ابي ابوي يطلق زوجتة ويفكنا من شرها
 

السلام عليكم انا مقعد من 12 سنة عمري 28 سنة انا الحمدالله اسوق واروح الحمام وانتم بكرامة لحالي بدون مساعدة احد واطلع وانزل الدرج لاني متدرب على الكرسي ووضعي احسن من وضع غيري وموظف من 4 سنوات والحمدالله على كل حال من اول ماتوظفت وانا ادور عروسة ولسا ما لقيت اللي تقبل بوضعي انا اصلا ما ابي بكر ابي مطلقة او ارملة بحيث ما تكون خجولة كثر البكر لان 70 بالمية من العملية الجنسية يعتمد عليها لكن مالقيت وحدة تقبل فيني وايست خلاص ماعاد ادور انا امي متوفية وابوي متزوج وحدة باول الثلاثينات ابوي كبير بالعمر عمره 63 هي ماخذته عشان فلوسة وهو يحبها موت ومايرضى فيها والله لو 10 مليون ريال يعطيها مرة يحبها عموما اختي الكبيرة صار لها شهرين مادخلت البيت لان ابوي ضربها عشان زوجته ذكرت هالشي عشان يكون عندكم علم هي لاي درجة غاسلة مخ ابوي
طبعا هي تعرف معاناتي مع الزواج وتعرف اني محتاج اتزوج ويشهد الله ان مالي بالحرام ولا يمكن اسوية لو اظل طول عمري عزوبي نار شهوتي ولا نار جهنم والله يصبرني الحين هي تقول لي انا محتاجة لك وانت محتاجني وانا احبك حتى الموت ابوك هالعجوز باقي له شوي وفي القبر وانت ما شاء الله عليك بعز شبابك ومستعدة اعطيك كل شي تبيه المهم انا عصبت عليها وهددتها وخافت ماعاد تتكلم لكن حسبي الله عليها دنيا واخرة راح تعلم ابوي وتقول ولدك ضربني وتحرش فيني وتبكي له
وابوي صدق على طول وجا عندي وصفقني كف شديد جدا مارح انساة طول حياتي ابد ويقولي الله لايوفقك ياحيوان تسوي نفسك مسكين وطيب وعلى نياتك لكن ظهرت حقيقتك وانت تتحرش بزوجتي الله ياخذك دنيا واخرة والله لو تكررها مرة ثانية لتلحق اختك برا بيتي ماني فاضي لمعاق مثلك وحسبي الله عليك يالوصخ

وش رايكم ذا اب يدعي على ولده ويقول تتحرش فيها والطامة الكبرى الي مارح انساها بحياتي ماني فاضي لمعاق مثلك والله ما اسامحه طول حياتي هو وزوجته الي كذبت ومستحيل الحين اكلم ابوي لو يعتذر لي لانه بالاخير راح يجي ويتذلل عندي عشان اسامحه حسبي الله ونعم الوكيل

دعتواتكم الله يرزقني الحرمة الي تعفني وتعوضني عن التعب اللي شفته وعن حنان امي اللي انحرمت منه امي توفت وعمري 3 سنوات وابوي من يوم توفت امي وهو يدور على الحريم لين حصل هالشريرة وحبها بجنون دعواتكم انه يطلقها للاسف ودي انام بحضن حرمة تكون حلالي

رد : ابي ابوي يطلق زوجتة ويفكنا من شرها
 

رد : ابي ابوي يطلق زوجتة ويفكنا من شرها
 

الله يخلصك و يخلص ابوك منها

دوندرمه كلامها صح

حاول تبعد عنها، لان ابوك راح يصدقها،ليش، لانه الحين يحس انك بتنافسه عندها و لهيك راح يكرهك اكثر

دام مشاء الله متوظف و مستقل ماليا عنه

الله يرزقك ببنت الحلال اللي تمحي كل معاناتك

كلام ابوك لا تفكر فيه اكثر، لانه طله منه في ساعة زعل، فلا تاخذ بخاطرك عنه، اسال الله يهديه و ينوربصيرته

لا حول و لا قوة الا بالله

رد : ابي ابوي يطلق زوجتة ويفكنا من شرها
 

ماأدري أحس في شي بالقصه أقولك شي وماتزعل؟

حاسه إنك حاسد أبوك إذا هو متزوج صغيره هاذا حقه طلما إن البنت راضيه وهو أرمل يبي مين يداريه ويراعيه

وإذا يحبها حقها ومن أبسط حقوقها طالما مافيه ظلم لكم

أنا ماراح أتعاطف معك لأنك مقعد لأن ماشاء الله عليك قايم بأمورك بنفسك

أطلع من بيت أبوك طالما إنك موظف ومعتمد على نفسك ومنت بحاجة أحد يساعدك

وإن كان ع الزواج بتلقى إنت مو ناقصك شي يكفي إنك موظف

ولاتحقد على أبوك ولا تشيل بقلبك عليه والكلام إللي قاله أعتبره بلحظة غضب سيطر فيها الشيطان عليه

و زوجة أبوك ماراح أتكلم عنها لأني مو عايشه معكم ولا نعرف القصه إلا من طرفك

رد : ابي ابوي يطلق زوجتة ويفكنا من شرها
 

هل اعادت كلامها و تحرشها بك مرة اخرى
اذا لا
لا تخرج من المنزل
و استمر بالبحث عن زوجة.وسع نطاق بحثك
اعتمد على أختك و ابحث اكثر

رد : ابي ابوي يطلق زوجتة ويفكنا من شرها
 

اخوي ،، حاول تكون بسكن منفرد افضل لك حاليا ومستقبلا ... اولا عشان ما تخلى لك بيووم والانيان مو ضامن نفسه ! فالافضل تبعد عن كل هذا ،، وثانيا انت مو ضامن ما تجي مرة ثانية ! ...

امورك كلها تمام ومعتمد على نفسك ماشاء الله اذن مافي خوف عليك ،، واما الزواج فاعتقد بكل المناطق فيه جمعيات خيرية
و صناديق زواج للشباب والشابات ذ( احنا موجود عندنا ) بحيث ان الشيخ او المساهمين والمشاركين بالصندوق يقومون بعمل الخاطب ويستقبلون كل الحالات ويلحثون لهم عن بنت الحلال زايضا البنا تجد مبتغاها عندهم ..، حاول تتكلم مع شيخ وتطلب مت هالشي وياكثرهم الله يجزيهم الخير يحاولون يعفون بنات وماشاء الله عليهم...

لا تيأس ولا تتضايق كل هذا امتحان من رب العالمين وان شاء الله ربي بينولك مرادك هي تحتاج للصبر وربي يقويك ويلهمك الصبر وتجي تبشرنه بانك لقيت بنت الحلال اللي تسر قلبك وتحطها بعينك

رد : ابي ابوي يطلق زوجتة ويفكنا من شرها
 

الله يفرج همك ويرزقك بالزوجة الطاهره العفيفه التي تعفك وتعفها ...

مثل ما قالوا الاعضاء .. وايضا انتبه لا تكون لعبه من عندها علشان تضمن ابوك وانه مايصدق فبها ثم تكمل لعبها عليك انتبه ..اليوم قدرت بفضل الله جل وعلا تصدها ماتدري بكره ايش بيصير الله يهديها ويحفظك من كل شر

رد : ابي ابوي يطلق زوجتة ويفكنا من شرها
 

أسأل الله سبحانه أن يرزقك الزوجة الصالحة عاجلاً غير آجل

رد : ابي ابوي يطلق زوجتة ويفكنا من شرها
 

اذا رجعت تتكلم معك مرة ثانية وعادة الكرة لا قدَّر الله سجل كلامها
وهددها إنك بتسمعه لأبوك..
أفضل حل عشان تنردع وتتأدب

رد : ابي ابوي يطلق زوجتة ويفكنا من شرها
 

الله يصبر قلبك يارب
زين ليش ماتاخذ لك بيت انت واختك فيه
وخل اختك تدور لك
وفي بنات والله مليانات يبون الستر وكل خطابه تدورلك بنت حمايل فقيره مثلك ونيتها صافيه مثلك
وربي يكتب لك كل الخير يارب ويسعدك العمر كله