زوجي طردني مرة ثانية
 

المفروض نسافر قطر نهاية هالاسبوع وبسببه تعطلت أمورنا والغيت السفرة
وأنا زعلت. وكنت ابيه بس يأخذ بخاطري ويحدد لي يوم ثاني نسافر فيه
هو جاء بيكلمني بس بنفس شينه وسألني لمتى بتظلين كذا قلت له لين نسافر
قالي أجل ظلي وياليت تروحين بيت اهلك
أنا عصبت قلت له لاحظ مو أول مرة تطردني وتكلمت وقلت اللي بقلبي كله
وساعدني ان ظل ساكت على غير عوايده لما اتكلم يرفع صوته فانا اخاف واسكت واكتمها بنفسي
هالمرة مانطق بكلمة وأنا اتكلم ونزلنا السيارة وكملت كلامي

وكنت ناوية خلاص اثث لي غرفة في بيت اهلي لاني مومعقولة ارجع مع اختي بولدي وهي أصلا استولت على الغرفة
قلت له يوديني محل الاثاث رفض وقالي ماتطلعين من بيت اهلك
رحت بيت اهلي ) زيارة( وشفتهم لاهيين يتجهزون للسفر فما حبيت ادوشهم
لما جاء ياخذني قلت له ابي فراش. قالي نامي على السرير رفضت
قال خلاص هو بينام في الصاله ولي الغرفة بيني وبينكم انبسطت لأن أخيرا حسيت اني املك شي بشقتنا
ولنا يومين على هالحال
والحين مسوي هو الزعلان وأنا اللي غلطت كل ماطلبت منه شي يرفض يقول لما تتسنعين
طفشت منه ومادري وش اسوي

رد : زوجي طردني مرة ثانية
 

أنا ابيه يبطل يطردني كل مااختلفنا وصار مفلس ماعنده كلام يقوله
قالي روحي بيت اهلك

رد : زوجي طردني مرة ثانية
 

الله يعينك ويهديكم ويصلح حالكم

رد : زوجي طردني مرة ثانية
 

اكتبي في قوقل >>دورة خرائط واسرار لفهم الرجل<<

دورة رائعة أنصح بها كل متزوجة وكل مقبلة على الزواج

رد : زوجي طردني مرة ثانية
 

شوفي غاليتي واضح زوجك مو من الناس اللي ياخذ بخاطر الزوجه اذا زعلت
بالعربي ماينفع معاه الزعل ..
يعني انتي مارضيتي انه طنش سفرتكم
وانتي مااوضحتي انه ليش طنشها اسباب ماديه والا غيرها
المهم شوفي حاب يوضح لك انه لو تظلي سنه زعلانه مارح اراضيك
لكن هذي الشخصيه كوووويس انه فتح الموضوع معاك وقالك لمتى بتظلي زعلانه
لانه بالحلم يسألون مو انهم مايحبون زوجاتهم لكن كذا شخصيتهم ماتسمح ..

فاانتي دوري لك طريقه مثلا تتمسكني وتقول مره خاطري اسافر
وتجيبيها بتودد وانه بنيتي امال ع هالسفره كذا ممكن يرحمك
ويتراجع لكن بتزعلي مارح يغير رايه لانه يجي بباله انك بتاخذيها فرصه
تزعلي كل شوي .. طبعا هذا تفكيرهم مو شرط انتي كذا ..



وبالاخير كتبتي انه يقول اذا غيرتي اسلوبك وهذا دليل انو مو عاجبو
لذلك حبيبتي حاولي تغيري من هالطريقه وبذكائك بتكسبي كل شي

ولما يهدأ ويكون مروق فااتحيه بموضوع الطرد
تناقشي معاه بهدوء قولي انا مااسمح لك تهين كرامتي بطردي وممكن
مره اكون منفعله واقولك يالله بيت اهلي وتصير مشكله
بسبب كلمه منك

رد : زوجي طردني مرة ثانية
 

اذا اطردك مره ثانيه

قولي له هذا بيتي واشلون تطردني منه
وابتسمي

لان لو من يطردني من بيتي ما اطلع
انتي اصلا لازم تقتنعين هذا بيتك
للاسف انتي لستي مقتنعه بذلك ولهذا السبب الموضوع مضايقك

رد : زوجي طردني مرة ثانية
 

اعجبني اسمك وقعدت اتخيل كيف شكل لؤلؤة الصباح

نرجع لموضوعك
يوووه يالؤلؤه كم مره اذا تزاعلت مع زوجي طردني من البيت لبيت اهلي ومع انه بعض الاحبان يكون هو الغلطان يعني شين وقوة عين
بالبداية كنت اروح لبيت اهلي واقعد كم يوم وارجع ...
ومرة صرت اطنش صرت اجلس بالبيت بس امل لانه يعتبرني زي الكنبه فاضطر اروح لبيت اهلي

رد : زوجي طردني مرة ثانية
 

حبيبتي تدرين ليه زوجك مارد عليك لما تكلمتي عليه

لانه معترف بخطأه ومتضاااااايق اكيد كان مهموم واضح من طريقته وانت بعد غلطتي ليه تردين عليه وتزعلين بالذات اذا كان الظرف خارج عن ارادته

تدرين فنسفه قال ماتقدر ظروفي ولاهمها الا نفسها وانت على نيتك زعلانه بس تبينه يواسيك وهو فهمها مثل ماقلت لك

وبيتك ليه تطلعي منه تدرين لو قلتي له هذا بيتي وانت حبيبي ومااستغني عنكم ولو انك متضايقه كان تغير الموقف جذريا

وابدا ابدا ابدا لا تطلعي من بيتك خليك فالبيت بس روحي عنه بغرفه ثانيه لا تجلسوا تتخاصموا لاااااا

وصدقيني زوجك يبغى رضاك ويبسطك والدليل انه حجز بالبدايه بس قدرالله وماشاء فعل

رد : زوجي طردني مرة ثانية
 

شكرا دوندرمة وفاطمة
تكنسلت السفرة مو علشان المادة علشان التسويف والمماطلة منه ضاع وقتنا ومانقدر نخلص أوراق ولدنا بالوقت المناسب
أنا من شهر 8 بالعربي قلت له نبي نسافر وخططنا على الدولة والمصاريف وشفنا شركات السياحه يعني المفروض بذا الوقت خلص أوراق الولد واصلا المفروض مخلصهم قبل الاجازة الصيفية
فاجأني ماعنده اجازة بشهر 10 واجازة العيد يبي يجلس مع اهله
قلت خلاص يومين بقطر ولما بحثت وخططت وقرب الموعد قالي ماتخلص أوراق الولد بذا الشهر

هو زوجي بيتوتي درجة اولى
أيام الملكه ماكان يطلعني نهائي كله استقبله بالبيت وحنا بعوايدنا الرجال يمشي ويطلع زوجته
وأنا كنت استحي ولما اتجرأ واطلب يتعذر لي سيارته عطلانه الشوارع زحمه وغيره

بداية زواجنا نفس الحكاية تجي نهاية الاسبوع يروح لاهله وأنا لأهلي مايطلعنا
وصار بينا شد لين الحين الحمدلله صار يطلعنا داخل المدينه اللي احنا فيها بس

الان باقي موضوع السفر هو يماطل لأنه مايبي وبصراحه أنا ابي ومن حقي اسافر

موضوع الطرد سبق وعملها ولما تصالحنا وروقنا علمته ان الموضوع اهانه
والان كررها

رد : زوجي طردني مرة ثانية
 

هو مايطردني بالمزح علشان ابتسم له
هو يطردني بوقت زعل ونقاش جاد فمن وين يجي لي نفس ابتسم

وأنا فعلا مااطلع بس شكله بيجي اليوم اللي بطلع وبترك له البيت

انا دخلت هالبيت وأنا معتبرته بيتي بس هو كل اشوي هذا سريري لما اقوله سريرنا يقول لأ سريري
هذا تلفزيوني فهو محسسني انه يملك كل شي بالبيت وأنا مالي شي ويتمنن علي
الان خفف كثير من هالحركات بس باقي موضوع الطرد
ماني لاقية طريقة اخليه يبطل يطرد وقت الزعل