ساعدوني كيف اتصرف وحدي
 

السلام عليكم اخواني واخواتي


انا مادخلت هنا الا لاني شاهدت منكم الكثير ممن هو حكيم وعاقل وتساعدون الغير في مشاكلهم بعد الله


حابه اعرض عليكم مشكله بسيطه من باب ترشدوني لحل او تواسوني بكلمه او دعوه



مشكلتي مع زوجي هو شغله في مدينه قريبه منا وعليه شيك بمبلغ وقدره 80 الف المشكله صاحب الشيك صديق زوجي لكن مارضي يصبر عليه وقدم بلاغ وزوجي بالتوقيف كلمني وقلي انا بالتوقيف ولا تخبري احد مررره ولا اهله لانه ماخد على خاطره منهم شوي وظلموه مايبغا احد يشمت رغم انه راعي فزعات وواجب معاهم

انا الحين مدري كيف اتصرف ولا لمين افضفض ولا عندي احد اكلمه وحيده بهمي واحنا بزمن مانبغا ندل نفسنا بعد ماعرفنا اللي حولنا صعبين وكل واحد همه نفسه

جالسه بالبيت وحدي انا وطفلين ياربي كيف اطمن عليه اخدوا جواله للاسف ومقفل


طالبتكم تدعولنا او ترشدوني لحل الله يفرج هم كل من يدعيلي بدعوه حلوه او يعطيني حل مناسب


ارجوكم لاحد يفهم موضوعي غلط والله اني بهم وضيقه بسبب ديونه وعدم استقرارنا لسنين طويله hfh



اللهم فرج عنا واقضي الدين عن زوجي

لاحول لي ولاقوة الا بالله


لااله الاانت سبحانك اني كنت من الظالمين

رد : ساعدوني كيف اتصرف وحدي
 

لاحول ولا قوة الا بالله ،، بوقت الشدايد يطلع الزين والشين ..،
حبيبتي مافي مجال تاخذوا قرض او دين من البنك بالمبلغ وتدفعون له وبعدها البنك يقسط لكم الفلوس على دفعات شهرية على مدى سنوات ؟ ! عشان بس ترتاحوا من هالادمي ؟ ..

فيه حل اخر اذا عندك ذهب تقدرين تعملي رهن بثمنه يعني يبقيه راعي الذهب عنده لوقت معين زيعطيك فلوسه فاذا جا الوقت ترجعين فلوسه وتاخذين ذهبك اوو انك تبيعيه اذا شايفه ان زوجك محتاج جدا وهو يستحق المساعده ،،، على الاقل صاحب الدين يعطى مبلغ يسقط التبليغ ويسكت الى ان يوفر الباقي ..

بالنسبة لاهلك او معارفك هل عندك احد تقدري تستلفي منه من غير ماتقولي السبب الحقيقي ويكون مبلغ بسيط على الاقل ليملي عين صاحب الدين !

الحل الاخير واللي دايما ما استخدمه بهالاوقات وهي الجمعية يعني عاده النساء يعملوا تجميع مبلغ شهري بين مجموعتهم ويطلع مبلغ حلوو ويعطى كل شهر لشخص على حسب الاولوية فاذا تسالي اهلك او اهله ومن غير مايسئلوا عن السبب وتدخلي بهالجمعية وتحصليها بهالوقت لضرورتك وتسددي منها ،،،

الله يعينك ويصبرك ويرد لك زوجك سالم غانم ان شاء الله وربي يرزقكم من واسع ابوابه ياارب ،،

رد : ساعدوني كيف اتصرف وحدي
 

الله يفرج همك يارب
اتصلي علي واحد ثقه من اخوانك وكتوم وقوليله انك تبغي تتطمني علي زوجك
مع اني اتوقع زوجك بيزعل لو عرف انك كلمتي اي احد
او شوفي واحد من اخوانه ،،مهما كان اخوانه مستحيل يهون اخوهم عليهم لهدرجه او امه بس الي تطلبي مساعدته تآمنيه انه مايقول لااحد
بعدين يااختي توكلي علي الله وفوضي امرك له بالتوقيف فيه تليفون يقدر زوجك يدبر عمره ويتصل علي احد يكفله انه يسدد الدين بااقرب وقت
حتي الضباط نفسهم الي بالتوقيف ماراح يتاخذ اي اجراء الا لما يتصلو بصاحب الدين ويحاولو معه يتنازل او يعطيه مهله
يعني بتنحل ان شاء الله
ثقي بالله ولا تحملي نفسك فوق طاقتك

رد : ساعدوني كيف اتصرف وحدي
 

مايقدر يطلع قرض لان عليه قرض واقساط من اول

وبالنسبه اني اخبر احد مشكلة زوجي عنده عزة نفس قويه يحب يساعد الغير بعيونه لكن سبحان الله مايحب يطلب احد يستحي مررره وحلفني مااجيب سيره لاحد وانا ماعندي احد اعتمد عليه وجالسه بالبيت لوحدي مدري كيف اتصرف اهلي مسافرين وعلى قد حالهم مو ناقصين


جزاك الله خير بس لاتنسوني من دعواتكمdvf

رد : ساعدوني كيف اتصرف وحدي
 

الله يريح قلبك بس زوجي يتيم لا ام ولا اب وشايل شوي من اخوانه لانهم ماعطوه ورثه كامل عشان كدا مره مايبغا احد يعرف عشان مايدل عمره وللاسف ماراح حد يكفله لانه من رمضان وهو يدور احد يكفله بسياره ماحد رضي حتى صاحبه الانتيم اللي يعتبره اقرب له م اخواه

وماعندي غير رب العالمين اشكيله الحال
لاتسوني من دعواتكم يارب يتصل واطمن عليه

رد : ساعدوني كيف اتصرف وحدي
 

ارفعوا موضوعي لو بدعوه في ظهر الغيب

لاحول ولاقوة الا بالله

رد : ساعدوني كيف اتصرف وحدي
 

ياربي يعينك ويفرج همك
وان شاء الله هذي الغمة تزول قريبا وتخلصوا من الدين
ياربي ييسرلك امورك

رد : ساعدوني كيف اتصرف وحدي
 

ياليت الاداره تحدف موضوعي هدا



يالله اسالك الفرج
يارب اسالك الفرج لي ولكل من ضاقت عليه
يالله اسالك الفرج

رد : ساعدوني كيف اتصرف وحدي
 

الله يفرج همكم ويقضي ديون زوجك..اكثروا من قول اللهم أغنني بحلالك عن حرامك وبفضلك عمن سواك.

رد : ساعدوني كيف اتصرف وحدي
 

بلغي اهله و من لهم ارث معاه و لا تخلي عزت النفس تكبل ايدينك و رجلينك انتي و اولادك
خبري احد اخوانك يروح لعايلته ممكن يحن ربي قلبه ادا لا
الله يفرج همكم و يزيل كربكم
اللهم انا نعود بك من الهم و الحزن و الجبن و البخل و العجز و الكسل و غلبة الدين و قهر الرجال