خطيبتي باردة شي يطفشش زهقت
 

السلام عليكم
انا مملك من اشهر بسيطة جداً

علاقتنا اشبة كـأننا اثنين من الشباب كلام رسمي مافي غزل مافي حنية مافي دلع كلامها جدا جدا قليل
انا برضوا كلامي قليل بس مع الناس المقربين مني, اتكلم كثير لا هي خلقة كلامها قليل وصرت زييهاا بس للامانة ما قابلتها الا مقابلات بسيطة كنت اشوفها غير وكلامها حلو بس ودي ازورها كثير لكن ما حسيت في تجاوب منها او ودها تقابلني عشان اقدر اقولها اقابلك
اوقات اتحسف اني تعجلت في موضوع الزواج , اشتغل ولله بالشقة ومال امي نفس احس حماسي للزواج خف صارت علاقتي معها روتين سلام عليكم وكيف الحال ما احس نفسي مرتبط بشريكة حياتي وكم مرة صارحتها تقولي طبع فيني كلامي قليل وفيها خجل زايد يطفششش كرهت حتى الخجل , انا نااااقص اخاف تصيير علاقتنا كذا حتى بعد الزواااج اخ بس
صار يراودني تفكير افسخ الخطوبة لاكن اتعوذ من الشيطان ما ابي اكسر فرحة امي وابوي
ممكن مشكلتي كنت متخيل ايام الملكة دلع وحب واهتمام وحنان ههههههه
طبعا صرت اكلمها بعد كتابة العقد قبل مافي اي شي

رد : خطيبتي باردة شي يطفشش زهقت
 

بدري على الطفش
البنت خجوله وانت إنسان غريب عليها لسى ماتعودت عليك ولاتعرفك فراح تخجل منك
بس مع الوقت وبعد الزواج راح تتغير وتصير تتكلم وتتكلم لغايه ما تتطفش
وانت كمان حاول تفتح معها مواضيع عامه وكلمها عن يومك وايش سويت فيه واسالها عن يومها
صدقني راح تتغير
وبعد الزواج لا تجئ تشتكي وتقول زوجتي كثيره الكلام وحنانه وماتسكت
ومو بس انت خذ لك لفه في القسم راح تلاقي كثير من الشباب زيك

رد : خطيبتي باردة شي يطفشش زهقت
 

تكلمت معاها في اي موضوع يجي ع بالك لكن تردد علي بقدر الملح ع الطعام
كلامها معدود جداً ابي اسمع منها سوالف طويلة مفتوحة ترد ع قد كلامي واقل ما يمكن
اعطيتها كل ابيها منها من حب واهتمام ولكن مافي مقابل منها هذا الشي صار يضايق وصرت بارد زيها
ما اختلفنا بعد الزواج نقول تتغير وطيب وايام الملكة ليش يصير فيها كذا ؟ الكتاب من عناونه

شكرا لك

رد : خطيبتي باردة شي يطفشش زهقت
 

أولاً ألف مبروك والله يتمم لك على خير

ثانياً طول بالك شوي كثير اللي يشتكون زيك

إلإحتمالات كثير منها إن البنت خجوله _ مو متقبلتك _ تسمع نصايح إللي يقولون لها إثقلي _ هاذا طبعها فعلاً

مهمتك إنت تعرف هي ليه كذا معك ولاتكون مندفع كثير أكثر البنات يتضايقون لأنكم يالرجال الله يهديكم عجولين

تبون بسرعه حب ولما تزورون زوجاتكم تطلبون أشياء لسه بدري عليها

يعني الواحد يتدرج شوي شوي ولايصير مندفع عطها فرصه تعرفك وتحبك لاتستعجل عليها

أما تلغي الزواج عشان كذا لأ مالك حق أوكي مخاوفك بمحلها بس أصبر شوي

والله يوفقك

رد : خطيبتي باردة شي يطفشش زهقت
 

عاادي وضعها بس اذا كانت خجوله بزياده يعتمد عليك انت تقدر تطلعها من خجلها ابدأ احكيلها اش صار معاك ف يومك وخلها تندمج بالسالفه يعني مو توجه* لها اسئله حترد ع قد السؤال اكيد..وطول بالك لاتبدي لها تضجرك من سكوتها اوتقول لها ليه ماتسولفي او يلا سولفي كذا حتى لو كان عندها سالفه حتضيعها..
وزورها وخلها تتعود عليك

رد : خطيبتي باردة شي يطفشش زهقت
 

استخير .. و الفترة هذه عشان تشوفوا حالكم مناسبين لبعض و لا لا ؟
يا تتقبلها كذا .. او لا تفكر بتغييرها ..

رد : خطيبتي باردة شي يطفشش زهقت
 

اذا قصدك على كلام الحنية و الغزل الخ فشي طبيعي انها ما راح تبادر و راح تخجل بادر انت يا عيوني، اما لقل كلامها ممكن طبعها كذا فعلا او خجل ما راح تعرف هالشي الا اذا منتوا على بعض و ممكن تطول فترة الملكه اذا هالشي مرة مضايقك و شي اساسي عندك عشان تعرف طبعها و انتم للحين في السيف سايد ..

رد : خطيبتي باردة شي يطفشش زهقت
 

الزم الدعاء ان الله يألف بينكم،

طيب انت اسألها وش شريتي وش جهزتي للعرس وش باقي لك من تجهيزات
البنات همهم هالفترة التجهيزات ويحبون يتكلمون بهذه المو اضيع بهالفترة،
تكلم معها بخصوص تحضيرات العرس واطلب رأيها وأعطها رأيك،
أقصد افتح موضوع يلامس شغاف قلبها وشوف مدى تجاوبها،

رد : خطيبتي باردة شي يطفشش زهقت
 

اخوي كانت هذي مشكلتهايام خطبته البنت تستحي وقليل كلامها بعد الزواج العكس الله يهنيهم

رد : خطيبتي باردة شي يطفشش زهقت
 

هي تستمتع بكلامك لكن لا تبين لك .. فاقطع واثقل حتى تشتاق لكلامك

ولا تعود كما كنت بل تتدرج لأبعد حد ..

الركادة زينة في بداية الحياة الزوجية بدلا أن تسكب نهمك مرة واحدة

واصبر عليها ربما عمرها صغير والأيام كفيلة بأن تحولها الى متحدث رسمي