|
زوجي طلقني ليفتح بيتا جديدا
قرأت قصص ومشاكل وظروف الناس بالهمنتدى
احس بقهر وغبنه ... شفت سالفة اخوي ابن مكه وزوجته بنت مكه نفس قصتي بالتمسك بزوجي رغم عيوبه اللي ماحد يتحملها طلقني بس علشان يفتح بيت للجديده بس لان ماعنده الامكانيه يفتح ثلاث بيوت مع ان البيت الاول زوجته الاولى اهي اللي قايمه بكل اموره تربية الاولاد والمصاريف ورواتي الخادمه والسائق في شهرين حاول يضغط علي نفسين ومادين صار يرميني بكلام جارح علشان ابادر بطلب الطلاق وبالاخر قلت له راضيه بزواجك بس اعدل زوجي قبل شهرين بالضبط كان يحبني ويراعيني ومايبخل علي لابكلامه ولا فلوسه ولا اهتمامه ... ولمن شاف اني راضيه وقلت اعدل قال اللي يجيك ارضي به وقلبي ماقدر اعدل فيه لاني احبها هنا كسرني واحرق قلبي واهان انوثتي وسكت له ومن بعدها بداء يسوي المستحيل علشان انا اطلب الطلاق وكان ردة فعلي طنشته وماصرت اجلس معاه .. جن جنونه وجاب سبب مايقنع ابداً وقال انت تعبتيني عندك عقد بسبب زواجاتك الاولى "لانه زوجي الثالث" وانا عفتك وما احبك وقال انت طالق 10 مرات وكان يلحنها وربي انهرت تغير زوجي حبيبي 180° وقمت اصيح واقول لاتكفى وش فيك قال ماعاد ابيك وطلع من بيتي وانا منهاااااره انسان فاشل ومزواج ومتحمله خرابيطه وصابره واحبه بعد وفجأه يهدم بيتي بكل برود وبعدها ارسل يقول لمي عفشك بكره حاجز لك رتبت شنطتي وشنطة طفلي وحسيت الكلام ماعاد يفيد لانه بايع ومخلص .. ولمن سافرت ووصلت لديرتي وصلتني رساله طويله بعد كل الي سواه يقول .. لاتشوهين سمعتي ولاتوصلين للاولى اني تزوجت ولاتخبرين اهلي بشيء والا بتشوفين شيء مايعجبك ///// انتهى الكلام |
رد : زوجي طلقني ليفتح بيتا جديدا
الله ياجرك في مصيبتك و يرزقك بافضل منه
|
رد : زوجي طلقني ليفتح بيتا جديدا
مستحيل ارجع اتزوج توووووبه
كرهني بجنس الرجال |
رد : زوجي طلقني ليفتح بيتا جديدا
خبري زوجته الأولى.
|
رد : زوجي طلقني ليفتح بيتا جديدا
الحين هو يعتبر طلقك طلقه وحده مو ثلاث
فلاتيآسين من هدايته ولاتيآسين من مسألة رجوعك له لكن استمري بلاحول ولاقوة الا بالله و حسبي الله لااله الا هو عليه توكلت وهو رب العرش العظيم الله يرد لك زوجك ردا كريما |
رد : زوجي طلقني ليفتح بيتا جديدا
خبرتها بكل شيء وجالسه تدعمني نفسين ماقصرت
وكلمته وانكر وبعد ماضغطت عليه اعترف وقال ايوه اتزوجت واحب الجديده وبيطلع يعيش اهو واهي بمدينه ثانيه واحد مريض مو عارف وش يبي وبخصوص اني ارجع له " مستحيل هذا واحد ماله امان ولافيه خير للي قبلي ولعياله علشان يكون فيه خير لي |
رد : زوجي طلقني ليفتح بيتا جديدا
هذا الانسان بشخصيه غيبه مالها حل
والله عجزت افهمه ولو يفيد معاه الصبر كان فاد الاولى كذاب درجه اولى ويحلف بالله فجر يكذب باصغر الامور عارفين بعد ماعرفت سالفة زواجه وش حصلته مسوي !؟ مشترك بموقع لزواج وكاتب مواصفات عنه ماكانه يوصف نفسه كنت بنجن وواجهته قلت مو من صدقك قبل كم يوم متزوج والحين داخل بموقع لزواج قام قال بممزاجي كيفي مو انت تمنعيني بتزوج وبطلق حلالي قلت طيب بس وش جالس تبحث عنه؟ قال المتعه بالحلال اسألكم سوأل ::: هل هذا الانسان طبيعي بخص الرجال بسوأل ايش يبحث عنه هذا بالنسبه لي والله ماعمري رفضت له طلب وكنت اموت عليه قبل 3 شهور الي ان صارحني وتكلم معي احس قلبي صد عنه ومع كذا استمريت بعطائي واهتمامي به وقلت من حقك تتزوج لانه خلاص تزوج ومايفيد الملام الي بيني وبينه انتهى للابد بس ودي افهم شخصيته وافهم هذا وش قاعد يدور تكفون ب20 سنه تزوج حول ال30 حرمه اللي يعرف بالشخصيات والامور النفسيه ينورنيO_o |
رد : زوجي طلقني ليفتح بيتا جديدا
لاحول ولاقوة الا بالله ،، فاهم الدين والشرع غلط هذا اللي فييه !!
الله يعينه على نفسه ويعين اللي حواليه !!!! ... حبيبتي ربي يعوضك ويرحم بحالك وحال طفلك ويمسح على قلبك .. |
رد : زوجي طلقني ليفتح بيتا جديدا
غريبة و الله هاي النوعية من الرجال
ناس رأسها بالابداع و الفكر و التطور و ناس رأسها بالخصر و النازل.. اشكري ربك انو تركك قبل ما يعملك عقد نفسية |
رد : زوجي طلقني ليفتح بيتا جديدا
اقتباس:
طيب طالما هي دارية عن سوالفه وانه سوبر مزواج و متزوج قبلها 29 حرمه ليه ترضى تكون الـ 30 |
| الساعة الآن 09:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©