبركاته
اعزائي اعضاء المنتدي اسفه لاني كثرت مشاكلي لاني ما عندي احد افضفض له غيركم
طبعا مشكلتي زوجي انه ما يلتفت صوبي ولا كاني موجوده حتى لو لبست له وتكشخت له كل شي معاه عادي ما يشوف علي.
وطبعا ما يتكلم كثير وحتى لو انا بادرت يا انه يطنشني او يرد علي بكلام قليل والله عمري ما حسيت اني متزوجه وزوجي ياخذ ويعطي معي وافضفضله ويخفف علي وينصحني لا ابدا أحلامي طلعت كلها عكس
ما يطالعني وما يتكلم معاي ومايشعر بوجودي كاني جدار من الجدران الاربع
ومايهتم بي وما يهديني وما يطلعنا شوي نرفه من جلسه البيت والملل. وما ينصحني أبدا سوا عملت شي غلط او غيره وما يغار علي وكل شي مفروض الزوج يعمله لزوجته هو ما يعمله معي.
اما اهله يحبهم ويحبوه ويغار على اكثر اثنتين يموت عليهن امه واخته الاصغر. وممكن يغار من بعض الاجنبيات وحتى الي معاه في الدوام والبائعات وبنات عايلته يحبوه ويحبو يسولفن معاه وهو كذالك
ألاحظ كثير بنات يشوفن عليه اذا رحنا السوق مع انه مب وسيم ما ادري هل السبب يمكن هو الي يشوف البنات ام انهم صدق معجبات فيه
هو انا الاحظه احيانا يشوف علي البنات لكن احيانا هن البنات يحاولون يلفتونه ما ادري ليش وهو عاد يفرح بتشقق الحبيب
والله انا ما احبه كثر ما الناس الي برع تحبه وهو السبب قدر يخلي العالم كلها تحبه وانا كرهني فيه وبالعكس عاادي معاه ما اهمه
هل كل هذا بسبب انه خلاص الرجل شبعان ومحصل السوالف من الحريم والمحبة من الناس عشان ما يحبني او احبه.
(تم التعديل ليتناسب مع المضمون)

رد : يا ترى شو السبب؟!
 

الله يفرج همك

احس نوعيته صعبه و يبغاله الحرمه اللي شايفه نفسها و مهتمه بنفسها هي و مو حاطتله اعتبار

مو اللي محتاجته زيك

و يبغاله حرمه قوييييه من الآخر

و هوه شكله حيمشي وراها و يدور رضاها

مو مهم هو

التفتي لنفسك يا بنت الحلال لا تجيكي امراض

قوي نفسك و كوني لك هوايه و شخصيه و حياه بعيد عنه

و مو عشانه و لا عشان يجري وراكي و بس

لأ ترا عشانك انتي محتاجه انك ما تكوني في حاجته هو و بس لآزم تكوني اقوى

و الله اعلم

رد : يا ترى شو السبب؟!
 

شوفي حبيبتي انا اكره الزوجة الي تقول اتكشخ واتزين لزوجي وتبغى تلفت انتباهه او تستنى منه مدح .. الوحدة تتكشخ وتتزين لنفسها مو لزوجها .. وعلى فكرة حتى لو مامدح تأكدي بيكون منتبه لاناقتك .:cool:

من ناحيه الهدايا انتي اول شي اهديه بكل مناسبه وهوا راح ينحرج ويهديكي ::::::

اما الخرجات بعض الازواج مايهتموا بالخرجات ولو الزوجة ماطلبت مابيطلعها انتي اطلبي منه تخرجي ترفهي عن نفسك انا لو مااطلب من زوجي اخرج مابخرج من بيتي ابدا لكن انا الي احجز واعزمة وطول الخرجه جالس عالجوال يلعب لكن اهم شي اني مبسوطة ومروقه مع نفسي ryy

من ناحيه الفضفضه افضل انك ماتفضفضي لزوجك dfh

رد : يا ترى شو السبب؟!
 

الله يفرج همك امين
كم سنة صارلك متزوجة
عندك اطفال منه

رد : زوجي لايهتم بي
 

صارحتيه بالموضوع ؟

رد : زوجي لايهتم بي
 

لما اصارحه يقول الغلط منا نحن انتي ما تتكلمي وانا ما اتكلم.
او يقول انتي شكاكه ومب زين الشك وكل يشوف بعين طبعه.
هو كذا دائماً يطلعني السلبيه اما حد ثاني كله صح
ولما صارت مشكله مع اهله وسببها اخته الي افتعلت لي مشاكل على سبب تافه جداً جداً ومع اني انا ما رديت عليها بكلمه وهي تصارخ. اولا وقف معي وحارب اهله
لكن لما اهله شافوه وياي وسوسوه وقنعوه باني الغلطانه ظلموني وهو صدق وقال لا تظني اني بكون معاج ضد هلي
المشكله انه ضعيف الشخصيه جدام هله وحتى لو بين رجولته اهله راح يوسوسوه وخلاص بيقتنع ويصير ضدي

رد : زوجي لايهتم بي
 

عندي ولدين منه لا تقولو ان بعض المتزوجين يتغيرو بعد ما يصير معاهم اولاد وضغوط وغيره
هذا الرجل من اول يوم دخل علي كذا طبعه وكنت بفستان وباحلى طله وهو بس عمل عملته وخلاص
لا كلام حلو ولا قال بنسافر وحتى ما جلس يتشوف علي مثلا ويمدح مكياجي او تسريحتي او جمالي
انا لاني متعوده بايام الدراسه البنات يتشوفن علي ويقولن لي انتي جميله وكأنك ممثله كنت متوقعه خلاص ان زوجي راح يموت علي وبيبهره كل شي بسويه وانا يعجبني هذا الشعور لكن طلع كلش عكس عكس زوجي اصلا مب معجب بي من كثر ما شبعان من البنات واهله مب علاقته مع البنات زنا لا الحمدلله لكن ينعجب فيهن وبشكلهن حتى اخته وبسوالفها

رد : زوجي لايهتم بي
 

شوفي انتي لا تصيري حساسه

انتي شكلك تبغين واحد هو اللي يبدأ بالاهتمام و يقدملك حب

حبيبتي احمدي ربك على اللي عندك و شوفي مميزاته

يحبك و يحب الناس الفرفوشه و هي الناس ترى اللي تبدأ معاه بالكلام حتى اخته

و انتي ما تبادري بس تبغيه ليكي و يهتم بيكي و هو اللي يبتدي و يقدم

و الله اعرف رجال كثير الحرمه هي اللي تبدي الاهتمام و هو يبادلها بس ما يبدأ و اطلبي منه خرجات و هدايا و كل شي

و بالنسبه لاخته خلي مشاكلك معاها و مع اهله بعيد عنه

ردي عليها بينك و بينها او قدامه عادي بس خذي حقك بيدك لا تعتمدي عليه

و لا تخليه بينك و بين اهله رحمه و لحمه ودمه !!

يعني صعبه ع الواحد ترى بيرجع بيقسى عليكي انتي لانك خليتيه يعصب او يغلط على اهله او تصير فرقا بينهم

انا اعرف انه فيه ازواج البلا فيهم يعني ما يعرف يفرق بين اهله و زوجته و يعامل كل واحد فيهم حسب مقامه

سميها دلاخه او طيبه زايده او او

اللي عليكي سويه و عيشي لنفسك و غضي الطرف عن الزلل

و اطلبي منه لا تستحين اطلبي خروج دلع هديه اي شي في خاطرك

عاد هذا حلالك و استمتعي لا تجلسي زي المحرومه متزوجه و مو طايله شي

رد : زوجي لايهتم بي
 

زوجك الظاهر عنده غرور بنفسه شوي خاصه انك تقولي البنات يعجبون فيه لاشافوه

هدا سببله غرور وشوفة نفس الرجال اللي زي كدا يبغاله زوجه مغرووووره وتهتم في نفسها وتدلع نفسها وتطنش اما اللي تطارده صدقيني ماراح يلتفت لك لانك مو معطيته فرصه ملاحقته بالدلع واللبس عشان تشبعين غروره البسي لنفسك وادلعي لنفسك حتى وانتي تاكلي ادلعي لنفسك وقوليله حكاياتك مع صديقاتك وكيف معجبات فيك وبجمالك وربي يهديه لك لاتنسي تستعيني بربك في كل امورك

رد : زوجي لايهتم بي
 

دوري مفتاح شخصيته و حاولي تملكيه

يعني مثلا فيه رجال يحبون البنت الدلوعة وقتها تفنني في الدلع , و رجال ثانيين يميلون للبنت اللي شخصيتها قوية و جريئة ,
و رجال يحبون البنت الهادية و نوع اخر يحب البنت الاجتماعية و هكذا
و من كلامك انه يحب يكلم الكل و يندمج معهم واضح انه اجتماعي جدا و انتي ما وجد فيكي الاجتماعية اللي هو يحبها,
حاولي تختاري مواضيع معينة هو يحبها و تكلميه فيها , حتى لو انتي ما تحبيها , مثلا لو هو يحب الرياضة اهتمي في
اخبار الرياضة مثله و ناقشيه فيها او اسأليه عنها, و مع الوقت ان شاء الله الجليد اللي بينكم يذوب