معاملة زوجي لطفلنا
 

السلام عليكم ورحمة الله وبركاته
زوجي انسان مرح وحنون وطيب وقلبه ابيض
مايمنع انه راعي لف ودوران بس على مين !!
المشكله عندنا طفل عمره سنة ونصف ربي يحفظة
ويجعلة قرة عين لي ولابيه
المهم زوجي جدا قاسي معاه يضربه ويصرخ عليه
عشانه حركتة كثيره مثل الاطفال بعمرة
انا في البداية كنت اعصب واسوي مشكله
بعدين لاحظت كل مالها معاملته تكون اقسى
كلمته من الناحيه النفسيه والعاطفيه والفكريه
جيته من ناحية الدين
مره مره مره مو نافع شي
هل ممكن الاب يغار من طفله اليوم لاحظت لما جيت من الدوام ضميت طفلي وقلت له اشتقتلك موووت يالغالي وجلست اشم ريحته ناظرت لزوجي لقيته مكشر !!!!!

رد : معاملة زوجي لطفلنا
 

ههههه والله ممكن يغار. ... انا الحالة عندي عكس انا اغار من بنتي وهو مدلعها اخر دلع

رد : معاملة زوجي لطفلنا
 

الاب في العادة يريد ان يعلم ولده الشدة والمرجله

فكل مايشوف زوجته تدلع الطفل، يشيل هم طفله وانه اذا كبر بيطلع بناتي

فتكون معاملته اقسى له

وقد يكون الاب غير حنون ولم يجرب الضرب في طفولته

لذا هو قاسي مع عياله

وخاصة الطفل الاول الذي يتعلم فيه والداه التربية

هذه توقعاتي والله اعلم

والله يصلحه لكم ويجعله بار بكما

وتفرحي بكرة فيه

وتزوجيه لاحلى عروس

رد : معاملة زوجي لطفلنا
 

تمزحين صح!!!!

رد : معاملة زوجي لطفلنا
 

يعطيك العافية على الدعوة الجميله
طيب الحل بنظرك اخفف دلع لطفلي
انا نفسي يحب ابوه
لانه صار يهرب منه
واذا جاء للبيت احسه يتكهرب
وانا نفسي انه يحن عليه
ويضمه
واجبرني انه ينام لوحده
وقلبي يتقطع عليه
بس قلت امكن اذا صار ماينام في حضني
يخف التوتر
بس الوضع نفسه

رد : معاملة زوجي لطفلنا
 

.......................
يضرب طفل عمره سنه و نص و الله حرام
اتوقع ولدك اصلا مو فاهم ليش يضربه

رد : معاملة زوجي لطفلنا
 

لا ما امزح هههههه صرت لو شوفته يبوسها او يضمها قلت وانا فصار يضرب حسابه وبعض المرات عشان يقهر بنته ...... بس غيرتي عادية مهما كان هذي بنتي حبيبتي وعشان هو كمان يتذكرني مو يسحب علي ...
ان شاءالله لما تجيبي بنت راح تشوفي كيف ابوها يتعلق فيها وهي تتعلق فيه البنت دائما حبيبة ابوها ..

رد : معاملة زوجي لطفلنا
 

الافضل انك ماتدلعي طفلك امام زوجك

وجربي احياناً تقسي عليه وخاصة اذا كان الاب رايق

رد : معاملة زوجي لطفلنا
 

مو ضرب عنيف لا مثلا يدفه يضرب يده اذا جاء يسحب الجوال
وهو عنده الجوال خط احمر
اكيد ولدي مو فاهم بس اتغير من ناحية ابوه
صار يضرب ابوه
وفيه تصرف كمان اذا ابوه ضربه
يقوم هو يضرب نفسه لحد مايبكي
مو فاهمه ليش يسوي كذا

رد : معاملة زوجي لطفلنا
 

طفلي حبيبي اذا كنت اشوف التي في يحب يجلس بحضني
وزوجي يسحبه على اساس انه بيلعب معاه وهو يبكي ويتمسك فيني
ويعصب زوجي ويقول اشبعو ببعض ويطلع من الغرفه
ايش الحل؟