|
هل صداقتنا شاذة ؟
السلام عليكم
انا عمري 17 سنة انا كنت ألفلف ع المنتديات وقريت موضوع عن الحب الشاذ بين الصديقات وبدي منكم تحكمو ع صداقتنا لاني خايفة كتير اولا انا بعرف صديقتي من 5 سنوات تقريبا عن طريق المدرسة ولحتى الان باعرفها احنا في الاجازات الصيفية الطويلة لانو ما بنشوف بعض وبنحكي يوميا ع المسجات ومرات بنتصل ع تلفون البيت أو الجوال لكن الاغلب ع المسجات وكلامي معها بيكون كلام عادي شو سار معي اليوم شو طعامنا احوالنا مشاكلنا همومنا اسرارنا لكن ممكن مثلا انو اول ما نبدا احكيلها او هي ممكن تحكيلي مرحبا حبيبتي كيفك او لما نخلص حكي ونيجي ننام احكيلها او تحكيلي تصبحي ع خير ياا روحي وعلى فكرة انا بأستخدم هاي الالفاظ مع الجميع وهي كمان يعني مع اخواتي وكل الي بعرفهم بحكي معهم بهاد الاسلوب مش بس هي والله وعادي ممكن احكيلهأ مشتقالك ومن هل الكلام لكن ابدا مش كل كلامنا هيك هاد الكلام ممكن مرة احكي في اسبوع وانا والله شكيت في حالي مع انو عمرنا ما حكينا كلام بيغضب الله لكن انا متعلقة فيها كتير وهي اغلى انسانسة في حياتي تقريبا وكمان لو تخانقنا وخلص قررنا نبعد عن بعض بأدوخ وبأحس حالي راح أغمى بس ما بأغمى وعلى فكرة انا حساسة جدا جدا وحتى لو تخانقت مع حد مش غالي عليا بأبكي كتير وأكلي بيخف وبأنخنق كمان .شو رأيكم هل انا فعلا شاذة مع العلم انو الي صحبات كتير لكن هاي أكتر وحدة متعلقة فيها ؟ |
رد : هل صداقتنا شاذة ؟
وعلى فكرة انا بأغار لو شفتها متعلقة بوحدة من صديقتها أكتر مني او بيمسك ايدها مع انها ما بتحب اي بنت قدي بس وسوسة وهي كمان بتغار بس ما بنبين لبعض انو بنغار
|
رد : هل صداقتنا شاذة ؟
⌗ ͈ وَعـََلَيكُمۡ السَلآمۡ ورَحْمة الله وبركاَتْه ً«|❁
ي حياتي عليك .. أهني فيك حرصك وخوفك من الله حبيبتي هذي العلاقة طبيعية مافيها حاجة مشمئزة ولله الحمد .. قولي لصديقتك حبيبتي عمري وكل حاجة وقوليها لأي غالي عليك أهم شي شعورك أخوي حب في الله وعلى الغيرة هذي اعتبرها من التملك . محبة: وكرري الدعاء " ربي لا تعلق قلبي بأحد سواك " دعاء جميل لامسته بحياتي 🌹 ربي يسعدك .. لـ نطمئن . |
رد : هل صداقتنا شاذة ؟
عادي وضعك طبيعي
كلنا ايام المدرسه كنا نحب صديقاتنا ونغار اذا وحده كلمت غيري شعورك طبيعي انت متعلقه فيها ومتعودة عليها |
رد : هل صداقتنا شاذة ؟
أبداً غاليتي وضعك طبيعي وعادي
وكلنا ننادي من نحبهم بأحب المسميات لدينا وهذا من غلاوة ومعزة الشخص وفيه كثير أسر متعودين على هالشيء فصار شيء طبيعي ومع الأغلبية يستخدمو هالألفاظ المحببة وتلاقي أسر تانية جافة فيما بينها ورسمية جداً فستنتكر هالأشياء وتشكك فيها وأنتِ أهم شيء مدام نيتك خالصة لله ومحبة في الله فلا تقلقلي ولاتشيلي هم والأهم تكون صديقتك هالشيء عادي في بيئتها وغير مستنكر |
رد : هل صداقتنا شاذة ؟
يا الله شكرا الكم فرحتوني
|
رد : هل صداقتنا شاذة ؟
وضعكم طبيعي ياقلبي مافي شي الشذوذ ولاغيرو
علاقه صداقه ومعزه فقط الله يديم الحب بينكم يارب |
رد : هل صداقتنا شاذة ؟
وضعك عادي و طبيعي
الله يجمعكم في الدنيا دايما والجنه يارب |
| الساعة الآن 11:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©