|
قررت تجاهلها
السلام عليكم
مليت اقدم واسخي بالعطاء المادي والعاطفي من دون مبادله تعبت نفسياً من التفكير واحط اعذار لها من مخي وألقى بالمقابل الا احباط وتعب وعدم اهتمام قررت اني اريح نفسي من التفكير وأتجاهلها إلى الابد قبل يومين كنت اقول لها قصة احد اصدقائي طلق زوجته ام اولاده عشان يتزوج وحده ثانيه من اختياره وماطول زواجه وطلقها وحاول يرجع لأم اولاده ورفضت .. وكررت عليها اكثر من مره اللي عنده نعمه لازم يحافظ عليها عشان مايفقدها .. ماجا الليل الا وهي كاذبه علي كذبه خلتني اكره نفسي واعيد التفكير ألف مره بثقتي فيها وأسأل نفسي كذبت علي كم كذبه وانا مصدقها !! قلت لها انا ماعاد اثق فيك ونظرتي لك تغيرت 180 درجه كاره نفسي لأني حبيتك كم مره وثقت بكلامك وكذبتي علي ؟ بأيش قصرت معاك ؟ قبل الطلاق كانت أميره بعيوني اهتمام وسنع وعيون مليانه حب .. بفترة الطلاق تعرفت على مراهقات صحيح هم بنفس عمرها ولكن التفكير تفكير مراهقه اعتبرتهم صديقاتها وعالمها وبعد مارجعنا لبعض صارت تشوفهم اكثر من ماتشوفني تطلع من البيت اكثر من ماتجلس فيه .. نصحتها .. عاتبتها .. زعلت منها .. امرتها ماتخرج الا مره بالاسبوع والنتيجه كذبت علي .. غبنتني تغيرت مشاعري ناحيتها قررت امسك يدي من ناحيتها مالها الا مصروفها وكفايه .. والفلوس اللي كنت اصرفها على سعادتها ووناستها عيالي اولى بها اجمعها لهم .. اهتمامي من اليوم ورايح لراحت عيالي وبس تعبت اوجهها للصح وهي ماتسمع عنيده انانيه ماتقدر اي شي يأسست منها تعبت ارمم هالعلاقه على حساب راحتي وصحتي |
رد : قررت تجاهلها
وش الكذبه
ووش الاسباب الداعيه لهالكذبه |
رد : قررت تجاهلها
اعطنا اسباب الي سببها تأزمت حياتكم من البداية و صار بينكم طلاق والشي الثاني كم لكم سنة متزوجين و هل بينكم ابناء اسأل الله ان يسخركم لبعض
|
رد : قررت تجاهلها
اقتباس:
كانت في زياره لبيت اهلها وطلعت من صديقاتها وقلت لها ان رجعتي بيت اهلك اعطيني خبر وردت علي وصلت ودخلت .. قلت اكيد ؟ دخلت بعيني وقالت يعني انا كذابه !!!!!! وانا كنت عند بيت اهلها انتظر رجعتها عشان نرجع لبيتنا رجعت بعد ربع ساعه لبيت اهلها وتفاجأة فيني اني عند البيت |
رد : قررت تجاهلها
اقتباس:
وعندنا صبا وريان |
رد : قررت تجاهلها
يمكن تخاف انك تعصب عليها اذا تاخرت
|
رد : قررت تجاهلها
الزوجة ما تكذب الا من كثر التدقيق والمحاسبة اعطها فرصه وخلها تطلع مع صديقاتها مرة في الشهر ولازم تعرف وين ومن بيكون موجود الحرص زين .
|
رد : قررت تجاهلها
مشكلتي معاها مو بس كذبها
مشكلتي معاها اني اعطها حقوقها كامله ومهمله حقوقي تجاها مليت وانا اطلب حقوقي وانصح واداري خاطرها الصبر مُرر ويتعب اتعبتني هالانسانه صحتي راحت بسبتها انتو الحريم تبررون لبعضكم الكذب ماتدرون انه شي كبير كبير عند ربي شلون الوحده تتهاون فيه !!!!! |
رد : قررت تجاهلها
مانتهاون بس نبغى نبرر السبب
طيبب وش حقوقك الي متساهله فيها |
رد : قررت تجاهلها
السلام عليكم أبو صبا،
اولا صلي على النبي، انت عطاءك كان من قلبك و تنتظر انها تعطيك من قلبها، و ليس شيئا مقابل شيئ، يعني عطاء متبادل، المعنى انه في ناس ما يمكن يعيشون بدون ما يبذلون لللي يحبوهم، بالنسبة لحالتك، ما بنبرر كذب حرمتك، بس سؤالي هو شنو اللي كن بيصير لو قالت لك لسا ما رجعت للبيت؟ انا لا أحتاج ردا على هذا السؤال بقدر ما تحتاجه انت تحديدا الطلاق أحدث شرخا في علاقتكم و يبدو انه اسباب الطلاق لم يتم حلها من الاساس المشكله انه الجرح في مثل هذه الحلات بيكون بالقلب، يعني مانه سهل انت حاسس حالك برات حياتها مع انها مع الاولاد محور حياتك، و الواحد مهما حاول لا يمكن يعير محور حياته الا نحو الافضل بينكم اطفال و لاوم تراعوهم في قراراتكم لذا فنصيحتي لك انه تخلق انشطه مشتركه معها تخليها تستغني عن مشاويرها مع صديقاتها حتى تملا حياتها و بالتالي هي تملا حياتك دعواتي لكما بالخير و لم الشمل |
| الساعة الآن 01:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©