![]() |
أختي العنيدة
السلام عليكم
اول شي انا بنت عمري 17 عام ومشكلتي عن أختي الصغيرة عمرها ٤ سنوات يعني ان شاء الله مع بداية السنة الجاي بتروح بستان المهم يا جماعة اختي هاي انا ربيتها من وهي صغيرة لانو انا كتيييير بحب الاطفال وبالذات البنوتاتا وانا بالنسة الها ماما وهي بتحبني أكتر من ماما وبابا كمان وانا لحتى الان بربيها وانا المسؤولة عنها في كل شي . راح أحكيلكو عن شخصيتها هي كتييييييير دلوووعة وحسااااسة جدا جدا وعنيييييدة وهاي هي المشكلة اختي حبيبتي كتير عنيدة بصورة فظيعة جدا والشغلة الي في بالها لازم تاخدها لو بالغصب عن الكل وانا ما بقصر عليها بشي لكن عنادتها مش بسيطة يعني مثلا بالنسبة للمصروف بتاخد فلوس من ماما كتييير كتييير وطبعا ازا طلبت وما أخدت بتسير تبكي لوقت طويل جدا وانا ما بتحمل أشوفها بتبكي وبروح أعطيها من مصروفي الشخصي مثلا بتحب تلعب بالمكياج ومستحيل حد يمنعها ولو حكيت معها او بهدلتها كتييير بتبكي وبتعند وكمان بالنسبة للمشاوير لازم في كل مكان بدي أطلع تيجي معي وازا ما طلعت بيبدا موال البكاؤ طبعا اهل البيت كلهم بيتدايقوا منها وبيقوموا عششان يضربوها بس انا ما بسمحلهم وكمان في مشكلة الضرب انو هيا كتير بتمد ايدها عليا مع اني انا ما باضربها يعني لو بدها حاجة ومنعتها بتضربني وبتسير تبكي |
رد : أختي العنيدة
خلوها تبكي البكى بيربي وانا اول وحده رباني البكى :jj
مش الضرب بالعكس الضرب بتعاند اكثر وعلميها كل ما تعاند كل ما بتخسر وتتعاقب وكل ما تسمع الكلام وتصير شطوره راح تحصل مكافئه أخت بيسان ترى التربيه من الصغر والعناد راح يكون سلوك مستمر في حياتها حاولي تحلي المشكله من ألحين وفي هذا العمر |
رد : أختي العنيدة
احرميها من الاشياء اللي بتحبها
عامليها بمبدء الثواب والعقاب |
رد : أختي العنيدة
ااااه لو حرمتها من شي
يبدأ الموال والزعل والبكاء وانا ما بحبك انا سرت أكرهك بتسير تحكيلي شو أعمل انا ما بدي اياها تكون عنيدة |
رد : أختي العنيدة
جربي التطنيش
ولو صرخت او بكت تجاهليها ولا كانك شايفتيها مره مرتين راح تزهق وترجع طبيعيه واقرئي بقوقل عن الطفل العنيد وكيف تتعاملي معاه |
رد : أختي العنيدة
اقتباس:
موفقة ,, |
رد : أختي العنيدة
طنشيهاااااا بقوه
الأطفال ماشاء الله عليهم أذكياء جدااااا هي تستخدم البكاء وسيله لضغط عليكم عشان تحققي طلباتها اتركيها تبكي وتصرخ راح تزيد بالصراخ اذا طنشتي وبعدين راح تطفش وتعرف انه مافي فايده من الصراخ راح تدور على وسيله ثانيه عشان تجبركم تسمعوا كلامها اذا خفت نوبه الغضب منها اطلبي منها انها تكون هاديه وتحدد طلباتها كوني حازمه معها واستمري بالتربية بحزم لكن مو يوم حازمه و10 لااا اذا انتي ما رباتيها راح هي تربيك وتمشيك على العجين على قولتهم |
رد : أختي العنيدة
شكرا الكم راح احاول
|
الساعة الآن 05:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©