|
ابي اصير فرفوشة واحب الضحك
السلام عليكم ورحمة الله
كيف حالكم ؟ قريت في موضوع هنا رد لعضوة عن افضل صفة يحبها زوجها فيها وتذكرت معاناتي لاني عكسها تماما قالت انه يحب فيها كونها فرفوشة وتحب الضحك ما احد فينا ما يحب الفرفشة والضحك .. بس فيه ناس ما تعرف .. ايه صدق وانا منهم كنت بالبداية ماخذه دور الجدية والبرستيج .. بس بعدين تاصلت فيني وماعد عرفت افك اتذكر لما كان ابوي يقنعني بزوجي قال سالت عنه بالعمل كل زملاءه يقولون مزّاح ويحب الضحك ، للاسف كان اكثر شي اكرهه فيه .. كنت ابيه جدي وعاقد حواجبه زي ابطال الروايات، و انقهر من جوا عليه احس الضحك مو من الرجولة. بالدوام نفس الشي ما اضحك بسهولة مو اني مكشرة ونكدية.. بس اذا قلبوها تنكيت وتهريج ما انسجم حتى لو حاولت بالافلام دايما خياراتي دراما رومانس ما اميل للكوميدي كثير اتحسف بوقتي عليه بيتنا فرفوش وواخواني وخالاتي وعماتي عيارين درجة اولى وانحط معهم بمواقف بايخة لاني اتعامل بجدية ويصير بالاخير مزح.. وش بعد حتى بجمعات البنات صديقاتي وقريباتي المفروض اصير ماخذة راحتي وافلها .. بس للاسف ما اعرف اضحك من قلبي واتسدح زيهم حتى لو شفت او سمعت شي يفطس ضحك احس اني صايرة عجوز نقادة .. ودي افك شوي .. وافرفش ابي اضحك بصوت عالي ابي يتطور عندي حس الدعابة واعرف انكت واتهرب من المواقف بالمزح ساعدوني .. اعرف الموضوع صعب وياخذ وقت بس باحاول |
رد : ابي اصير فرفوشة واحب الضحك
والله يختي إذا هاذا جزء من شخصيتك ماتقدرين تجبرين نفسك على شي إنتي مو حاسه فيه
لو في شخص عملي ماتقدرين تجبرينه يكون عاطفي والعكس لو تبين تضحكين بتضحكين لو تبين تنكتين وتمزحين بتسوين هالشي مافي كتيب تعليمات يقولك وش تسوين أهم شي إنتي مقتنعه بنفسك؟ أوكي أنا مع إن الوحده تحاول ترضي زوجها بس مو لدرجة أسلخ نفسي من شخصيتي أو أتقمص شخصيه ثانيه عشان أعجبه بعدين شي حلو إنكم متناقضين أحياناً التشابه يسبب نفور ويمكن جديتك هي الشي إللي عاجبه فيك وهو الشي إللي مميزك عن غيرك إنتي حاولي بس تسترخين وتاخذين الأمور ببساطه وعفويه ومع الوقت تلقين نفسك فكيتي شوي |
رد : ابي اصير فرفوشة واحب الضحك
اقتباس:
انا احتاج للضحك .. لاني احس حالي متشنجة .. ابي الضحك اللي يهز جسمي ويطلع دموعي احسه شي مكبوت وابيه يطلع تقول لو تبين تضحكين بتضحكين !! ابدا مو صحيح.. ساعات ابي بس والله اعجز.. استحي صح اني جدية وعملية بس انا مقتنعة تماما انه شي ممكن يتغير .. لو قال لك احد ما اقدر ابكي بتقول وشلون لازم فضفض طلع مشاعرك ما راح تقول هذي شخصيتك . آخر جملة بتعليقك هي بالضبط المطلوب .. بس كيف؟ وشاكرة لك تعليقك |
رد : ابي اصير فرفوشة واحب الضحك
لا يا حبيبتي حاااولي تغيرين من نفسك ..
شخصيتك هاذي تطفر الناس منك .. أصلا تزيد العمر وتجيب لك الكد والهم .. ممم طيب جربي تاخذين فيلم كوميدي وتشوفينه لحالك .. وأطلقي العنان لضحكاتك .. يمكن انتي تستحين تظهرين للناس غير اللي اعتادوه منك .. وقدام زوجك وأقرب أهلك افتحي المجال للضحك والتبسم .. شوي شوي .. حتى لو استغربوا من هالأمر .. ترا استغراب مع فرح .. أكيد بيفرحهم لما يشوفونك مبتسمة وتضحكين .. طيب سؤال .. بداخلك لما تسمعي نكتة او تشوفي حد بيمزح .. هل تجيك الضحكة ولا تحسين موقفهم بايخ ومزحهم ماصخ ؟؟ |
رد : ابي اصير فرفوشة واحب الضحك
ممكن شخصيتش متوتره وقلقه وتفكرين كثير فيصير المزاج مش مستقبل اي موضوع يغير مودش
الرياضه تغير المزاج وتخلي النفسيه مرتاحه ومرنه ومتقبله والافضل تكون في الهواء الطلق |
رد : ابي اصير فرفوشة واحب الضحك
اقتباس:
اذا ضحكتني النكتة ابتسم .. بس :( ومو اي نكتة تضحكني اقيمها اول .. وفي اشياء احسها سخيفة واقل من مستواي زي افلام اللمبي مثلا مع اني اشوف زوجي يتفجر عليها ضحك على فكرة انا بشوشة وحيوية بس ما اعرف اضحك وافتقد حس الفكاهة |
رد : ابي اصير فرفوشة واحب الضحك
اقتباس:
اشوف عقلي لازم يكون مشغول بالاشياء المهمة الحين انا باجازة بس متضايقة لان اليوم يمر بدون ما انجز شيء له قيمة رحت فتحت حساب انستاغرام وصرت اترجم معلومات تربوية وانشرها مع الصور الرياضة حلوة بس بتجيب نتيجة مع الضحك؟ |
رد : ابي اصير فرفوشة واحب الضحك
اقتباس:
|
رد : ابي اصير فرفوشة واحب الضحك
اقتباس:
الحين اقرا في موضوعات باحتاج لها بعدين وخايفة زحمة الدراسة ما تسمح لي اقراها :"( عندي سياسة استباقية لإدارة الازمات بس هي اللي هالكتني |
رد : ابي اصير فرفوشة واحب الضحك
. إذاً، دعي عنك ... روايات و أفلام و مسلسلات وبرامج الواقع : الدراما و الرومانس ، و اهجري العيش في العوالم الحالمة ، و كفي عن تبني شخصياتها الوهمية أو إسقاطها على من حولك ، فتلك جميعها .. ليست من الواقع في شيء ، و لو ذرة من خردل ! ---------------------------------------------- * همسة : الكبر - أو البرستيج بمفهومه المشوه في زماننا - ليس من العلم و الحكمة - أو الحصيلة المعرفية - في شيء ، فأفصح البشر" قد أوتي جوامع الكلم" ، و أعلم البشر ، و أحكم البشر ، و أكثر من اشتغل من البشر قط في تبليغ الأمانة السماوية العظيمة إلى الثقلين من الجن والأنس؟ و ليس الإنس فقط، و أفضل البشر خلقاً وخلقاً " كان خلقه القرآن" ، خير من وطأ الأرض من البشر قط بأبي هو و أمي : قد كان ... بشوشاً مزوحاً مع الناس رغم أنه لا يقول إلا حقاً ، و يبتسم حتى تظهر نواجذه ! وفي ذلك كتب وفصول و أبواب يضجان بها العم قوقل و المكتبات حد التخمة . |
| الساعة الآن 04:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©