منتدى عالم الأسرة والمجتمع - ابوي ضرب واهان وذل زوجي

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - ابوي ضرب واهان وذل زوجي (http://www.66n.com/forums/showthread.php?t=254097)

ابوي ضرب واهان وذل زوجي

اليوم صارت مشكلة كبيرة جدا مارح انساها بحياتي ابدا اولا انا عمري 29 سنة متزوجة من 8 سنة ولي بنتين وولد وزوجي عمره 30 سنة بدات المشكلة الكبرى اليوم بعد صلاة الفجر بعد ان كشفت خياناته لي بالوال وعرفت انه يدخل دردشة وشات وتعرف على 3 بنات ويسولف معهم ويضحك ومن هالكلام وانا لم دريت سويت مليون مشكلة وقاعد يقولي ترا اكذب عليهم بس طقطقة وانا ماصدقته ابدا وقلت وديني بيت اهلي وقاعد يحاول فيني ويترجاني الا اني رافضة وقلت والله لوريك شغلك ورفض انه يوديني فخليت سواق يوديني لبيت اهلي المهم من وصلت بيت اهلي جت المشكلة الكبرى جيت عند بيت اهلي وقعدت اصيح واسوي 12 سالفة وابوي لم درى عاد ابوي عمره 55 سنة وماعنده رحمه خير شر وعنده قولون حاد واذا ضرب مارحم ولم درى قاعد يسبني ويقول ليه ماعلمتيني من بدري وقلت توني ادري وقال خلاص كلميه قولي له انا راضية تعال عندنا افطر معنا في بيت اهلي يعني اكذب عليه واقول اليوم فطورنا عندك فكرت شوي وخفت لكني قلت خله يستاهل يخونني بعد 12 سنة ودقيت عليه وكذبت كما قال ابوي وهو مسكين صدق وجا هو وعيالي لاني تركت عيالي بالبيت المهم جا وابوي سوى انه يرحب فيه يعني سلام على بعض وبعدين ابوي صفقة كف على وجهه وضربه وضربه ضرب ابليس بدون رحمه حتى فسخ ملابسة وقاعد يضربه بقسوة وخلاه يروح مفسخ فنيلته وهو مفضوح ولما خرج ابوي قال والله ماترجع لك بنتي ماحد يخونها وهو بالحييل كان معصب وانا مرة خفت ان خلاص انا وزوجي انتهت علاقتنا وبعدها هاوشتني امي وقالت خلاص تبقين مطلقة طول عمرك فكرت بكلامها وخفت ودقيت عليه واعتذرت الا انه كان قعد يصيح بالجوال ويهدد فيني وفي ابوي اننا مارح نكون مبسوطين في حياتنا وخبرت ابوي وقلت اعتذر وسمع كلامي ابوي ودق على زوجي لكن مايرد ابدا وبعدها دق على ابو زوجي واعتذر وابو زوجي قبل اعتذاره لكن قال الاهم ان زوج بنتك يقبل اعتذارك لانك كنت قاسي معاه وانا ماقبله فالله يعينك ومرة زعلت من ابوي بشكل كبير وكمانة ندمانة والله بشكل كبير

وانا مدري الحين وش اسوي لان ممكن يمر يوم وما اخذني لبيتي فا ايش نسوي ياجماعة ؟