فرق العمر المناسب وخطبة الرجل لفتاة اكبر منه سنا
 

(فرق العمر المناسب وخطبة الرجل لفتاة اكبر منه سنا)
السلام عليكم
اش حالكم يارواد هالمنتدى الطيب دخلت وتشجعت لما شفت روح الحكمة تتهادى بيناتكم
وفكرت اطرح موضوعي ليطمئن قلبي ان شاء الله
انا فتاة الحمدلله معتدلة دينيا وعندي مكانة اجتماعية زينة عمري 28 وحالي حال غيري من البنات انخطبت كثير بس مايصير نصيب
آخر مرة انخطبت من كم شهر والحمدلله حصلت الموافقة بين الطرفين .. وقريبا ملجتي
خطيبي الحمدلله فيه كل المواصفات اللي كنت اتمناها معدا حاجتين
الاول انه موظف على قد حاله (الله كريم ) الثانية وهدي الاهم انه اصغر مني حول ثلاث سنين
...
وهالشيء اللي خلاني اتردد وافكر كثير قبل الموافقه عليه

انا الحمدلله تفكيري اكبر من سني من كنت بالاعدادي بشهادة الجميع
والحين تعرفون شباب هاليومين كيف تفكيرهم مع احترامي
...
طبعا اللي خلاني اوافق عليه اصرار اهلي
ثاتيا .. انه من زمان كان وده يخطبني وكان خايف ارده عشان العمر
....
سؤالي للبنات:
هل تشوفون 3سنين فارق كبير بين الزوجين؟؟
سؤالي لشباب:
وش اللي يخليك تتعلق ببنت من االطفولة وتتجرا تخطبها وهي اكبر منك؟؟

(تم التعديل ليتناسب مع المضمون)

رد : سؤال لشباب؟؟ وسؤال لصبايا؟؟
 

السببين اللي ذكرتيهم ماهي مبرر انك ترفضينه

بالذات اذا كان على دين وخُلق

،

بالنسبة انه ماديته ضعيفة ، انا تزوجت زوجي وهو مو موظف والله رزقنا الحمدلله.

العمر مافيه مشكلة دام هو مقتنع وعارف عمرك


hhn

رد : سؤال لشباب؟؟ وسؤال لصبايا؟؟
 

شاكره لك همس مرورك وردك اللطيف
...

اي الحمدلله عارف عمري حتى تاريخ ميلادي وهو لما جا قال لاهلي تراها اكبر مني بس انا شاريها
وهالشيء طمني .. لكن الان احس المراه تسبق الرجل بتفكيرها اشوف اخواني لما كنت بسنهم كان تفكيري ارقى
منهم حاليا .. او يمكن الزمن تغير

رد : سؤال لشباب؟؟ وسؤال لصبايا؟؟
 

ما خطبك وانت اكبر منه الى انه يحبك ومتعلق فيك

والعمر ما يفرق
شباب هاليومين اللي تقصدينهم فيهم الصالح وفيهم الطالح

الله يكتب لكم الخير

رد : سؤال لشباب؟؟ وسؤال لصبايا؟؟
 

الاجابه ع سؤالك للشباب ..~
ج / الحب الطاهر



ثاني شيء لاحظت إنك مركزه ع قضية التفكير والتخوف منه وذكرتي أن تفكيرك أكبر من سنك هذا شيء طيب
حتى تعرفي هل يتوافق تفكيرك مع زوجك المستقبلي أن شاء الله أنصحك بعمل المقاييس اللي تشوفيها مناسبه لطريقة تفكيرك
وطرحها ع زوجك بأسلوب خفيف ولطيف ..~

أو تعملي له إختبار بوصلة التفكير "مقياس هيرمان" ^_^

بالتوفيق لك يـ أختي الفاضله والله يتمم لك ع خير ويكتب لك كل خير

إحترامي


/

رد : سؤال لشباب؟؟ وسؤال لصبايا؟؟
 

اي اخوي عاشق انا من ظمن الاشاء اللي كنت احلمها فيها اتزوج شايب عشان يكون عاقل هههه

رد : سؤال لشباب؟؟ وسؤال لصبايا؟؟
 

وبالنسبة لاختبارات التفكير والبوصلة واغلب هذي المقاييس صلحتها ..وعرفت شخصيته نوعا ما
بس مو متطمنة انا شخصيتي قيادية امممم ما اعرف كيف بتسير حياتنا

رد : سؤال لشباب؟؟ وسؤال لصبايا؟؟
 

العمر ما يشكل شئ بالنسبة للرجل
والفارق مو كبير
اذا الرجل مناسب توكلي علي الله

رد : فرق العمر المناسب وخطبة الرجل لفتاة اكبر منه سنا
 

شكله يحبك

بس انتي ما تخافي يشكلك لك بعد الزواج مشكله

؟؟

رد : فرق العمر المناسب وخطبة الرجل لفتاة اكبر منه سنا
 

هلا اختي راجية
بالنسبة للخوف من انه مثلا يعايرني او شيء من دا القبيل ما توقع
لكن خايفة اواجه مشكلة من ناحية النضج العقلي ؟؟!!
ومن تصرفاته واضح انه انسان مايفكر فقط تتحكم فيه مشاعره
ومايحسب حساب لبكرة