![]() |
متى يغضب الرجل ؟؟ ....... >> ورشة عمل
السلام عليكم ورحمة الله وبركاته
أرحب بالحميع مرة أخرى في جلسة سحرية جديدة .. ولكن هذه المرة لن أسرد المعلومات (( رغم أن الأسباب موجودة وأيضا خطوات العلاج موجودة .... ولكن أود أن نبدأ بمناقشة الموضوع ((( ونعمل ورشة عمل )))) يشارك فيها الأخوة ( الرجال ) كما يشارك فيها النصف الأخر ( الأخوات المشاركات )) فباسم الله نبدأ بسؤال يطرح نفسه : ( للرجال ) --- ماهي التصرفات التي تغضب منها عندما تصدر من زوجتك ؟؟ ( للنساء ) --- متى تشعرين أنك بالفعل عملت عملاً أغضب زوجك ؟؟ سيعطي كل قارئ منا - رجلا أو امرأة - رأيه ثم نجمعها >> ثم نطرح مقترحات لحل كل مشكلة .. >>>>>>>> في انتظار آرائكم ،،، |
سأشارك بأول سبب يجعلني أغضب ..
- أغضب عندما لا تشعر بوجودي ( أو بالعربي وجودي وعدمه سوا ) :mad: - أيضا توصل معاي إلى H لما أكون في مشكلة .. وتكثر علي أسئلة .. وش فيك .. وش مزعجك .. لا وكمان لما تكون مرة ذكية وتقول : أنا كنت منتظرة واحد يضحكلي مو ( يبوّز ) في وشي <<<<< وقتها تكون محظوظة لو راحت بسلامتها :d والسيل جااااااااااااااااااي >>> شكلها فرصة نفش غيضنا ماهي بورشة عمل ;) |
با ختصار يغضب الزوج في عدة مواقف...
اذا اقحمت الزوجه عشه بطريقه تقطع تفكيره الخاص... اذا لم تقدر الزوجه جهود زوجها... اذا اشعرته بعدم اهتمامها به..... اذا اكثرت من العتاب....والنقد هذه ابرز الامور وهناك السيل العارم يكمله غيري... |
السلام عليكم.
زوجي يتضايق مني لمن أطلع وبصراحه انا ساعات امصخها. يعني من قبل ما اتزوج كله احب اطلع مع خواتي ولمن تزوجت ما قادره اقتنع اني خلاص زوجة رجل ومش المفروض اني اخليه واطلع .لا وبعدين ارد المسا ويله نطلع بره عشان تعشيني(بصراحه ما اعرف اطبخ). وهو دايما يطلب مني ما اطلع كثير بس انسا او اطنش. اللي ذكرته شويه منطقي ويعطيه الحق انه يزعل بس هذا اللي بذكره شوي غريب: انا موظفه يعني ما عندي وقت انظف البيت الا في نهاية الاسبوع. ويكون الشغل وايد واجلس انظف البيت.الغريبه ان زوجي ما يريدني اشتغل.يبيني اجلس اقابله وبس وينتقدني وكله يقول اني ما فالحه الا في التنطيف والدواره. (شكلي مقصره معاه وايد) يعصب علي لمن اكشخ وانا طالعه وتكثر اسالته اللي تسد النفس: ليش حاطه مكياج وايد(مع اني اشوفه عادي) ليش لابسه ملابس شفافه؟ ليش لابسه عدسات؟ وليش خلصتي غرشة العطر في طلعه وحده (والله يبالغ) هذي بعض الاشياء اللي تضايق زوجي لكن حتى انا عندي اشياء اتنرفز لمن هو يسويها. اتضايق منه لمن ما يهتم بكشخته او يطلع وهو لابس الثوب مرتين. او لمن يلبس الفانيله وما يفصخها.وايد اتضايق منه. اتضايق من زوجي لمن يحط المصاريف علي وكانها مسؤوليتي اني اصرف. واكره زوجي الصراحه لمن يكون خاتم في ايد اهله ويتوقع مني اني اكون خاتم في ايدهم مثله لكم على من؟؟؟؟؟؟؟؟؟؟ |
هناك امور جدا مهمة قد تغفلها الزوجة تغضب الزوج وقد وتؤدي الى الطلاق
http://vb.66n.com/showthread.php?p=194331#post194331 |
الصراحه انا مادري بالضبط وش اللي يغضب زوجي
والله اني في حيره ان لاحقته وقلت وينك تاخرت زعل وان طنشته وماسالت زعل طبيعة عمل زوجي كرجل اعمال تجعله متقلب المزاج حسب عمله(((احيانا اقول ياليت زوجي مدرس)))))))))))اقوله ياحبيبي اذا دخلت البيت اترك مشاكل العمل عند الباب @@@@@@@ والله اني اكلمه بالتلفون ونضحك انا واياه وبعدها بساعه يجي متنكد وضايق ومايبغى احد يكلمه!!!!!!!! عندك علاج ياخوي سايكريست اكون شاكره لك |
باعتقادي ان الشيى اللذي يغضب الرجل هو ان يحس بان زوجته تقلل من تقديرها لما يفعله لاجلها 2/ انها لا تحسسه بانه الشيى الاول والوحيد في حياتها اما للزوجه فاكثر شيى هو الخيانه من زوجها
|
متى يغضب الزوج.....
نحن نتكلم هنا عن الغضب الذي يترك أثرا في النفس. عندما تعطي الزوجة الأولويه لشخص آخر على حساب الزوج مثل أمها أو أبوها أو حتى أحد الأبناء، هنا يغضب الزوج. في الحالات الطبيعيه يكون هم الزوج إسعاد زوجته وأبنائه وتوفير الحياة الكريمه لهم وفي المقابل يكون هم الزوجه وظيفتها وتكذب من تقول أنه لا يحدث قصور في مسؤوليات الزوجه تجاه زوجها وأبنائها إذا كانت موظفه، هنا يغضب الزوج. الحياة الزوجيه مثل إشارة المرور تقريبا، خطوط حمراء لا يمكن النقاش فيها وخطوط برتقاليه قابله للرفض والقبول وخطوط خضراء وهي التي لا تتطلب مراجعة الزوج. مثال الخطوط الحمراء: الخروج بدون علم الزوج. مثال الخطوط البرتقاليه: التنزهة نهاية الأسبوع. مثال الخطوط الخضراء: دعوة الأهل للزياره. إذا خالفت الزوجه الخطوط الحمراء، هنا يغضب الزوج وشكرا |
أشد ما يغضب الرجل على الإطلاق هو احساسه بأن زوجته لا تثق في قدرته ولو في أعقد الأشياء ,
وأيضا احساسه أنه مهما فعل فهو مقصر تجاه زوجته 0 |
السلام عليكم ورحمة الله وبركاته.
الله لا يجيب الزعل . ولكن المرأة غالبا لا تقصد أن تغضب حبيبها زوجها ولكن التغيرات التي تمر بها تجبرها على ذلك من ضغط وتعب ونسيان. وعلى الزوج أن يضع يالحسبان هذه الأمور . حتى تسير الحياة بدون مشاكل. يغضب الرجل حين يتكرر نفس الخطأمن الزوجة مع تكرار التنبيه. يغضب الرجل على زوجته حين ترتكب خطأ في حقه. تغضب المرأة عندما يفكر الرجل مجرد تفكير بالزواج من آخرى. تحياتي لك وللجميع .................................................. ........ عاشق الجنان |
الساعة الآن 07:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©