زوجي يستغلني ماديا
 

(زوجي يستغلني ماديا )
مشكلتي زوجي استغلالي ماديا وانا عاطفية جدا
من يقول ماعندي اقصر ع نفسي واعطيه
يجي موقف عزيمه مثلا اكتشف انه عنده بس مابيدفع
موقف ف العيد كان تنزل مكافأة حافز فما اطلب منه ولاريال
فاقوله اشتري حلاو يقول ماعندي ادفعي من اللي ع قلبك فدفعت وبنفس المحل اتصل ع اهله ويقولهم اجيبلكم ايش للعيد !*

ترا مو اول موقف دايم يقول ماعندي حتى صرت شحن للجوال ماطلبه مصروف ماطلب لان نفسي عزيزززه مقدر اطلب*


الان توظفت لسا مانزل راتب بس دايم يقول تاخذيلي قرض انا رافضه لكن اعرف حيمارس ضغوطات*


انا بدي تساعدوني ع نقاط حمرا احمي نفسي من الاستغلال وكمان مابغا اكون شريرة لو شفته محتاج اكيد حعطيه لكن كيف*

(تم التعديل ليتناسب مع المضمون)
(على فكرة انا زميلة صاحبة المعرف هذا)

رد : كيف احمي نفسي من الاستغلال
 

ادهلي براتبك جمعية والباقي مصاريف الوظيفة قولي عطيته اخوي يسويلي مشروع او اخذي قرض وادخلي مشروع او اشتري ارض بس ﻻ تخليه كاش عندك وﻻ بيضيع وﻻ تنسي تتصدقي بجزء منه ولو بسيط حتى ربي يبارك لك

رد : كيف احمي نفسي من الاستغلال
 

والله يا اختي زوجك الله يهديه طريقته غلط ، انا من وجهة نظري ما يمنع انه الزوجين يتساعدون واعرف كثير متزوجين منسقين امورهم بشكل صحيح ، لكن زوجك الله يهديه اسلوبه غلط ويمكن يكون قلبه طيب ..

ويمكن انتي عودتيه اذا رفض تدفعين ، هنا اقول لك لا ، هو ملزوم بالنفقه عليك وعلى بيته وماله حق ابدا ، فلذلك اذا كنتي على حق لا تتنازلي الا اذا كان رجال كفو ويستاهل ، وصذقيني لو شافك تنازلتي وتدفعين فلا تستغربي يخليك تدفعين ايجار البيت لو كان بيتكم مستاجر ولا تستغربي يخلي مصاريف البيت عليك ..

بعض الرجال الله يهديهم يفكر ان فلوس هالزوجه المسكينه حلال له ..


بالنسبه للقرض احذري ثم احذري ثم احذري تاخذين قرض باسمك له ، واقولها للمره المليون، وانتي حره بحلالك وابخص بزوجك..

رد : كيف احمي نفسي من الاستغلال
 

معظم الرجال يقولون لك مشاركة وساعديه ووو....الخ
زوجك الآن مستغلك ومقصر عليك وإنت ماعندك وظيفة وبحاجته،،فكيف حيكون الوضع بعد وظيفتك واستلام راتبك!!!!

خذيها نصيحة مني وراح تدعيلي
إياك تاخذين له قرض حتى لو شفتيه يشحت،

لا تعطيه قرش حتى لو شفتيه محتاج وراح يتمسكن قدامك وراح يبين لك مسكين ماعنده حتى للبنزين،،خليه يدبر نفسه،وصدقيني ماراح يكون محتاج ،الحكاية ومافيها،يوفر اللي عنده عشان يدلع نفسه أو يتجمل مع اخوانه ،،الاستغلالي بخيل ،عشان كدة تعوذي
بالله من بخله واستغلاله،

شيلي مصاريفك الشخصية والسواق واذا حبيتي تجيبي خادمة اتحملي تكاليفها عشان زاحتك،

صرافتك خليها مع أمك او شخص أمين من أهلك و خاصة في الستوات الاولى ،،حتى يتعود ويشوفك انت والجدار واحد ويفقد الأمل انك ماراح تعطيه،،بعدها ممكنتخليها معاك ولا تخليه يدري عنها،،

خلي مبدئك وقاعدتك وقت الحاجة والزنقة كل واحد يدبر نفسه،،، لأنك لو فكيتي عنه زنقة
لمرة واحدة راح يصير فرض واجب عليك تفكي عنه ع طووووول،،،يعني ماراح يحفظها
لك فضل ومعروف،،واذا انت كنت بحاجته في يوم صدقيني ماراح يسد عنك،
لأن اللي تعود تعطيه يظل ياخذ ومايعطي،،
اذا سافرتوا لوحدكم من غير اطفالكم ،كل واحد يتحمل تكلفة تذكرته،،والسكن والاكل بالتناصف والألعاب والتماشي
كل واحد يتحمل نفسه،،،...واذا رفض انطقي في بيتك او.سافري مع اهلك،،
واذا ربي ما كتب لك السفر في الدنيا تسافرين في الجنة ان شاء الله.

ايجار،فواتير كهرباء اياك تفعي عنه ولا قسط حتى لو هو مادفع حتى لو هددكم المالك بالطرد
لا تخافي ولا تضعفي ،،راح يدبر الأمور لما يشوف مامنك أمل،،
أضيفي الى ماسبق مستلزمات البيت لا تدفعي ريال وارضي باللي يجيبه،

بإختصار خلي شعارك معه مااااااعندي.،إيااااااااااااااااااك تضعفي.

رد : كيف احمي نفسي من الاستغلال
 

السلام عليكم ورحمة الله وبركاته. ..
مع إحترامي لزوجك ياأختي الكريمة ، لا أعلم كيف البعض يطلب ؟!
دعي عاطفتك جانبا ومالك ابعديه عن حياتك مع زوجك . بمعنى عيشي المستوى الذي يناسبه ..
إياك أن تعوديه ، ستندمي ..
واجعلي مالك عند الوالدة . أو ادخلي مشروع ولا تخبريه ..
وإياك أن تظني بأن بسبب مالك ستجعليه بالقرب منك ...
بالنسبة لأمر القرض لا توافقي ، قولي عذر علي ديون لم أخبرك بها من أخي أو .........
حماك الله ..

رد : كيف احمي نفسي من الاستغلال
 

لا تعودينه انك تدفعي و تشيلي عنه
مبدا الشراكة انسيه معاه ،،، رلانه نسى قوامته عليك


واصحك يعرف كم عندك ،،، ولا تفكري مجرد تفكير انك توافقي بيوم تاخذي له قرض
لانه لاراح يرجعه لك ولا راح يشيله جميل لك

بعض الرجال الله يهديهم
ينسى حق تلزوجة وما يشوف منها الا فلوسها وكم تعطيه

رد : زوجي يستغلني ماديا
 

ادفعي من اللي على قلبك!!!

الله يقطع ابليس بس!! :rolleyes:



حبيبتي الجواب باين من عنوانه.

رد : كيف احمي نفسي من الاستغلال
 

روحي ياشيخة الله يرضى عليك دنيا وآخرة ...صاحبة الموضوع كلام اختي مكلومة نصيحة ماتقدر بثمن صااااادقة،،،من اللي شفته في الحياة الرجال لو انه يبغى شيء بيقدر يدبر حاله من حاله إياااااااااك تصدقينه ،،،واياك تحملين مصاريف اطفاله خليهم عليه حتى لو ضغط عليك ومايجيبلهم الا اشياء مشي حالك عادي خليك جبل مايهزه ريح عارفه ممكن قلبك يعورك ع اولادك بس مو مشكلة خليه يتحمل نفقتهم غصبا عنه..ومافي مشكلة لو تجيبي لهم من عندك بس بدون مايحس ولا يشوف ...ومهما مارس ضغوط بيني انك مطفرة وماعندك فلس ،،،شوفي لو رجل وشهم وكان متحمل مسؤوليتك وينفق عليك بما يرضي الله الكلام يختلف لكن رافع يده عنك ويطمع في الكم قرش اللي معك لا والله لا تنوليه مراده...شوفي مواضيع الاخت طعن قلبي الله يفرج همها ويعوضها خير،،،بعد ماتوظفت انقلب عليها وراح تزوج الثانيه والثالثه ومايهتم باطفالها زي اطفال الزوجه الثانيه ..هذا وهي ماكانت مقصره حسب مواضيعها معه بس الرجل اللي مافيه خير وطماع يبغاله وحده حازمة وقوية...الله ييسر لك امرك

رد : كيف احمي نفسي من الاستغلال
 

حسبي الله على بعض الرجال حتى حافز عينه فيه اجل الراتب من باب اولى انتبهي حبيبيتي راتبك لك تعبك وشقاقك لايشوف ريال الله يفرج همك

رد : زوجي يستغلني ماديا
 

ما أحب هذي الحركه انه ياخذ مني

الزوج هو الي يصرف وعليه النفقه مو الزوجه !!!