|
ابنتي ترفض الذهاب لوالدتها ..
السلام عليكم لدي مشكلتين مع بنتي * علاقتها مضطربه مع والدتها هذه الاشهر قبل نسافر خليتها تزور امها عشان تودعها بس حطيتها ومشيت كلمتني على الكيك وطلبت اني ارجع اخذها .. سألتها ليش ؟ قالت تعبانه .. اصريت عليها انها تجلس عشان احنا بنسافر ويمكن نطول وكانت كل ربع ساعه تكلمني تقول تعال خذني .. جيت اخذتها على الساعه 10 الليل وطول الطريق اشوف عيونها تلمع كأنها بكت كثير وماسكه نفسها قدامي سألتها متضايقه ؟ ماردت .. ولاحبيت اضغط عليها رجعنا من السفر ولا طلبت مني اني اوديها عند امها وانا اشوف ايبادها تقريباً كل يوم ما اشوفها تكلم امها على ولا برنامج من برامج التواصل قلت لها قبل اسبوع يلا بوديك لماما قالت طيب بس ما اجلس اكثر من ساعتين وخلك قريب لاتقول عندي شغل قلت ليش ماتنامين عندها قبل الدراسه ؟ قالت لا ما ابغى وديتها ونفس الشي طلعت وهي متضايقه ومكتتتمه مره مو راضيه تعلمني ابداً ايش مضايقها وحاولت فيها تروح لأمها الويك اند الجاي ورفضت * الشي الثاني بنتي لها فتره تطلبني اشتري لها مكياج هي عمرها 12 وانا اقولها لسه انتي صغير وهي ترد تقول انا بنت وكل البنات يحطون اقول لها مو زين بيكبرك تقول لا مابحط كثير بس بشتري روج وخرابيط ماني متذكر اسمها فما ادري هل تشوفون له داعي اني اخليها تشتري ؟ مع العلم انها تغطت هالاجازه بأرادتها لأنها تخجل الله يحفظها فلو بتستخدمه بالمدرسه اكثر شي |
رد : ابنتي ترفض الذهاب لوالدتها ..
لاتضغط عليها في الروحة لأمها اكيد حصل لها مضايقات في البيت
لما تشوفها مروقه حاول تسألها وقول لها اذا تحبين بابا جاوبيني في احد مضايقك في بيت أمك ؟ ،، بالنسبة للمكياج بنتي عمرها اربع سنوات تموت فيه واذا شافتني حاطه لازم تحط نفس اللي حطيته واشترت المكياج اللي يجي لعبة لكن انا سمعت معلومة انه المكياج يأثر على الأطفال وعلى بشرتهم بعدها مااخلي بنتي تحط حتى لو بكت . الله يحفظ لك بنتك . |
رد : ابنتي ترفض الذهاب لوالدتها ..
اقتباس:
والمشكله لاسألتها بوقت هي رايقه فيه ماترضى تقول لي وينقلب مزاجها تصير معصبه ولا تروح غرفتها انا احس انها تروح غرفتها عشان تبكي الله يحفظ لك بنتك ... |
رد : ابنتي ترفض الذهاب لوالدتها ..
طيب لا تسألها مباشرة حاول تسحب الكلام منها
ولا تضغط عليها بالروحة لهم واذا أمها سألت ، قول لها ليش البنت متضايقة منكم ، طبعاً إذا كانت الأم متفهمة . |
رد : ابنتي ترفض الذهاب لوالدتها ..
هل أمها متزوجه؟
هل ساكن أحد من عيال خوالها معهم؟ أو عيال زوج أمها لو كانت متزوجه ماأدري أخاف بنتك تتعرض لشي في بيت أمها عشان كذا ماتبي تروح المفروض ماسكت وسألت الأم أو الجده أو أي أحد حتى لو الشغاله لازم تعرف بنتك وش فيها أما سالفة المكياج أشتري لها أنت أفضل روح معها وأسأل وشوف إللي يناسب بنت بهالعمر |
رد : ابنتي ترفض الذهاب لوالدتها ..
اقتباس:
اخاف بسؤالي اخلق فجوه بين الام وبنتها واكيد بتخاصم بنتي وبتحسب انها اشتكت لي * انا فتحت هالموضوع لأن ما ادري هل مفروض اتدخل او لا انا يهمني بنتي ونفسيتها كثير هي حساسه ورقيقه جداً وتتأثر بالكلام حيل |
رد : ابنتي ترفض الذهاب لوالدتها ..
ياحبيبتي هالبنت والله عيوني تزغللت يوم قريت السالفة
بصراحة اول مره أشوف بنت ما تبي أمها ولا تكلمها! يعني أن تعرف مالسبب هو الافضل لها حاول أن تجلس معها وواسألها ماهو الامر طبعا أعطها الامان أن لن يعرف أحد بذلك وأنك ستساعدها واصدق أيضا معها .. بلنسبة للمكياج أجد ان هذا اهتمام جميل جدا من ابنتك وهذا شيء جيد ماشاء الله تبارك الله ,افضل لها من أن تتخذ مظاهر البويات وغيره.. المشكلة الخشية من ان تدمر مثل هذه المستحضرات بشرتها لذلك مثلا كريم الاساس انصح ان تنصحها بأن تأخذ لها ببي كريم ماركةGARNIER تجده في الصيدليات فهو بالاضافة الى كونه يصفي البشرة أيضا يغذيها واسأل عنه الصيدلاني ايضا ولعلة يفيدك أكثر بالنسبة للماسكرا فليس من الجيد أن تستخدمها بكثرة يعني كل يوم مثلا اذا حبث تكون رموشها كثيفه تحط فازلين الايرلاينر(الكحل الخارجي) لا انصح له بمن هم في سنها يكبرها بزود اكحل الداخل اللي جوا العين مافي مشكله منه والاكتفاء بالمسكره اجمل لها ولطفولتها أيضا يجب أن تنبهها عن الالوان التي تتناسب مع سنها وهي غلبا الالوان الفاتحه (مشمشي,وردي فاتح ,لحمي )ولابأس من الاحمر في بعض المرات لتشبع شيء بداخلها.. ماشاء الله اجد ابنتك تميل لك وتأخذ وتعطي معك وتقبل منك فتبادل معها مثل هذه الامور و لأجل الحفاظ على بشرتها فلتحرص بعد وضع المكياج وقبل ان تنام مثلا او بعد عودتها من المشوار ان تزيل المكياج( تستخدم المناديل المعطرة لإزالته بسهوله).. الله يحفظها لك ويحفظك لها.. |
رد : ابنتي ترفض الذهاب لوالدتها ..
اقتباس:
وعند زوجها اولاد وبنات اكبر من بنتي انا توقعت امها مضايقتها بكلام واللي ببالك ماجا ببالي لأن بنتي لو تعرضت لشي من هالناحيه مابتسكت |
رد : ابنتي ترفض الذهاب لوالدتها ..
اقتباس:
لا لا تقول مابتسكت والله التحرش يكتم البنت خاصه لو انه المتحرش هددها ( مجربه)😭😭😭😭😭😭😭😭 الي خلاني اشك انها ممكن تكون تعرضت ولو لنظره خبيثه هو اصرارها بوجودك قريب منها وتكلمك. كل ربع ساعه لانها لاتششعر بالامان ... وربما ان ابنتك خوافه بزياده وتعتقد ان احدا سيؤذيها ...لذلك ليس لديها اجابه لك لكن تغير مزاجها عند فتح الموضوع مريب ارجوك ابحث في الامر والافضل ان تحضنها وتقول لها صغيرتي لا يستطيع احدا ان يؤذيك مادمت حياً لو علمت ان احدا يريد قطع شعره من صغيرتي فإنه قد جنى على نفسه ولن ارحمه ابدا.. ربما التلميحات تفيدك .. اللهم اجعلها قره عين لوالدها |
رد : ابنتي ترفض الذهاب لوالدتها ..
دعواتك لي ان يرزقني الله بفتيات صالحات فأنا أحب البنات كثثيرا ولكنني لم ارزق بعد بهن
|
| الساعة الآن 07:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©