|
زوجتي رائعة وفيها طباع اسوأ من السيئ
السلام عليكم ،
عمري 25 معلم واعي مثقف زوجتي عمرها 17 بالثانوية وتحتويها الكثيررر من البراءة و الطفولة وسهل جداً ان اغيّر فيها بعض الطباع .. زوجتي رغم صغرها رااائعة جداً مابشوف مثلها ابدا, حتى لو كنا متزاعلين مجرد ما احط عينها بعيني تبتسم واذا وخرت عنها ترجع تكشّر وتعقد النونة اهم شي ما اشوفها الا مبتسمة ههههههههه واذا عشا او غدا من برا تبهدلني تقولي لا تلعب بالفلوس وبش تعرف ان خاطري في اكلة معينة تطيررر تسويها لي لازقة فينس طول الوقت الحمدلله بينا من المودة والحب لا يعلمها الا الله لكن فيها طباع جدددددداً يزعجني ويخليني انفر منها واكرهها ولا ارغب بالأكل معها .. تكاير وتعاند مع الغلط جداااااً .. ع سبيل المثال انا احاول اعلمها اذا كنا عالفراش قبل النوم تترك الزفت الواتسااب وامس قلت لها حبيبتي اتركي الجوال خلاص انتي يم زوجك مو جدار عصبت وقلبت الدنيا : انت مللتني انت كثير تتحلطم انت مزعج ترا عاااادي اذا مسكته ( انا اعصابي باردة بعكسها هي هجومية جداً ومهما يصدر منها غلط ولا كأن شي صار يبقى قلبي منجرح منها ) قلت لها طيب حبيبتي ممكن سؤال ؟ تخيلي انتي داشة الغرفة وفي خاطرك مشاعر واحاسيس وكلمات حلوة وانا عالجوال وجالس عالواتساب شعورك بيضل كما هو ولا كيف ؟ اكيد شعورك بيتخبخر لذلك اقولك حزة النوم تترك الجوالات ونعطي انفسنا حق تقول : شفيك انت ؟؟؟ هذا مايزعل ولا يفيخ انت حساس وااااجد عادي استنى اخلص من الجوال ! ( فوق الغلط تكابر ) قلت لها : مممم يعني تتوقعين المشاعر والاحاسيس ممكن نقدر نأجلها ؟!! وعطني ظهرها وانا عطيتها ظهري ونمت بحسرتي وحرقة قلبي كيف انسانة كذا تكابر .. وبعدها جات وتتأسف مني لكن ماكنت طايقها ابدااااااااااً تركتها وطلعت للديوانية لأن من جد شي يجرح انت تبغى تعبر عن حبك لشخص وهذاك منشغل عنك!! وانا مقدر صغر سنها لذلك انا كثيررررر التغافل عن تصرفاتها العشوائية واذا صار تصرف اغلط اضطر اني اسكت ولو بتكلم واقولها هجووووووووووووووم علي وتاكلني بقشوري وتخليني اتحسف شالحل ياجماعة مع ذي البنت تكابر بالغلط وشي ثاني كل شي عادي يعني عادي تمسك الجوال اول مانخلص عادي تمسك الجوال قبل النوم واذا فيني خير اذا تكلمت تقول انت حساس كثير تعبت ومليت منها ابي زوجة احسااااس وتقدير لمشاعري الكبيرة والمشحونة بالحب والمودة |
رد : زوجتي رائعة وفيها طباع اسوأ من السيئ
السلام عليكم ورحمة الله وبركاته,,
اخي الكريم على العكس فزوجتك صغيره السن فرفقا بها بالين والمحبه والبشاشه,, اما بخصوص الوتساب فهذا شيء اصبح متداول لدينا جميعا فرفقا بها جزاك الله خير:: كما ذكرت فصفاتها برغم صغر سنها الا انها واعيه لك وامورك ومالك,, الييين والكلمه الطيبه والبشاشه سحر في قلوب النساء,, نصيحه اخ مازالت صغيره وبها وخاطرها وخاصه في مثل عمرها واكبر يفعلون نفس الشيء محادثه اخوات ,,, رفقااا بها بوووركتم |
رد : زوجتي رائعة وفيها طباع اسوأ من السيئ
طنشها ونام ومع الأيام حتتعود وتتعلم.
|
رد : زوجتي رائعة وفيها طباع اسوأ من السيئ
اشتر لها آيباد أو جالكسي تاب هدية
وقل لها تحمل الواتساب وجميع برامج التواصل في هذا الجهاز والجوال يكون حق مكالمات ورسايل نصية فقط ووقت النوم يطلع الجهاز هذا في الصالة |
رد : زوجتي رائعة وفيها طباع اسوأ من السيئ
مافيها شيء يمكن انت شوي لزقه
وهي توها صغيره ع لطيش .. |
رد : زوجتي رائعة وفيها طباع اسوأ من السيئ
كلنا كذا زوجي كذا أعطيه وقته يتفرج بالواتس وانا كمان أخذ وقتي بالواتس وبعدين اطلب منه يلا خلاص خلها تأخذ وقتها وحاول تروح بدري للنوم حتى تأخذ وقتها شوي بالواتس وانت اشغل نفسك كمان وبعدها اطلبها للنوم ولاتدقق وتعاند
|
رد : زوجتي رائعة وفيها طباع اسوأ من السيئ
عندما تريد التغزل بها ..ابعده بهدوء
وعندما لا تريد دعها تتصفح اكيد ماراح يزعجك الموضوع وانت تريد النوم ا |
رد : زوجتي رائعة وفيها طباع اسوأ من السيئ
والله فعلا انت حساس!
يعني هي وش يدريها ان عندك مشاعر بتطلع الحين ودام هي ماقصرت معاك وكويسه فالمثل يقول اذا صار صاحبك عسل لاتلحسه كله |
رد : زوجتي رائعة وفيها طباع اسوأ من السيئ
حاسة فيك لأن زوجي مثل زوجتك،
أنا صرت أزعل عليه صار يتركه، بالحنية والرحمة والرفق بتتعود ع طباعك ان شاء الله. |
رد : زوجتي رائعة وفيها طباع اسوأ من السيئ
معقولة تنسى جميع مميزاتها
و توصل للكرة و انك تنفر منها عشان تمسك الجوال قبل النوم عادي اشرحلها انزعاجك لكن برفق ولين او زي ما قالت مسز داني عادي ابعده بهدوء ماراح تقولك شيء مشكلة صغيرة زي هذي ما تحتاج كل هالزعل |
| الساعة الآن 11:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©