|
( لم ير للمتحابين مثل النكاح )
السلام عليكم انا شخص في مقتبل العمر موظف ولله الحمد وقادر افتح لي بيت تعرفت لي على بنت وصارت تعني لي الشي الكبير واحبها بجنون خوفي من الله وعلى اعراض الناس وحبي لها خلاني افكر اتزوجها وهالفكرة ماتفارقني ومشغله بالي كثير مو هاذي المشكلة المشكلة اني كيف افاتح اهلي في هالموضوع ؟ وحنا في مجتمع للأسف متحجر لازال عايش بعقول دفنت تحت التراب .. لمحت لأمي قبل فترة بالزواج بالطريقة ذي وسمعت كلام للحين باقي في ذهني منه ( هاذي قلة ادب وهالبنات رخيصات ) مع ان امي متعلمه وفاهمه وحبي لها واحترامي لها ماخلاني ادافع عن اللي احبها رغم اني وقتها بنفجر اكتفيت بدمعتين بالخفيه وفقدت االامل .. واللي قاهرني اكثر ان حنا نبي بعض ونبي نجتمع بحلال الله لكن ربي ماكتب وهم رافضين فكرة الزواج كذا ! وفرضا تجاوبو معي اهلي .. وش اقول لاهلها ؟ كيف عرفتنا وكيف عرفت بنتنا ؟ بحكم اني في ديره وهي بديره .. ليش العقول لازالت كذا ؟ يعني لازم اتزوج على كيفكم واجاملها وانا ماكنت ابيها اساسا ؟؟؟؟؟ انا االلي بعيش معها خلوني اختار ولو مره تجاهلتوا هالحديث / قال الرسول صلى الله عليه وسلم : ( لم ير للمتحابين مثل النكاح ) اقسم بالله ان فيه افكار تجي في راسي افكر فيها رغم انها راح تودينا بداهيه لكن احيانا تفكر بقلبك عوضا عن عقلك والصدق ان البنت ذي ماليه عيني وقلبي ولا راح احصل مثلها مح احترامي لباقي الاناث .. افيدوني فقد فاض السيل وطفح الكيل .. |
رد : ( لم ير للمتحابين مثل النكاح )
عندها اخوان ؟ ان كان نعم فتعرف عليهم وكون على صداقة معهم ولازم تظل فترة لحتى اذا جيت تكلم والدتك تقولها صاحبي من الديرة الفلانية خوش عائلة وامدحهم وانا ابغي اخطب من عندهم ...
او اذا ماعندها اخوة فعليك بالانسباء او الوالد نفسه ،،، اهم شي تكون على معرفة بهالعائلة بالتالي ماراح تكون لك علاقة مباشرة بالبنت بل باهلها فقط ... لاتفكر بأي شي ممكن يغضب ربك و يضر دينك وايمانك ،، كلشي له حل واءا رب العالمين مقدر لكم الحياة مع بعض راح يحصل فتوكل على رب العالمين واستنفذ كل الحلول اللي امامك وبعدها ياتي دور شيء آخر ... اهم مابالموضوع فكر الف مرة باختيارك واذا كانت البنت عند حسن ظنك وتستحق التضحية منك وخصوصا مممن يحصل مواجهه بينك وبين اهلك لاجلها فتاكد من اختيارك تمام وليس كل البنات رخيصات ،،،، |
رد : ( لم ير للمتحابين مثل النكاح )
اذا تبيها لا تقول لاهلك على طريقة تعارفكم اللي انا ضدها مية بالمية بس حبيت انبهك على هذي النقطة لانه لو عرفوا مارح يقدروها ولا يحبوها ولا يحترموها طوووووووول العمر حتى لو حسنت من اخلاقها ورح تعاني من المشاكل وتبقى نظرتهم لكم دونية ....
ويا اخوي طريقتكم لا تمت للاسلام بصله ولم يؤيدها ويحث عليها وانت متأكد من صحة كلامي لانك تقول تخاف من الله عزوجل وعلى اعراض المسلمين فاجب نفسك بصدق اترضى هذه الطريقة لاختك ..لابنتك ؟؟ فلا ترمي عقولنا بالجهل !! |
رد : ( لم ير للمتحابين مثل النكاح )
اقتباس:
أختي انا بديره وهم بديره وعملي مايسمح لي اتردد على ديرتهم لكن فكره مش بطاله واما من ناحية اللي يغضب ربي تطمني وهذا الشي اللي خلاني ابيها حلالي فوق حبي لها .. اشكركك بعنف |
رد : ( لم ير للمتحابين مثل النكاح )
اقتباس:
انا عارف انها لاتمت للاسلام بصفه ولم ارمي عقولكم بالجهل .. |
رد : ( لم ير للمتحابين مثل النكاح )
البنت لازم تتكلم مع أحد من أخوالها أو أعمامها يكون متفهم
صح بيعصب ويزعل وهاذا شي طبيعي لكن لو عرف إنك تبيها بالحلال وجاد جداً يمكن يلين شوي مالك إلا هالطريقه وأهلك وأهلها حتى بعد زواجكم إن الله كتب لايدرون أبداً إنه كانت بينكم سابق معرفه قبل الله يوفقكم |
رد : ( لم ير للمتحابين مثل النكاح )
اخي الكريم لديك طريقين :
الاول من جهتك عن طريق اختك اذا كان عندك اخت متفهمه ومقارب عمرها لعمر من احببتها وقبل ماتطلبها تتدخل في الموضوع حلفها على القران انها ماتعلم احد حتى ماتستخدم هالنقطه سلاح في وقت غضب او بعد زواجك الثاني اخرج لمدينتها وتعرف على والدها او اخوها اظهر اعجابك بهم وبالعائله وارسل والدتك لخطبتها نصيحه لاتتكلم بالعلن لأنك ماتدري اذا لك نصيب فيها ولا لا والله يوفقكم ويسسر لكم اموركم |
رد : ( لم ير للمتحابين مثل النكاح )
إلا الزواج مافيه مجامله لا تجامل أهلك على حساب سعادتك صدقني محد بينفعك إذا البنت في بالك تبيها مافيه شي صعب لو لها خوال أو عمام متفهمين تعرف على واحد منهم إذا لك خوات أو خالات متفهمات كلم وحده منهم توقف معك تتعرف على البنت و تقنع اهلك فيها ع اساس المعرفه اللي بينهم فيه ألف طريقه و طريقه لا تيأس تصدق دايما بنية التوفيق أدعي أمرك كله بيد الله الله يوفقك و ييسر أمورك |
رد : ( لم ير للمتحابين مثل النكاح )
اذا اردت ان تسمع نصيحة من مجرب بل من عشرات المجربين اقول لك امك على حق وهي ادرى بمصلحتك وبما سوف اليه قـد يكون بمستقبلك
واذا اردت ان تتبع هواك فأقول لك امضي على حكمه .. لكن تذكر انك في المستقبل قد يأتي اليوم الذي فيه تندم يوم لا ينفع الندم |
رد : ( لم ير للمتحابين مثل النكاح )
في بعض الاعضاء حكمو على الزواج بالفشل من قبل لا يبدا
غصب يبغو يدخلو الشك في قلب الرجل ! ترى مو كل العقول مريضه يا قوم اخي هل اهل البنت من الناس اللي تسافر خارج المملكه او حتى داخلها ؟ اذا نعم نسق على نفس البلداو المدينه وانزل في نفس السكن وتعمّد انك تظهر امام ابوها او اخوتها بعد كم يوم استاذن من اهل البنت انك ودك تتعرف عليهم لانك ناوي خير ارجع على ديرتك وقول لامك واهلك انك شفت عايله عجبتك بالسفر وبناتهم عجبوك ادب واخلاق وحشمه الخ الخ الصفات اللي انت تحبها وانك تعرفت على اخوانها او والدها واخذت اسم العايله وانك تبغى تتزوج من العايله هذي وبس... هذا الحل المقبول واللي يخلي زوجتك تدخل على اهلك من دون ان ينظرو اليها نظره دونيه لانه مازالت فيه عقول مريضه لا تتقبل الحب باي شكل .. |
| الساعة الآن 11:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©