|
مالحل في عدم احترام الشريك الاخر
عدم احترام الشريك مشكله يعاني منها كثير من الازواج
خصوصا الكلام البذئ السئ الجارح ... يعني مثلا قبل يومين طلبت من زوجي يحضر سيريلاك طبعا جاء من غير مايجيب امس ذكرته ولا جاب ..اليوم دقيت قلت جبه بعد المغرب ضروري قال مشغول مافي مجال الا بعد الساعه 10 انا انقهرت وارسلت له لو اجل لك شغله يجيني تهزئ وتصفني بقل السنع ياليت تناظر اخطاءك زي ماتحط اخطائي تحت المجهر رد علي ب كلي ز..... كلمه وقحه المهم انا رديت بقول جزاك الله خير ماراح ارد على وقاحتك باخذ حقي بيوم لاينفع فيه مال ولا بنون ... والكلام الجارح حدث ولاحرج ... السؤال كيف تتعامل / ين مع قلة احترام الشريك ؟ وماهي الحلول اللي جربتوها ونفعت |
رد : مالحل في عدم احترام الشريك الاخر
غاليتي
رده طبيعي كرجل مغرور كأغلب الرجال الا من رحم ربي اسلوبك ماينفع مع رجالنا يحبون الحرمة اللي تترجى وتتدلع وتصبر وطول بالها وأجرها على الله اغلب كلامهم انا غير وانت غير لاتحاسبيني وهكذا يااختي اوصلي لطلباتك بالصبر واﻷسلوب الرايق ولو ارتفع ضغطك ﻷنه بالنهاية ما راح ينالك الا الكلام الجارح اذا انفعلتي واجرنا على الله |
رد : مالحل في عدم احترام الشريك الاخر
وبالنسبة للسب
رأي انه ما عاد تكلميه فترة عشان يحسب حساب كلامه قومي بواجباتك لكن من دون كلام معه |
رد : مالحل في عدم احترام الشريك الاخر
أنا ماأعذره على تصرفه لكن وقت ماتطلبين من أي أحد مو بس زوجك
أختاري الوقت المناسب الطلبات ذاءما أفضل إنها تكون كتابيه من إنك تكلمينه بعضهم ماعندهم أسلوب تطلب بصيغة الأمر برساله قولي له الله يعافيك يافلان لأ تنسى السيريلأك متى مالقيت نفسك فاضي جيبه معك لأن إللي عندنا خلص يعني منتي خسارنه شي الكلأم ببلأش والرجال قالك مشغول مو معقوله يترك اسغاله ويطق مشوار للبيت عشان حاجه مو ضروريه وهو ماقالك ماراح أجيب قال بيجيب بس بعد الساعه 10 وإذا نسى يجيبه جل من لأيسهو ذكريه بس بأسلوب لطيف |
رد : مالحل في عدم احترام الشريك الاخر
بس هذا ما يبز وقاحته
|
رد : مالحل في عدم احترام الشريك الاخر
بالكلمة الحلوة طلباتك اوآمر ..اهم شي تطولي بالك ...
وبالنسبه للسب ..اتوقع انتي لو ماتطاولتي بالكلام مكأن سب ... وحتى لو سب من غير سبب ...قولي شكرا حبيبي بكل برود ...عارفه صعبه بس راح يستحي على نفسة ... |
رد : مالحل في عدم احترام الشريك الاخر
والله احيانآ زوجي بعد يتاخر بطلب ليا
بس مستحيل ارادده او اقوله ليش ماجبت اسكت ولا اذكره وهو اليوم الثاني من نفسه يجيب قالي مره كلمه مش ولابد وهو معصب مشيت الوضع عادي بس مانسيت صرت رسميه شوي معه وصامته بس مو حد الاستفزاز لا ارسلت له علي الجوال بعد ماراق الجو تصدق انصدمت ان هالكلمه تطلع من فمك انت بالذات بعدين طنشششي شكل زوجك عصبي وهالنوع من الازواج وقت العصبيه اسمعي من هون👂وطلعي من هون👂 والله يازوووجي اول زواجنا ماقصر فيني 😇😇 وكنت ازعل واشد اعصابي واقول ماتحترمني وليش كذا بالاخير هو قالها ليا بالفم المليان ،، يابنت الحلال انا رجال عصبي ودمي حار وقت الزعل لاتاخذي اي كلمه من الي اقوله له ولا تبرمي بوزك ديني ودين البوووز👊👊 يعني لسا ماعرفتيني ولا عرفتي طبعي 😳 ونصيحه لاتشيلي بقلبك عشان لا تتعبي وتقصري عمرك وخذي حقك منه بس باساليب ثانيه واوقات ثانيه باانوثه وعتاب ورقه ،،، اذا الحوار يجيب نتيجه حاوريه افضل ،،، بس انتبهي لياخذها حلاووه وقت كل زعله يبي يرفع ضغطك يقط كلام يسم البدن افضل تلاعبيه علي اصابعك لين يمشي علي العجين مايلخبطووش😁😁 |
رد : مالحل في عدم احترام الشريك الاخر
اقتباس:
تجنبي تثيرين غضبه حتى لو اننقهرتي منه أنتي اخترتي طريق صحيح وهو انك بتاخذين حقك يوم لا ينفع مال ولا بنون خلاص هذا اختيارك ولا عاد تسمعينه اياه طالبيه بأغراضك بعباره واضحه فقطط جب حليب او جب سيرلاك لو قال ما ابي او بعدين قلي ضروري واقنعيه فقط من أجل الإقناع وليس من اجل النقاش والللوم والعتاب اذا حابه تفتكي من طولة لسانه صلحي مثل ماقلتك وارسليها مثل ماهي بدون عتاب او لوم على التاخير اللوم والعتاب هو اللي يخلي غضبه يثار فيبداء يسب يشتم ويهين |
رد : مالحل في عدم احترام الشريك الاخر
شكل زوجك انفعالي...داريه عشان تتجنبين التجريح...مثلاً برسالتك لو قلتي (الله يعافيك حبيبي لاتنسى السيرلاك) واذا ماجاب لاتراددين..اكتفي بتذكيره بحاجتك اذا طلع..هو شخصيته كذا شتسوين داريه عشان المركب تسير
|
رد : مالحل في عدم احترام الشريك الاخر
ريماس انتي لازم تتغيرين وتفرضين احترامش
اذكر مره قلتي انش مقصره مع زوجش ، زوجش هو الي عنده تراكمات منش هددش بالزواج عشان تتغيرين بس واضح ما تغيرتي لما يحطها فوق راسش ذيك الساعه ما ينفع الندم لا تطالبين زوجش في حقوق انتي بعد مقصره فيها |
| الساعة الآن 11:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©