طقي ماما
 

السلام عليكم

كيف حالكم منتداي الغالي


حابة استشيركم في شغلة مزعجتني جدا

بنتي اليوم كملت سنتين الله يبارك فيها ويجعلها من عباده المتقين

ابوها من باب التطفر دايما يقول لها طقي ماما ( اضربي ماما)

وهي على طول اتيي وتضربني ياحلاة ايدها الصغيرة

قبل كانت صغيرة ما تفهم الحين واعية وتعرف الصح من الغلط

وما يصير تكبر على هالشي

حاولت اكلمه وافهمه مو راضي يستوعب

ولما تضربني اعطيها نظرة حادة ان اللي تسويه غلط وهم تعاند وتضرب

مستقوية بابوها

ومرات اكلمها اقول لها ماما حلوة ما يطقونها بعض المرات تجي وتبوسني وتراضيني

ومرات اكون تعبانة من شغل البيت ومو ناقصة غثاه واذيته بكل برود طقي ماما

البوسة من الطفل تحمي كل التعب فمابالكم من الزوج

ومع هذا ما احصل الا طقي ماما

ابي اربي بنتي على احترامي واحترام ابوها

ابي اربيها على حسن الخلق والاخلاق العالية

وايد متضايقة منه

شنو الحل برايكم؟؟؟؟

رد : طقي ماما
 

انا ولدي كذا يده طويله ع الكل واي شي في يده يحذف فيه
وعمره قريب من عمر بنتك
قبل يومين ضرب طفل في مدينة الملاهي جالس في امان الله بين امه وابوه ويجي مسرع ويضربه احرجني مع اهل الطفل

رد : طقي ماما
 

وأنا حامل كنت متوقعه من زوجي يقول لولدي مثل ما زوجك يسوي
فكنت أذكر له قصص انه فيه من قريباتنا من تعود ولدها بس يروح البقالة لازم يشتري لها شي كتعويد ان يحترم امه ويعطيها
ومن هالقصص
لما كبر ولدي اللي متوقعته صار وابوه يرسله لي واضرب ماما على طول ذكرته باتفاقنا ان احنا نبي ولدنا يكون محترم ويحترمنا
واللي يسويه بيخلي الولد يقل أدبه علينا لما يكبر
الحمدلله زوجي اقتنع عملها كم مرة بالغلط لأن متعودين كل مايشوفون طفل اضرب هذا وعض هذا ومن هالاوامر الشينه
الان زوجي بدل مايقوله اضرب ماما يقوله يلا بوس ماما
والولد صار مايرضى يبوس غيري الله يحفظه ونفرح فيه

رد : طقي ماما
 

المشكلة ان ماخذها ضحك واذا كلمته اعرف ردت فعله بيقولي انتي معقدة وتدرين ان غشمرة
حتى مرة قالها جدام امي وامي انتقدته بشكل فظيع

رد : طقي ماما
 

وعليكم السلام

هذا غلللط

أهم شئ نهديه لعيالنا هي الشخصية واللي ما تجئ الا بالتربية الحسنة والاخلاق الحميدة

وشخصية الطفل تتكون من الشهور الاولي

لازم انكم تتفقون علي الخطوط العريضة و التفاصيل المهمه لكيفية التربية

الله يصلح ذرياتنا و ذريتكم

رد : طقي ماما
 

ابني نفس عمر بنتك و دايما انا و ابوه هيك منلعب معو بقلو ررح اضرب بابا بعدا بقلو بوسو

بالعكس لازم هالشي منشان تتاكدي من استيعاب الطفل

بعدا هي لسا صغيرة هي بتعرف تستجيب للاوامر بس ما بتعرف انو الضرب اهانة هي بتفكر انو هالشب لعبة
و زوجك بكون بدو يخفف دم معك .. سبحان اللهرالرجال وقت بخففو دم بكونر قمة بالغلاظة

رد : طقي ماما
 

اي والله سهر الشام

بيخفف دمه وبيستظرف معاي

ماني عارفة شلون اوقف هالشي

رد : طقي ماما
 

موهبة علميه مرة مرتين ثلاث ماعليك منه ! عشان يحسب الف حساب قبل مايقول هالجملة ! اذا يتغشمر كيفه بس انتي تشوفينه امر ثاني فكل ما سواها قولي له غلط وكل ماعادها بعد قولي له بيحس على دمه شوي وبيخف ....

بهالعمر مايعرفون الصح من الخطأ اذا وصلت لعمر الثلاث هني تبتدين تخافين ولكن بعمر السنتين الحفظ هو كل حياتهممع التطبيق فيعني ممكن يكون طبع ففيها وممكن بعدها تضرب حتى الناس بره ،،، انا بنتي بعمر بنتك عقلهم شغال على اي شي وتعلمت لي من اولاد خالاتها على الضرب فقمت اعلمها انا من تضرب احد حتى لو لعب تروح تبووسه وتحضنه حتى مع ابوها لان ع بالها لما تنفذ امر من احد والديها معنااه يحبونها او يعطوها اهتمام ..

وانا مثلك مرة سوالي زوجي قدام الناس هالحركة وقال لبنتي عن مزح ضربيها وجات ضربتني ومنها قعدت ناقشت زوجي وفهم النقطه الحين تعلم مني من تسوي لي شي روحي بوسي الماما ،،، هههههههه صارت حتى تحضن الاوادم بالسوق

رد : طقي ماما
 

مشكلة اذا الاب و الام ما كانوا متفقين علي اسلوب التربية يضيع الطفل بينهم

لما تضربك سوي نفسك تبكي و تتألمي و لا تعنفيها كردة فعل اذا سوتها

و دائما قولي لها انه ماما يحضونوها و يبوسوهاو اكثري لها من التقبيل و الاحظان

و ابوها لا تعامليه بالمثل بالعكس علميها امامه تروحله و تحضنه و تشكره و كرري دائما و خلي بالك طويل عشان يستحي علي دمه

رد : طقي ماما
 

اسوي مثل ما قلتوا

اذا جات تضربني اسوي نفسي متالمة او ابكي على طول تبوسني حبيبتي

اليوم قلت له باجر حتى امك وابوك تضربهم يقولي يا حلاة ايدها حبيبتي

قلت شكلي باربي البيت وابوها


الله يقدرني ويعيني