زوجي رفض اعتذاري بعد خلاف خارج المنزل (حلت -الرد20)
 

السلام عليكم ورحمة الله وبركاته


مشكلتي بسيطة طلعنا انا وزوجي لمطعم وكان المطعم بإختياري

وكان في نفس اليوم مباراة كأس العالم يعني أمس ، وكان المطعم

فيه شاشات تعرض المباراة ، والبنات صراحة الله يهديهم كاشفين ويصايحون اذا جات هجمة

قال لي زوجي هذا المطعم اللي اخترتيه ، واستمر يتابع عند طاولة هالبنات وكانت فيه وحده تطالع

بزوجي وتتميلح ، رحت انا عند شاشة ثانية وناديت زوجي ، زوجي طالعني مستغرب قلت له يعني عاجبتك قلة الحيا هذي

زوجي قال يالله على البيت ومافيه عشا ، رجعنا البيت صلحت سحور وماقلت لزوجي ولما جا وشاف السحور
قال انا ولد الشغالة ليش ماناديتيني قلت له بقيت لك سحور ( للعلم زوجي معاه مرض مزمن ومايصوم غالباً) وراح تسحر عند اهله

هذا اللي صار كله امس

اليوم ماافطر معاي راح افطر مع اهله

على الساعه 12 صلحت شاي وبيتزا ورحت اعتذرت منه وماقبل اعتذاري

وراح اتسحر مع اهله ومايكلمني من امس


مين الغلطان فينا ؟

وهل كان واجب علي اعتذر ، ؟

(تم التعديل ليتناسب مع المضمون)

رد : زوجي رفض اعتذاري
 

الظاهر هو كان ناطر منج اعتذار بس لما شافت سويتي سحور وما ناديتيه حس ان مو هامج وعصب

اعتذري مرة ثانية واذا رفض تصرفي ولا كأن شي صار

كلميه عادي واذا حقر وما رد عليج ذيج الساعة رفعي الجام عدل ولا حتى تطالعين فيه

رد : زوجي رفض اعتذاري
 

صحيح اتوقع كان ينتظر اعتذار والمشكلة زوجي يزيد مع الاعتذار

انا اعتذرت اليوم عن اني ماناديته للسحور لأني في الموقف الأول مااشوف نفسي غلطت

هذا اللي بسويه لاني اذا اعتذرت لأحد وماقبل اعتذاري اطنش واعيش حياتي بس مدري ليش قلبي يعورني


الله يرزقك بالولد الصالح ياموهبة ، قريت موضوعك ياموهبة وماعرفت ارد عليك لأن تفكيري مشوش وقلبي يعورني

رد : زوجي رفض اعتذاري
 

جزاك الله خير على الدعاء الطيب

لا تحاتين بيلين ان شاء الله

رد : زوجي رفض اعتذاري
 

رد : زوجي رفض اعتذاري
 

ما اتوقع في زوجة في الدنيا تسوي سحور وما تكلم زوجها .. حقيقة صدمه

المعروف ان الزوجة تخبر زوجها أصلا ماذا يريد من سحور من تسحب عليه

كأنه على الهامش .. من حقه يسحب عليك ويروح عند امه حس بقيمتها ..

اما مشاهدته للمباراة في وسط النساء طبعا أنا مستبعد ان هذا الأمر في أرض

الحرمين انتم في بلاد فيها اختلاط سافر ..أصلا كيف رضي زوجك يجرح صومه

بالقعود معهم , هذه من حقك تزعلين عليه

رد : زوجي رفض اعتذاري
 

تعلميها قاعده بحياتك
اذا اخطأتي انت اعتذري مره وحده وبعدها طنشي وانشغلي عنه ومارسي حياتك طبيعي
واذا هو اللي اخطأ لا تعتذري وانتظريه لين يعتذر هو
طريقة الرجل بالاعتذار يا حبيبتي بتختلف عنا مو زينا
الرجل بيعتذر بطرق غير مباشرة
يعني ناداكي تشوفي التلفزيون معاه هذا اعتذار
سئلك عن اهلك وشو اخبارهم هذا اعتذار
عمل علاقه معك بالفراش هذا اعتذار
عزمك على مطعم بره هذا اعتذار
شرالك هديه او ايس كريم او أي شي وهو راجع من بره هذا اعتذار
ما دام اعتذرتي وما قبل طنشي ولا تسئلي
واليوم نظفي بيتك وجهزي الفطور والسحور وكوني متشيكة وتكلمي بمواضيع ثانية غير موضوع المشكله اللي صارت
طبعا لا تنسي تحكيلو يالله نتحسر مع بعض ويالله نفطر مع بعض
مارسي حياتك طبيعي ولا كانه فيه شي
وانشغلي عنه لحتى يرضى لحاله
لا تنسي الابتسامه والصمت والغموض
واستعيني بالله وحافظي على سورة البقره والاستغفار والدعاء
الله يسخره لك امين

رد : زوجي رفض اعتذاري
 

المشكله مو معطيني مجال ولاحتى يطالع فيني

الله يجزاك خير اختي دوندرمه ويرزقك من حيث لاتحتسبي .

رد : زوجي رفض اعتذاري
 

اخوي المباراه كانت في الليل يعني ماكان صايم وهو اساساً مايصوم

بالنسبه للسحور انا فعلاً اخطأت واعتذرت عن خطأي وعشان كذا كتبت الموضوع .

الله يجزاك خير ويرزقك من حيث لاتحتسب اخي .

رد : زوجي رفض اعتذاري
 

انا اصلاً كل يوم انظف البيت واصلح فطور لكن هو مايجلس معاي نهائي

واليوم من قبل الفطور اخذ بنتي وراح يفطر عند اهله ، وانا افطرت لوحدي


الحمدلله اختم كل يوم جزء واليوم اكثرت من الاستغفار وحسيت براحه

الله يجزاك خير متفائله ويفرج همك ويرزقك من حيث لاتحتسبي .