احتاج نصائح
 

بسم الله الرحمن الرحيم انا عضوة قديمة في المنتدى مرت بي ظروف كثيرة كنت أستشيركم فيها والحمدلله دايما تساعدوني لو بدعوة اخر ظروفي الا يعرفها كثير انى انفصلت عن زوجي وحضانة ابنتى معايا الان بنتي في عمر السنة الحمدلله طبعا مسوليه كبيرة جدااا بس الحمدلله على كل حال بنتي ماتعرف ابوها ولمن يجى بس تبكى لانو انفصلنا وهيا عمرها تقريبا 4 شهور وفين وفين لمن يجى يشوفها دي اول مشكله ونفسي انها تعرفو لانو أحزن عليها انها بدون أب اتمنى بس تتقبلو شويه وتاني شي اتمنى نصيحة عن تربيتها كيف اربيها بدون أب وما اخليها تتأثر نفسيا لمن تشوف اولاد اخواتي مع ابا آباءهم واشوف نظرتها الحمدلله فيه والدي وأخويه بس احس انى أتعذب لمن أشوفها بدون أب دا شي تعبنى نفسيا اتمنى نصيحة او دعوة في ظهر الغيب لانى فقدت زوجى وعملي الحمدلله على كل حال

رد : احتاج نصائح
 

حبيبتي يا بنت مكة..

آلمني والله أن تعودي بتلك الأخبار بعد طول غياب.

ولكن لعله خير فديتج .. ولا نقول إلا الحمدلله على كل حال .. أسأل الله أن يعوضكِ خيراً مما فقدتِ وأن يفتح لكِ أبواب الرزق.


سؤالي: لمَ لا يزورها والدها بانتظام؟

هل تحدثتِ معه في هذا الموضوع؟

رد : احتاج نصائح
 

بنت مكة ،،

أول شي ، لا تحزني على بنتك ..
إن شاء الله ربي يعوضها ، و يعوضك بالأفضل ..

لكن ليه تركتي عملك ؟

.
.

أنا أشوف إنك تحاولي ترجعي للعمل ، عشان تحسي باستقلالية اكثر و تعوضيها ..
و دايما فكري إنه هناك أطفال عاشوا بين أم و أب ، لكن ما عمرهم شعروا باحساس الأمان
فلا تندمي

رد : احتاج نصائح
 

الحمدلله على كل حال
والحمدلله على سلامتك ووجود هالبنوته بحياتك الله يحفظها
ركزي على النعم الي عندك بنت معافاه وانتي معافاه
والحمدلله
حاولي تستقلي تتوظفي تامني مستقبل بنتك
والدها هو وضميره والله يهديه
ماتقدري تجبريه يادي دوره لاب
كثير امهات مطلقات نجحوا في حياتهم وكانوا لاطفالهم ام واب

رد : احتاج نصائح
 

الحمدلله على كل حال وانا اصلا الا قررت الانفصال مايزورها لانو انتقلت منطقه خارج مكة وهو اي فرصه ليحى بس حسب ظروفو

رد : احتاج نصائح
 

معليش راح أرد على الاستفسارات بشكل عام لانو داخله من الجوال تركت عملي لانو انتقلت من مكة لمنطقه تانيه مع اهلي واضطريت استقيل من عملي وبحثت كتير عن روضات بحضانة عشان بنتي متعلقة بيا مرررة وللآن ما وجدت الا أماكن بعيدة جدااا او شي غير مناسب طبعا العمل راح يغير من النفسية كتيرر ان شاءالله اتمنى اعرف كيف ممكن أكون الام والأب لبنتي ومااخليها تحس بي اي نقص وكيف مستقبلا راح تعرف أنو الشخص الا تبكى منو هو ابوها هو دايما يلومني أنو انا الا بعدتو عنها الين صارت ماتبغى وانا دايما افهمو انها صغيرة ماتفهم ومع الأيام تكبر وتعرفو بااحاول اوريها صورو وأقولها بابا بس مررة ماتتقبلو لمن تشوفو ولا ترضى حتى تطالع فيه ودا شي اثر عليه

رد : احتاج نصائح
 

اختي هي عندها أب بس هو لازم يكون خاضر في حياتها اكثر

بالنسبه للتربية، فو الله ادكر كلام الوالدة الله يرحمها، كبري اولادك يخافوا ربهم يخافوا منك و عليك

كان الله في عونك

ما في امل ترجعوا لبعض

رد : احتاج نصائح
 

الله يعين على تربيتها والله يرحم والداتك يارب مافي مجال للرجوع لانى خلعتو لأسباب ماينفع انى ارجعلو ابدااا

رد : احتاج نصائح
 

كيف تتواصلي مع الاب الان

رد : احتاج نصائح
 

مجرد رسائل واتس فقط يطمن على بنتو او اذا يبا يشوفوها يرسلي وابلغ اهلي مابيننا كلام