|
هل اللى اسويه غلط ؟؟!
الكل يعرف موضوعى بالمنتدى
ومحاولاتى المميته عشان اكور من نفسي و قدراتى و ارتفع بنفسيتى بذلت جهد كبييييير و طووووويل مررة هدفى اكون اقوى و بشخصيه قويه و ابعد عن الرقة و الاحساس و البلاهه و يكون عندى فصاحه وارد على الكلام الموجه لي سوا حسن او سئ و اطلع من عزلتى و انطوائيتى الحمدلله تقدمت كثيير و احسن من اول ولله الحمد و دخلت العالم و احتكيت بالناس و نزلت للعمل مشكلتى دحين بموقف باااايخ اتعررض له كل مرة كل مرة والله انا شخصيتى طيبة و احاول اقويها و صرت اكون علاقات و صدقات بطبيعه العمل و كدا بس لان قلبي طيب على طول احب الشخص اللى اجلس معه و اتكلم معه و ماعندى حركات التخطيط و الكيد اللى لاحظته بين زميلات العمل والناس عموما ... صاروا يستضعفونى مررة و بعضهم يعتقد انى استهبل و قبل فترة تعرضت لموقف جدا بااايخ من وحده كبيرة بالعمر كلمتها و صارت تكلمنى اكثر من مرة و عزمتها ووافقت تجى و بيوم المحدد جهزت كل شي وطبخت و جبت حلا و كل شي جاهز و كنت متحمسه مرة و انتظرها وهى عطتنى موعد بتجى هى و بنتها و تاخرت و كلمتها قالت مو جايه و رحاء لا تكلمينى مرة ثانيه و ابعدى عنا و كلام كثير اذتنى فيه .. ليش طيب كدا كان قالت من اول و انا مابغى منها شي اصلا مو هى و بس اكثر من شخص صار لى معهم نفس الاسلوب طبعا بشكل اخف يعنى انا غلط ؟ كيف اتصرف طيب ؟ وكيف امنع قلبي من الطيبة الزايده و الحب و التعلق بالاشخاص |
رد : هل اللى اسويه غلط ؟؟!
غريبة .. ليش فجأة تغير رايها وماتجي ؟؟ وليش قالت لا تكلمينا وابتعدي عنا ؟؟
ماحاولتي تفهمين السبب ؟؟ |
رد : هل اللى اسويه غلط ؟؟!
اختى فجر مش المفروض ان الانسان اللى على الفطرة وذو القلب الطيب الابيض انه يغضب اذا وجد اناس ماكرون او لا يقدرون معدنه استمرى كما انتى ولكن لا تندفعى تعاملى مع الناس بوسطية لا افراط ولا تفريط ويجب من فترة اختبار لاى شخص يدخل حياتك وهل تصلح ان تكون صديقة ام لا لانه مع الآسف هذا الزمن اصبح العقد والغيرة هى ما يتميز بها كثر من الناس ولا حول ولا قوة الا بالله وكررى اللهم ارزقنى الصحبة الطيبة اسأل الله ان يسعدك ويحفظ زوجك واطفالك اللهم آمين |
رد : هل اللى اسويه غلط ؟؟!
اقتباس:
عشان اكلمك عند بنتي .. و يمكن عشان انا تعلقت فيها بسرعه و صرت اعتبرها ماما فهى فهمت انى ابغى منهم شي .. الى دحين انا ماعرف ليش سوت كدا بس انا قاعده احلل من عندى صدمتنى مرررة لانى ماكنت متوقعه منها دا التصرف كانت طيببة مرة معى و حبيتها و عشان كدا عزمتها و لسى صرت اخاف ان تعاملت مع احد يسوى نفس الشي وان جيت بعزم احد افتكر موقفها و اتراجع او انى اسال الشخص مليوون مرة اكيد بتجى اكيد بتجى khh |
رد : هل اللى اسويه غلط ؟؟!
اقتباس:
انا اغضب و اتضايق من تصرفاتهم لكن اشك انى انا الغلط اعرف ان الناس معادن لكن قلبي طيب مرررة و اتعامل بعفويه كبيرة واحب بسرعه حاولت احسن من نفسي و اسوى قويه و مو هامنى احد و ما احتك باحد لكن مجرد مايجي شخص و يكلمنى و يجلس معى على طول اقول دا طيب و مو زيهم |
رد : هل اللى اسويه غلط ؟؟!
النفوس تغيرت يا فجر وانتي طيبه
ياما حصلت معي شخصيا وانا مثلك اجلس والوم نفسي وانو انا الغلط ووووووووووووو وهم الصح وبالاخير اغلقت الباب عن الجميع ولن استقبل احد وان احد جا يسلم عليي انظر اليه من اعلى وبإشمئزاز اهل النفاق اصبحو كثر للحقيقه انتي الصح وهم الغلط ورح تكتشفي ذلك قريبا انتي الصح والمفروض هي تحترم عمرها قبولها للعزيمه وتصرفها يدل على شخصيتها هي وكيفية احتراماها لنفسها قبل ان تحترمك انتي رائعه وعندك اراده قويه ونحن نشعر في تقدمك |
رد : هل اللى اسويه غلط ؟؟!
اقتباس:
اهلا خاله قرين انا انبسسسطت كثير بردك وانك موجوده احبك مررررررة jyhjyh انا كمان يا خاله صرت ما احتك باحد و ابقى وحدى عشان ماحد يفهمنى غلط و دى اللى قبلت عزومتى انا انبسطت فيها مررة و لكن بعد كلامها خلتنى اببببكي كثير واحس انى غبيه لانى صدقت كلامها حتى وحده كمان بالشغل عندنا فقيرة و تخدمهم و يعطونها فلوس انا ماكنت اطلب منها تسوي لى شي و صارت هى تجى و تسوي لى قهوه واقولها ما ابغى انا ما اشرب القهوه و تلح على و عشانها اخذها مع انى ما اشربها بس شوي منها عشان خاطرها .. و صرت اعطيها فلوس اكثر من اللى يعطونها لانى ارحمها صاروا يقولوا لى ليش تدفعى لها لا تعطيها شي و انتى ضعيفة هى ماتسوي لك شي عشان تدفعى بس كنت اقولهم حرام و هى محتاجه ليش تبهدلوها كدا قبل تعطوها فلوسها بعدين تفاجات فيها جت تبغى فلوس منى اعتذرت قلت والله اليوم نسيت المحفظة و ماجبت معى وانا صادقه و الله قامت تصارخ علي و تقول انا اشحد منك يعنى دى تعبى ..!! تعب ايش يا خاله انتى اصلا ماتسوى لى شي ابدا انا كنت اعطيك كدا لله مو عشان شي حتى الموظفات جوا على صوتها وقالوا لى ايش تبغى منك و قالت ماتعطينى فلوسي قالوا لها اصلا هى ما تطلب منك شي عشان تعطيك مقابله فلوس ... زعلت و راحت و مع انها غلطانه الا انى لسى ارحمها مرات و اشترى منها شي ما ابغاه |
رد : هل اللى اسويه غلط ؟؟!
عزمتيها علي طبخ و نفخ من اول مرة
يا شيخة قولي فنجان قهوة او شاي و ان كبرت معاك حلي علي الاقل اذا ما حضروا ما تكوني تعبتي علي الفاضي و انتي حامل و بتربي اطفال شخصيا راح اكون متغاضة من تعبي مو من عدم حضورهم مشكلتك انك مندفعة بمشاعرك يا فجر مثل ما قال اخي ابو مريم خليك علي الوسطية لا افراط و لا تفريط و خفظي سقف توقعاتك من الناس عشان ما تنصدمي بردود افعالهم فجر احنا في زمن الاخت صارت تستاذن عشان تزور اختها و اكثر صرنا نتصل باهلنا عشان نقول احنا جايين زيارة فما بالك بغريبة تستضيفها و انت لسي متعرفة عليها |
رد : هل اللى اسويه غلط ؟؟!
اقتباس:
بصراحه يافجر فيه مجتمعات كده مابتحبش الاختلاط وينظرو لبعض بريبه انا هنا بقالى شهر ماشفتش على السلم صريخ ابن يومين واللى اقابله فى الاسانسير اول مايفتح الباب يجرى على طول قفشت عيل صغير سورى وقلت اصاحبه والحمد لله لما يشوفنى فى الشارع يسلم على حتى واحد من عندكم واعدته انى آجى ازوره وفوجئت انه ترك المدينه وسافر ولم يقل لى لا قبلها ولا بعدها وعرفت منه لما كلمته فى المطار باقولك كده ليه لان مش الطيبه هى اللى حاتخلى الناس تهرب منك لا هم كده ولما يكون ليهم مصلحه حاتشوفيهم زى الشغاله اللى عندك استمرى كما انت وخلى علاقتك مع الناس متوازنه ولا تنجذبى بسرعه لاى حد ولا حتى فى كلام النت وعندما تتوطد علاقتكم ويحكى هو اكثر مما تحكى تستطيعى ان تفتحى له قلبك طيبتك حلوه ومطلوبه وما تقعديش تكررى انى انا طيبه انا هبله لان ده حايرسخ جواكى المعانى السلبيه رددى داخلك انا ودوده انا متعاونه انا واثقه من نفسى انا ناجحه كل ماتكررى ايجابياتك فى العقل الباطن تتوارى السلبيات من ذهنك وينعكس ذلك على تعامل الناس معك |
رد : هل اللى اسويه غلط ؟؟!
اقتباس:
مابعرف ليه الناس موسوسين لدرجة مرات بتكون مضحكة حبيبتي انتي ماغلطتي تصرفك عادي جدا بس هيه الي تصرفها مو عادي بالمرة وطريقة اعتذارها لما اتصلتي فيها شي بيخلي الواحد يفرط من الضحك عليها وعلى تصرفها عنجد بتضحك وبتثير الشفقة حبيبتي كوني على طبيعتك مع الناس بس لاتندفعي وتتعلقي فيهم لا خليكي معهم بشوشة ومبتسمة ورسمية الصداقات بتيجي مع الوقت الطوووووويل لاتعتقدي انه من اول فترة بالدوام حتكوني صداقات هالشي معروف بكل مكان وبسير مع الكل بهنيكي على طيبة قلبك وكرمك ومبادرتك بدعوتها لبيتك هالشي بيدل على انك مزوئة |
| الساعة الآن 04:45 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©