|
ارى ابن عمتي المتوفى في يقظتي
(ارى ابن عمتي المتوفى في يقظتي )
السلام عليكم و رحمة الله و بركاته يمكن ما تصدقون الي بقوله و لكن بالفعل له وجود قبل سنتين توفى ولد عمتي " ناصر " الله يرحمه انا ماكنت اعرفه وايد كان بينا سلام وبس لا اكثر ولا اقل ف اليوم الي توفى فيه نزل في جسمي شي حار مره ، استغربت و كنت أتأمل وايد بس ماقلت شي الشي الغريب بالموضوع ان بعد ماتوفى بديت اشوفه ،،،'! بالفعل بديت اشوف " ناصر " بشكل فضيع قبل كنت اشوفه بس كنت اعتبر هالشي أوهام وغيره و لكن لمده سنتين !!! طوفت الموضوع وايد لكن من 3 شهور تقريبا زاد الشي بشكل فضيع جداً كان يحادثني و يقولي عن أهله و اشياء محد يعرفها الا هو و أهله و يكلمني بانه ليش أهله مايحسون بانه هو مات و مايفكرون فيه و ليش زوجة نست الموضوع و تعيش حياتها كأنه شي ماصار ، هو متضايق وايد بالي يصير ، لكن المشكلة انا معلقه فالنص ماعرف شو اسوي و كل ما ابا أكلم حد يطلع لي حراره من جسمي بشكل فضيع و اتألم وايد وليش انا بالذات اشوفه و أكلمه و ليش يخبرني و ليش يخليني اتألم انا ماكنت اعرفه وايد و ماعرف شو اسوي ، الحين ماعرف شو اسوي الموضوع زاد عن حده و انا اكتب الموضوع وايد متألمه و ماعرف كيف كتبت الموضوع بس ارجوكم بغيت مساعدتكم و ابا نصايحكم انا الحمدالله ملتزمة اصلي صلواتي الخمس و أصوم و كل شي بس ماعرف (تم التعديل ليتناسب مع المضمون) |
رد : غريب قليلا ولكن بالفعل له وجود
عليك بالرقيه الشرعيه
|
رد : غريب قليلا ولكن بالفعل له وجود
اقتباس:
الحمدلله نحن بيتنا الرقية الشرعيةة شغاله 24 ساعه انا اصلي و اصوم و كل شي و الاذكار و كل شي لكن برغم ذلك وهالشي مب من فتره من سنتين فالبدايةة سكتت ماقلت شي ولكن زاد عن حده لذلكك انجبرت اكتب الموضوع عشان تساعدوني |
رد : غريب قليلا ولكن بالفعل له وجود
سبحان الله
طيب كلمك عن الموت الاخره هل ينصحك او فقط أهله وطول اليوم تشوفينه ولا فقط بعض الأوقات؟ |
رد : غريب قليلا ولكن بالفعل له وجود
سبحان الله شيء غريب يعني بتشوفيه خيال ولا وانتي نايمه ولا وانتي صاحيه ؟
جد موضوعك غريب بس انتبهي على حالك وارقي نفسك وحصني نفسك بالمعوذات واية الكرسي وان شاء الله الاخوات يفيدوكي اكثر |
رد : غريب قليلا ولكن بالفعل له وجود
اممم ،، ماعتقد ان هو اللي يظهر لك واقعا وانما قرينه او احنا نسميها عندنا تابعته ... دائما امهاتنه قديما يذكرونها بان التابع
بعد وفاة الشخص ممكن يتقمص شخصية وشخص الشخص نفسه اذا ما عمل شيء بالقبر كسحر او عمل ما طبعا انا بصراحة مادري اذا خرافة ام لا ولكن سمعت من صديقتي حصول امر مماثل بعائلتها بعد وفاة جدها ،، اذا كنتي تشوفينه بالحلم مثلا اذن اقري له ما تيسر من السور القرانية وادعي له .. ممكن اللي حاصل لك هو من عقلك الباطن فمثلا انتي مافكرتي فيه صح ولكن اثناء وفاته ربما تفكرتي بوفاته وما الحاصل لاهله وحياة زوجته بعده وهكذا الى ان اصبح عقلك الباطن هو المسيطر حتى بالامور السرية ربما لا تكون ولكن تحسيها كذلك ايضا حياة زوجته واهله المعتاد بعد وفاة الشخص هذا هو الحاصل ... ممكن سبب وفاته اثرت فيك؟ ،، بعض الاحيان سبب وفاة احد الاقرباء تخلي الانسان ينقلب حاله ... اذا كان الامر على شكل تخيلات متواصلة فلك خيارين اولهم التواصل مع شيخ معروف وعارف بهالامور ويكون من جانب اهلك فلازم تخبرين اهلك بالموضوع لان ماتدرين ممكن احد من الاهل يشاركك بهالحال؟ والحل الاخر بعد فشل الاول واتضاح انه لايوجد اي مشكلة هي مراجعه طبيب مختص يساعدك ممكن تكون مجرد تخيلات لامور باطنية وتظهر على شكل ابن عمتك المتوفى؟ ،، |
رد : غريب قليلا ولكن بالفعل له وجود
اقتباس:
هيه ينصحني باشياء و يتحكم فيني اشوفه طوال الوقت يكون معاي دوم |
رد : غريب قليلا ولكن بالفعل له وجود
اقتباس:
ان شاءلله الحمدلله ارقي نفسي دوم ان شاءلله مشكووره |
رد : غريب قليلا ولكن بالفعل له وجود
اقتباس:
لكن انا ماكنت اعرفه وايد و ما تاثرت ف يوم وفاته وايد كنت عادية كلمت اهلي بالفعل استغربو من الموضوع و محد في هالحاله ماعرف بس باذن الله براجع شيخ لكن في نقطه ثانيةة مب بس هو الي اشوفه انا اشوفه صح و هو يكلمني وغيره لكن اشوف اشخاص ثانية بعد انا ماعرفهم لكن احس انهم وياي انا مب ادخل غرفتي احس عالم ثاني احس ف اطفال معاي و في ناس وياي يروحون يردون وغيره انا وايد استغربت من هالشي الصراحة لكني ماكلمت حد ابداً لمده سنتين قلت يمكن مجرد اوهام وغيره لكن الحين زاد الوضع عشان جي نزلت الموضوع و اتمنى تنفعوني بشي |
رد : غريب قليلا ولكن بالفعل له وجود
الموتى حبيبتي مايتحكمون بالأحياء هم مشغولين في عالم البرزخ
وهم لما يزورون الأحياء فهي مثل الفسحة القصيرة بإذن الله لطلب دعاء او نصيحه ليس طوال الوقت يتجولون في الدنيا بدون هدف و يقولون مالا يرضاه الله فالله يا حبيبتي رحيم بالعباد ومدبر ومهيمن وعلى كذا عرفنا الي تشوفينه مو روح الميت الله يرحمه انت تشوفين أشياء كثيره تعرفين انهم مو أرواح انت تحبين تصدقين انهم أرواح ولا نفكر ونحط احتمالات غير انهم أرواح؟ |
| الساعة الآن 07:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©