هل وضعي المادي يساعدني للزواج
 

(هل وضعي المادي يساعدني للزواج)
بشهر اخصم 3600ريال-6500=2900
2000ريال سداد قروض
1600ريال قسط السكن
يبقى بعد سداد القرض وخصم الاجار بأذن الله 2900ريال
هل تتوقعون انها باذن الله تكفي شهر معيشه اكل وفواتير .؟
طبعا انا استشرت اول شي الوالد الله يحفظه قالي تبي نصيحتي لاتستعجل انتضر وان كان بغيت تتزوج الله يوفقك وانا راح اساعدك
واستشرت زملائي قالو تزوج وحنا نفس ضروفك والحمد لله ماشيه بس اهم شي تلقا وحده تشرح لها ضروفك وتقدرها
وفي ناس قالو لا ترا بتطيح في دوامات وراح تتعب خصوصا ان المبلغ الباقي ضعيف
انا الي خلاني استعجل لان عمري 26 وحتى لو انتظرت ماراح يزيد راتبي بشكل كبير في السنوات الجايه الا ممكن شي بسيط الا ان يشاء الله
انا طموحي صراحه بأذن الله اني اعف نفسي واعف زوجتي وبعد امنيه ان بأذن الله يصير عمر 40 واشوف ولدي رجال وانا واقف على رجليني وبعد واثق كل الثقه بالله انه راح يساعدني
لاتبخلو علي بأرائكم وجزاكم الله خير

(تم التعديل ليتناسب مع المضمون)

رد : افكر بزواج للمره الميلون
 

الله يرزقك ببنت الحلال يارب
حقيقي كلام الوالد عين العقل المبلغ الباقي ضعيف جدآ
لو تصبر سنه ع الاقل لين تجمع مبلغ محترم قبل القروض
بعدين قرضين دماااااار كم يبغالك سنه تسدد،،لو تدخل بجمعيه من عشرين شخص افضلك من القرض
ولو حملت المدام المصاريف بتزيد
الا اذا شفتلك بنت حلال مستوره مالها بالطلبات الزايده ،،،قاعه خمس نجوم ،،بوفيه ،، فندق اول 3ايام،،،شهر عسل مدري وين ،،، وغيررررره كثير
بس مدام انت نيتك الستر والاعفاف الله بيعطيك عقد نيتك وبيرزقك بلي تقر عينك
بس يفضل تأجل مسالة الاطفال اول سنه لين تترتب الاوضاع

رد : افكر بزواج للمره الميلون
 

كأن الموضوع مزحة .
من آخر الحسبة و القسمة وهل من عاقل يتساءل إن كانت "2900" تفي مصروف شهر كامل أم لا !
أعرف 5 راشدين و 4 أطفال يصرفون 500 ريال شهرياً على المواد الغذائية و 500 أخرى على فواتير الكهرباء و الاتصالات ،
بمعنى أن معيشتهم الشهرية 1000 ريال فقط ! و إن زادت 1500 ، و أما العوارض و الطوارئ كالتجهيز للمواسم الجديدة
و النزهات فيدبرها الله سبحانه غالباً ، أو يكون استثمار قليل لو من فئة المئات مبلغاً كافياً لها .
بالطبع نعمة عظيمة بارك الله .


"سبحانك اللهم وبحمدك أشهد أن لا إله إلا أنت أستغفرك وأتوب إليك "

رد : افكر بزواج للمره الميلون
 

نصيحه اصبر سنة او سنتين تمر بسرعة ان شاءالله ... وبدل ماتأخد قروض ...اضغط نفسك وجمع فلوسك واعتبر ان راتبك 1500 ... ولو ماتقدر تمسك نفسك ادخل جمعية ب5000 خلال سنتين ... تجمع 120 الف ... ومع المساعدة ان شاءالله تكفيك للزواج ...
اخواني اغلبهم كذا مع انا بابا يساعدهم للزواج ... لكن اول سنتين يجمعو تقريبا الراتب كله ... مع ان روابتهم عاليه ...
فيسير ان شاءالله تزوج من غير قروض ...وتنبسط براتبك كله مع الزيادة ...لاتستعجل عمرك 26 لساتك صغير ... ... وصراحة 2900 مرة مايكفي ...

والله يرزقك بالزوجة الصالحة ويسهل امورك ...

رد : افكر بزواج للمره الميلون
 

لا تاخذ قرض ..
انتظر سنة أو سنتين وقيمة القسطين زيدها شوي وجمع المبلغ شهريا..
مثلا 3000 ريال شهريا لمدة سنة 36 ألف .. أو سنتين 72 الف..
راح تكفيك إن شاء الله وماتحتاج تقترض للزواج ..
لكن 2900 ريال صافي الراتب لا تكفي لاحتياجات أسرة ..

رد : افكر بزواج للمره الميلون
 

تزوج وتوكل على الله وش تنتظر العمر يمشي بسرعه والزوجه تجي برزقها لاتخاف
والزواج باب من ابواب الرزق ورح أقرى عن الموضوع هذا
بس تزوج مخلصه جامعه الطالبه تحتاج مصاريف أكثر لكن المتخرجه ماراح تحتاج كثير وممكن تتوظف مع الوقت
او تزوج موظفه
اما الانتظار في زمن فتن تعف نفسك بالحلال وتعف بنت الناس والرزق بيد الله

اقدر نصيحه الوالد لكن انت شاب لك احتياجات ممكن ابوك مايفكر مثل تفكيرك
اهم شي تكون البنت صالحه وصبوره وبنت ناس
وصدقني الفلوس تكفي بس امسك يدك الفتره هاذي والبنت اذا موظفه او عندها حافز تكفيها لما تتعدل اوضاعك

الله يوفقك

رد : افكر بزواج للمره الميلون
 

اخي الفاضل

كن صريحا مع نفسك

هل انت مستعجل فعلا على الزواج ام انه بامكانك تاجيله لسنة او سنتين قادمة ؟

هل لديك الان مبلغ جيد في رصيدك ام انك فعلا ستعتمد على القروض ؟

مالحد الاقصى لتكاليف الزواج في مجتمعك ؟

رد : افكر بزواج للمره الميلون
 

تزوج المبلغ الباقي كافي
اذا حولك موظفه على الاقل تشيل نفسها
والله يوفقك

رد : افكر بزواج للمره الميلون
 

وعليكم السلام اخوي

على حسب وضعك انت الشخصي ومدى حاجتك للزواج اذا عادي عندك تقدر تصبر

كم سنة ..فهذا افضل طبعاً تمسك نفسك شوي في الصرف وتجمع اغلب الراتب واذا

تقدر تبحث عن عمل اضافي حتى لو قليل راتبه يكون افضل ..وبعد سنتين او ثلاث تقدر تتزوج

عادي اذا وصل عمرك 29 او 30 اراه مناسب للشاب ...

اما اذا وضعك صعب ومحتاج للزواج الان فتوكل على الله وابحث عن من تقدر وضعك

وتصبر عليك فوالله انهن كثييير ..

الله يوفقك ويسعدك وييسر امورك ولا تنسى حديث الرسول صلى الله عليه وسلم :
ثلاثة حق على الله عونهم : المجاهد في سبيل الله ، والمكاتب الذي يريد الأداء ،

والناكح يريد العفاف . الحديث حسن رواه الترمذي والبيهقي

والله اعلم

رد : افكر بزواج للمره الميلون
 

خل اهلك يدورون لك واقدم ع الخطوبة وحط في بالك الزواج مو قبل 6 شهور
قدم على قرض الزواج سداده ميسر و اجمع من راتبك واعمل دوام مسائي مثل ما نصحوك
وجهز امورك باقل التكاليف المقبولة
واظب على الدعاء بتيسير زواجك وان يرزقك الله الزوجة الصالحة اللي تعينك

وصحيح لا تحمل هم ما بعد الزواج زوجتك واولادك يجي معهم رزقهم سبحان الله