|
الماجستير ولا الجواز
عندى موضوع عاوز آخد رأيكو فيه خصوصا الامهات والزوجات اللى تعرضن لمثل هذا الموقف .. انا بنتى خلصت كالوريوس هندسه السنادى الحمد لله مشكلتنا معاها انها مش عاوزانا نفاتحها فى جواز الا لما تعمل ماجستير ودكتوراه .. حجتها فى الاول انها عاوزه تحس بالحريه شويه ودلوقتى نفسها تعمل دكتوراه .. هى كليه عمليه والدراسه فيها بتاخد وقت ومجهود .. انا قعدت معاها وقلتلها ماينفعش نوقف حاجه على حاجه لو جه حد مناسب نشوفه ونكمل دراسه .. الماجستير سنتين وهى قدمت فيه واقنعتها انه لو جه حد ممكن بعد السنه الاولى يرتبط ويدخل فى نهاية السنتين .. اللى مخوفنى حاجتين انه ييجى واحد وبعد فتره يمنعها من استكمال الدراسه كمان هى لو خدت الماجستير حاتتقل ومش حاتقبل باى حد .. مش عارف لو جه حد مناسب اجبرها على القبول ولا اتركها براحتها وخايف تاخدها السنين ويفوتها القطار |
رد : الماجستير ولا الجواز
اتجوزنا قبل الماجستير وما عرفناش نكمله يا خالو.
الحاجتين اللي مخوفينك منطقيين .. بس كمان ما ينفعش تجبرها توافق. خليها براحتها لحد ما ييجي العريس .... ولو كان مناسب يبقى ساعتها نقعد معاها ونشوف هي هتقول ايه. المهم بدون إجبار. |
رد : الماجستير ولا الجواز
اقتباس:
هى قدمت خلاص على الماجستير و لو جه حد حايستنى سنتين اما تخلص وانا مش عايز خطوبه سنتين .. جه ناس ورفضتهم لانهم هندسه خاصه عندها نظره طبقيه شويه وده اللى مخوفنى ودايما تقولى اتشرط عليه يابابا انا مش اى كلام .. |
رد : الماجستير ولا الجواز
عمو رؤوف ان شاءالله تفرح ببنتك وتشوفها احلى عروسة وتاخد الانسان اللي يستاهلها بس نصيحة عمو انتبه من النظرة الطبقية ما بتدمر الا صاحبها اقنعها ما حدا افضل من حدا الا بالتقوى الشهادات العليا ما بتصنع اخلاق ولا رجال حلو الطموح والهدف بالحياة والانسان يطور من نفسه ويوصل لاعلى المراكز بس ما يقلل من قيمة اللي اقل منه بالشهادة او المكانة الاجتماعية
احترام الشخص لذاتها قبل شهادتها هيدا المهم والاهم اسأل الله ان يرزقها الزوج الصالح والحياة السعيدة احترامي |
رد : الماجستير ولا الجواز
في مصر
التكافو يقاس بالشهادات وهذا شيء جميل جداً يعني الطبيب يتزوج طبيبة والباش مهندس ، باش مهندسة والاستاذ في الجامعة، استاذة والحكاية ليست طبقية |
رد : الماجستير ولا الجواز
هو اخدنا من الجواز ايه غير النكد والمنتدى مليان مشاكل
سيبها تكمل بنتك وقت تعرف على شاب في الجامعه يدرس معاها ويحبو بعض هي اللي رح تقول لك اتركها تكمل يفوتها قطار ويجي قطار تاني بعد نص ساعه ما تخاف كل نص ساعه قطار سيبها تكمل ورح تتعرف على العريس في الجامعه وتراقبو ويراقبها من بعيد لبعيد ووقت يقترب ويكلمها ويفاتحاه بالجواز هي اللي رح تقول لك ده يا بابا اللي نبدا حياتنا مع بعض وخطوه خطوه حاقوم انزل الشغل واتابع من هناك باقي المواضيع |
رد : الماجستير ولا الجواز
اقتباس:
ياميمومي .. صح كده .. مشكلة بنتى ان كل صاحباتها فى الشله بتاعتها مراكز اجتماعيه واهلهم دكاتره ومهندسين بالخليج لدرجة ان الانتيم بتاعتها حاتاخد الماجستير من المانيا كمان واحد صاحبهم ابوه حيشغلوا معاه فى الخليج .. هى بتبص على المستوى ده وهى قدمت تاخد ماجستير من انجلترا وكانت خناقه مع امها ولما جيت اكلمها لقيتها صرقت نظر ارضاء لامها مش اقتناع .. انا باحاول اكسر الحته دى فيها انما برضه مش عايز اديها لاى حد وخلاص عشان مؤدب ولا متدين مالمؤدبين كتير |
رد : الماجستير ولا الجواز
اقتباس:
مرورك شرفنى ياجرين وانا معاكى فى كل اللى تقوليه.. هى لو جابت واحد ومناسب منش حانقول لا عليه انما هى تراوغ فى هذه الفكره وتتهرب منها .. عندها طموحات وآمال مش منها الجواز .. يمكن عشان شافت نموذج امها وابوها .. مش عارف .. انا اللى مخوفنى انها ترفض العريس من نظره طبقيه مش موضوعيه .. فعلا مصر دى بلد شهادات وبس .. |
رد : الماجستير ولا الجواز
اقتباس:
فعلا ياشوك احنا فى مصر بنعتبر الشهاده جزء من التكافؤ ونادرا ما يتم القبول بمستوى اقل الا اذا كان لديه مميزات اخرى .. لكن اوزنيها معايا ياشوك الن يشعر الرجل انه اقل تعليما من زوجته وقد يسقط ذلك على علاقته بها ولا هو حايتباهى بادبه وصلاته ليدارى فشله العلمى .. اه احنا فى مصر التعليم المتوسط للفشله والعالى للنابهين .. طب حاقولك عندنا الطبيب البشرى يتعالى على الطبيب البيطرى والصيدلى ويعتبر نفسه اكثر كفاءه .. شفتى نظرتنا للعلم وصلتنا لفين .. هى كويسه ولكن ليس العلم فقط هو مجال التقييم |
رد : الماجستير ولا الجواز
الله يفرحك فيها ويطمن بالك عليها .
خلصت بكالوريوس يعني عمرها 22 ولما حتخلص ماجستير بإذن الله حتكون 24 او 25 يعني لسه صغرة ولسه القطر واقف بيستنا ان شاء الله . أما حكاية الطبقات والبلكونات فخذها مني لما يجي صاحب النصيب وتشتغل الكيميا والكهربا حتقبل فيه على علاته كنت فاكره انه نوره عمرها ما حتتجوز بسبب المواصفات اللي كانت حطاها ببالها وعدد العرسان اللي تقدموا ورفضتهم ... لازم غني ولازم عيله ولازم مش عارفه ايه .. بالاخر باباها قالي بنتك بتحب بس تجيب الشاب من دول عشان تقوله لأ .. وتضيف اسمه على اللايحه بتاعتها. ولما جه عريس الغفلة قلتلها بس ده ممعهوش يحلق !!!!!!!!! قال اييييه ؟؟ ....... قال انا من امتى ياماما بفكر بالماديات والفلوس ؟؟؟؟؟ عاوز الصراحه؟ ... انا صدقتها وقلت لنفسي يمكن أنا نسيت وللا حاجه ... اسكتي يا بيتا المهم البنت وافقت . لكن لما سألت اختها قالت لي انه معايا حق وهي كانت تقول كده فعلا . توكل على الله أخ رؤوف وخليها بدعواتك دايما ..هذا أهم شي وهذا بس اللي نقدر عليه عشانهم . |
| الساعة الآن 06:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©