اواجه انا وزوجي صعوبات في الحمل
 

(اواجه انا وزوجي صعوبات في الحمل)
السلام عليكم .. اسأل الله لي ولكم القبول

ماني عارفة وش اقول .. وكيف اتكلم .. حآسة بضيقة وألم ..
لي سنة و9شهور متزوجة .. وتعرفون بالمشاكل اللي كانت تصير مع زوجي .. بس في النهاية ترجع الامور لمجاريها ونرجع انا وزوجي افضل من قبل..زوجي طيب وحنون وفي ايجابيات كثير .. بس مريض عنده ضعف جنسي .. اعذروني علي صراحتي بس ابي افضفض عشان ارتاح ..

ولان عنده سكر مأثر علي الانتصاب عنده وما صارت علاقة كاملة .. راجع طبيب وغعطاه ادوية بس مانفع معه..

انا صابرة وساكتة بس داخلي قاعدة امووت الف موتة..لاني ابي طفل يملئ علي حياتي ..

زوجي حاسس بالذنب وقالي انا ظالمك معي .. بس انا قلت له مالك ذنب هذا من رب العالمين.. بس من داخلي اتقطع..

راجعت دكتورة وقالت الحل الوحيد التلقيح الصناعي بس زوجي رافض .. يقول مو واثق في المستشفيات ..

حاولنا في الحقن المنزلي عن طريق الابر .. قبل البارح حاول يحط الحيوانات المنوية في ابر عشان يحقنها فيني ولان النور خافتت اكتشف انها نزلت كلها خارج الابرة .. من بعدها حالته النفسية سيئة وحالتي أنا كمان وكل واحد منا جالس بمكان لحاله ومانكلم بعض الا بشكل رسمي ..

أنا ماني صغيرة عمري تجاوز35سنة وفرص الحمل تقل كل سنة .. وفي المقابل ماني عارفة وش اسوي ..

هو طيب ويستاهل التضحية بس انا قلبي معلق في طفل أضمه..


(تم التعديل ليتناسب مع المضمون)

مستجدات

الرد 34
http://www.66n.com/forums/showpost.p...0&postcount=34

الرد 63
http://www.66n.com/forums/showpost.p...4&postcount=63

رد : متضايقة وتعبانة واحتاج دعواتكم ونصائحكم
 

الله يرزقك بالطفل اللي يملا حياتك سعاده وبهجه ...

عليك بالاستغفار انت وزوجك .. استمروا عليه

هذا الحل الفعال والاكيد

رد : متضايقة وتعبانة واحتاج دعواتكم ونصائحكم
 

امين يارب .. وجزاك الله خير ..

رد : متضايقة وتعبانة واحتاج دعواتكم ونصائحكم
 

الله المستعان أسأل الله الذي جلت قدرته بمنه وكرمه في هذه الايام الفضيلة أن يكرمك بطفل سليم معافى وأن يرزقك الصبر وسعة البال ولايحرمك الأجر ,

رد : متضايقة وتعبانة واحتاج دعواتكم ونصائحكم
 

امين يارب .. الله يجزاك خير..

رد : اواجه انا وزوجي صعوبات في الحمل
 

بس ابي النصيحة منكم كيف اتعامل مع زوجي .. نفسيته زفت .. وأنا والله ماني عارفة هل أصبر عليه أو أجبره نسوي تلقيح صناعي أو وش أسوي وكيف أتصرف..

رد : اواجه انا وزوجي صعوبات في الحمل
 

ايه ياقلبي اجبريه تسوين اللي تبين دامك تبين طفل
افعلي الأسباب وادعي وباذن الله ربي يرزقكم
حبيبتي الرجل دام المشكله منه يسكت ولو كانت من المرأة نادر تحصلين اللي يسكت
بقولك قصة جارتنا صبرت على زوجها حوالي 30 سنة وكانت المشكلة منه مع انه سافر وحاول يتعالج بس سبحان الله ماكتب ربي وكان يتبنى لها اطفال وكلهم اذا كبروا يروحون عنها وبعد 30 سنه عمل عمليه جديدة وقالوا له غالباً راح يجيك اطفال و زوجته قالوا خلاص مالها أمل كانت فوق 45 عمرها طبعاً جازى صبرها بزوجة جديده وجاء له عيال منها وعايش مع الجديدة براحه تامه وخلى اللي صبرت عليه لدموعها
عشان كذا اطلبي منه وروحوا للمستشفيات المعروفه الحين الطب متطور والحمدالله
قريبتي زوجها عنده ضعف ولا تحمل الا بتلقيح بالمستشفى والحمدالله جابت منه 5 اطفال كلهم بالتلقيح

رد : اواجه انا وزوجي صعوبات في الحمل
 

وهذا اللي افكر فيه ..انا بعد كم سنة ماعاد أقدر أحمل بس هو رجال يقدر يجيب اطفال بأي سن...وياخوفي يجازي صبري عليه بالنكران ..

رد : اواجه انا وزوجي صعوبات في الحمل
 

رد : اواجه انا وزوجي صعوبات في الحمل
 

وعليكم السلام..
انا ما اعرف بأمور الحمل
لكن الي اعرفوا لا تيأسي وادعى الله
الحمل مو مستحيل انا والدتي اول حمل
كان بعد 3 سنوات
بعدو بـ 13 سنه حملت من جديد
والتحاليل كانت سليمه بس من الله