الرومانسيات في الحياة الزوجية ، هل تزيد الحب؟
 

السلام عليكم ورحمة الله وبركاته

من آيات الله أن جعل بين الأزواج مودة ورحمة

وغالباً تجد بين كل زوجين تراحم وتعاطف، لكن في السنوات الأخيرة استجد أمر جديد بين الأزواج وأصبح كل منهم يبحث عن الحب في الحياة الزوجية ويعبرون عنه برومانسيات زوجية

هل هذه الرومانسيات مهمة لبناء حياة زوجية سليمة ؟

بعض الزوجات تعمل ليالي حمراء وخضراء وصفراء عشان يزيد حب زوجها لها

هل فعلاً هذه الليالي تزيد الحب ؟

بعض الأزواج يعتبرها سخافات والبعض الآخر يتمناها وممكن يطلبها!

اذكر وحدة من صديقاتي قبل لايجي زوجها من برا طفت كل لمبات البيت وحطت شموع رتبتها الى مدخل غرفة النوم ، ولما دخل قال لها من متى الكهرب طافي hgh

ووحدة كانت حاطه بلونات وكيكة وشموع ولما شافها زوجها قال ايش حركات الأطفال هذي glh

وفيه اللي لبست لبس نمر مدري أسد وسوت غرفة الفندق كأنها غابة ولما دخل زوجها نطت عليه واغمى عليه المسكين من الفجعة ""gg

وفيه وفيه ..

اذا عندكم مواقف عن رومانسيات الزوجات او الازواج ياريت تذكروها مع الإجابة ع الأسئلة اللي فوق .

رد : الرومانسيات في الحياة الزوجية ، هل تزيد
 

صراحه أشوفها تفاهه هالحركات وعمر ماكان التعبير عن الحب بهالطريقه

إذا مسكتي يده ونومتيه بحضنك وأحترمتيه وقمتي بواجباته وسمعتي كلامه من دون ماتلغين شخصيتك

وتهدينه بمناسبه ومن دون مناسبه حتى لو هديه بسيطه

وتكرمين أهله حتى لو كانوا يعادونك لكن بذكائك تكفين نفسك شرهم وتكسبين ودهم

بين فتره وفتره قولي له أحبك بينك وبينه أو في بيتك وبين عيالك ناديه بأسم الدلع

أما الأشياء الثانيه إللي فيها تكلف مالها طعم لأنها ليله وتنتهي المهم إللي بعد الليله هاذي وشو

أغلب الزوجات للأسف تحصر الرومانسيات والحب بليله وحده وبعضهم ماتتجمل إلا إذا تبي حقها الشرعي

مافي أحلى من البساطه والأهم تعرفين تقبل زوجك لهالأمور عشان لاتحرجين نفسك

وبعضهم يحب هالأشياء مو عشانه حس بقيمته عندك لأ عشان يهايط عند أخوياه ههههههههههه

رد : الرومانسيات في الحياة الزوجية ، هل تزيد
 

لا





........

رد : الرومانسيات في الحياة الزوجية ، هل تزيد
 

هل هذه الرومانسيات مهمة لبناء حياة زوجية سليمة ؟
No
بعض الزوجات تعمل ليالي حمراء وخضراء وصفراء عشان يزيد حب زوجها لها

هل فعلاً هذه الليالي تزيد الحب ؟
عمر حفله ماكانت سبب في زيادة حب !
ممكن من ناحية وناسه وتغيير فقط.

ونفس كﻻم ضيعتني العاطفه. .

رد : الرومانسيات في الحياة الزوجية ، هل تزيد
 

على العكس من اراء بعض الاخوه
أجد انها تحقق شيئا من الاشباع العاطفي لدى الشركين
يعني مثلها مثل السفر ,والا الهدية والا الوردة
يعني تعطي جو حلو تكسر الروتين وكذا
شخصيا تعجبني بس مو بشكل مبالغ فيه يعني مناسبة معينة ..

رد : الرومانسيات في الحياة الزوجية ، هل تزيد
 

ماتزيد ولا تنقص لكنها تغير الروتين
وتكون هذيك الليل دسمه بالعاطفه ممكن غير الليالي الباقيه
وفي الاخير هي حلوه واكيد بيحبوها كل الازواج لكن كثرتها ما اؤيدها مره بالشهر مو دايم اعع

رد : الرومانسيات في الحياة الزوجية ، هل تزيد
 

الرومانسيه مشاعر ..احضان ..لمسات حانية ..اهتمام ودلع ..لحظات تجي فجأة ..عمرها ماكنت بتصنع وترتيب ليالي وحفلات ..
ومثل ماقالت ضيعتني العاطفة ..بعض الزوجات تهمل نفسها وبيوم ماتبغى حقها تكشخ وتسوي نفسها رومانسيه..
كل يوم اهتمي بنفسك وخليكي عروسة...وعيشي الرومانسيه صح ...
نامي ويدك ماسكة يدة ..اجمل احساس وقتها ...واختمي يومك بدعوة له ربي يحفظة لك ولاطفاله ...واشكريه على كل افعاله بدا اليوم ..هنا بيزيد حبه لك ...
كلمة احبك لحالها ...تغني عن الف ليله مرتبة ...cgg
ليله مساج ..ليله عناية بالجسم ..افضل بكثير من الحفلات التنكريه الي نهايتها بتسير ضحك بضحك ...

اما من ناحيه حبهم لدي الاشياء ..اتوقع حالات نادرة ..مره واحدة من اخواني ارسل رساله بالقروب عن دي الحفلات وقصص الحريم ..تعالي شوفي تعليقات اخواني واخدوها مسخرة وضحك ههههههههههه.... صراحة فشله هههههههههه...hhf

رد : الرومانسيات في الحياة الزوجية ، هل تزيد
 

من قال الرومانسيات الوحده تقلب غرفتها استديو
ممكن كوب كباتشينو و جلسه رايقهً يكفي

رد : الرومانسيات في الحياة الزوجية ، هل تزيد
 

في رجال يدخلو جوو فيهاا .. تخيلي شعور زوجك يوم بجي من برى و يتفاجئ بالتجهيز
عني زوجي يطير فيها

ويحب الاجواء هذي .. طبعا على حسب الروقان و مزاجه
حلو تكون من فتره لفتره مو دايما يعني كسر روتين

ممكن تزيد الحب بنفس الوقت .. ولا كم يوم بعدها
بعدين يرجع عادي

رد : الرومانسيات في الحياة الزوجية ، هل تزيد
 

أنا زي كلام الأخوات أبدا مااسويها ولا زوجي يحبها لكن بفضل الله أنا أنيقة على طول اسلوبي مع زوجي طول اليوم فيه حنان وعاطفة واحترام ووالله هذا اهم شيء عند الزوج .