|
من منكم ياتي لي بمزيد من الوقت ؟
السلام عليكم ورحمة الله و بركاته
حقيقة الامر اصبح يشكل ازعاجا كبير و مصدر نرفزة وقرف ضيق الوقت و تلاشيه فجاة fhfh يعني اصحا الصبح اجهز الولد للمدرسة وياتي الباص وارجع اتمدد لانو ييجي بدري كتير بعدين اصحا اجهز البنت للروضة و جوزي للعمل ... يتسهلو طبعا خلال ذلك فواصل للصغير الي حيصير عمرو سنة رضعة طعام ومن ثم العب نتفة رياضة واحيانا مابلاقيلي وقت ثم بفطر ثم بشتغل شغل المنزل اعداد غداء وصول الاولاد غداء غداء البيبي احيانا اتمدد واحيانا لا اتفحص دراسة الاولاد بالاخص ابني الكبير اول ابتدائي وطبعا خلال ذلك رضاعة طعام للصغير فعلا بلاقي يومي بيروح مابين الكبار والطفل الصغير رايح جاي جاي رايح ومابينامو الا بلاقي حالي ملانة قرفانة تعبانة و بلاقي اني ماعملت شي بخصني خلال اليوم حتى النت بطلت اشوفو استعير كتب مابلاقيلها وقت اقراها انزل محاضرات تربوية دينية من النت كلها زي مهية ماانسمعت وطلع في النص كمان جلسات علاج طبيعي للطفل الصغير يوم بعد يوم من الصباح الباكر ( الحمدلله هوة بخير و ربنا شافاه بمعجزة ومابقي الا القليل) والمهم كمان في ايام الاخرى انا بعملو تمارين في المنزل وانا ملك شادي ماعاد الي اي وقت ماكنت احس هيك من فترة قصيرة من جديد بحس هيك وصرت قرفانة ومنرفزة وحاسة حالي مستهلكة نفسي وبس بجري ورة الاطفال وهادا الستايل بينفرني جدا من كل الحياة وبكرهني في البيت ونفسي واولادي وجوزي الي خلاني جيب الاولاد خخخخخخخخ بمزح بس فعلا نفسيتي صارت مقرفة و جوزي ملاحظني عصبية ولما بقللو ما سبق بقللي الكل صاير هيك انا طول اليوم شغل برجع مابلحق اقعد الا بروح انام من التعب بس انا مش مقتنعة انو حياتي تصير بالشكل هادا التوقيت الشتوي و قصر النهار اكثر ماساهم في القصة صرت احس بالعبأ من اول مااصحا وانا بتقرف وبقول ااففففف يلا نجري زي الالات حاولين البيت واخرتها ارتمي قرفانة و ملانة مع العلم انظم اموري و كل شي حاطالو ايام يعني بكون من اول الاسبوع عاملة جدولة للمهام الي عندي بس مافي فايدة الوقت قصير ومافي بركة للاسف شو في ادعية ... اذكار لزيادة بركة الوقت لاني فعلا متاثرة ومش طايقة حالي يمكن ناس يعتبروني ببالغ بس انا بشوف من ابشع الامور كانسان ماتلاقي وقت لنفسك وقت خاص فيك ابسط الحقوق الاقي وقت فاضي افكر شو اعمل في لنفسي ساعدوني لانو الامر فعلا يهمني بشكل جدي و ياثر عنفسيتي yjy |
رد : من منكم ياتي لي بمزيد من الوقت ؟
اطّلعي هون
http://www.66n.com/forums/showpost.p...&postcount=128 يوم كنت أصغر كنت منظمة أكثر حد الجنون ! إنما الآن مثلك في صراع بين تقدم وانتكاسة.. بعد التخرج إن شاء الله أتغير، حاليا مريحة بالي عزابية . "سبحانك اللهم وبحمدك أشهد أن لا إله إلا أنت أستغفرك وأتوب إليك " |
رد : من منكم ياتي لي بمزيد من الوقت ؟
يا الله شوفي كيف تمر الايام
وكأنه بالأمس قرأت قصة زواجك وكيف جئتي من فلسطين لليمن ، والان اصبح عندك طفل بالابتدائية! الله يحميه ويحفظه هو واخوانه من كل سوء والله الايام تمر بسرعة الصاروخ شوفي اختي حاولي تغيري مفهومك ومنظورك للأعمال التي تقومي بها بحيث انها تمثل ملك شادي نفسها وليست تمثل اشخاص اخرين بمعنى اخر انها ليست عبء عليك وانما هي (ملك شادي) هي اداورك في الحياة وهي انتي بعد ماتغيري نظرتك لها سوفي تجدي انك انسانة منتجة وجزء مفيد في الكرة الارضية وليست عالة عليها نأتي لايجاد وقت صغيرون من شأنه اعادة الهمة والنشاط لهذه الانسانة العظيمة في هذه الحياة يسمى ب (الترفيه) وهو ليس الترفيه كاملاً وانما جزء منه لأنك ممكن ترفهي عن نفسك ب : بأكلة حلوة تمارين رياضية مواقف حلوة مع اطفالك وهذا انتي تمارسيه بالفعل بقي لك النت فقط وهذا بعد ماتعيدي برمجة نفسك على كلامي اعلاه سوف تجدي نفسك مبسوطة وستجدي له وقت والاخوان والاخوات لن يقصروا معك سيعطونك نصائح في كيفية ايجاد وقت للنت وللامور الترفيهية الاخرى |
رد : من منكم ياتي لي بمزيد من الوقت ؟
فعلا شيء مزعج مانﻻقي وقت ﻻنفسنا مشان هيك انا بخاف كتير من المستقبل ومن كترة الوﻻد مابحب مالاقي وقت لنفسي مابحب كون مستهلكة مابحب الروتين .. مابحب الصخب ... عندي بنت الله يخليها إللي ولو قعدت عليها العمر كلو ببوس ايدي وش وقفا
|
رد : من منكم ياتي لي بمزيد من الوقت ؟
حالتك هي حالة كل أم عندها رضيع
تربية الطفل في أول سنتين تكون متعبة و ياخد كثير من الوقت الاهتمام خصوصا ادا كانت حالته الصحية غير مستقرة بعد السنتين تبدأ تخف شوي شوي وتستقر الأمور جيد انه اولادك يروحوا المدرسة دا يخفف الضغط عليك نجي للوقت الي من حق ملك شادي بعد ما يروح ابنك المدرسة بترجعي تنامي ليه يا كسولة استغلي هدا الوقت لك خدي حمام دافءي اعملي تقشير لبشرتك او لجسمك اقراي كتاب باليل لما يناموا خصصي وقت كل اعملي حاجة لك امليء البانيو ماء ساخن و انقعي ملك فيه ههههههههه زوجك ادا عنده سيارة خليه ياخدالعيال لفة لساعتين تستريحي فيهم وتهتمي بملك في الآخر و ليس أخيرا ما اوصي به رسولنا الكريم فاطمة الدكر و التسبيح يطرحوا البركة في الوقت بل كما قال رسولنا الكريم افضل من خادمة و انت تشتغلي في البيت حطي القران استماع راح يخليك هادءة و تشتغلي بدون تدمر حبوب منع الحمل ادا مو مناسبة غبريها أو حطي لولب هي ايضا تسبب العصبية |
رد : من منكم ياتي لي بمزيد من الوقت ؟
هلا ملك كيفك يا عسل
المشكله اللي انتي فيها وقتيه وراح تروح يعني مؤقته انتي اعملي نظام بحيث لو تسترخي باليوم ساعه وحده كويس اعملي جدول ونظام وامشي عليه وحاولي اخر الاسبوع خليه ترفيه لك ولزوجك مطعم العاب للاولاد تسوق كافيه عشا او غدا مع زوجك واولادك صالون تدلعي حالك فيه اعملي نظام ونظمي وقتك |
رد : من منكم ياتي لي بمزيد من الوقت ؟
وعليكم السلام ورحمة الله وبركاته...
مرحباً بملوكة الحبيبة ، لازم عندما أقرأ لك ابتسم حتى في غصبك : ) أحبك . حاولي تنتهي من أعمالك أعلم مع بأنه في فصل الستاء وقت قصير ، وشغل المنزل لن يكون بمثل كل يوم مثلاً الغسيل 3 أيام في في الأسبوع ويتبقى لك التنظيف حق كل يوم مكان الأولاد وهيك : ) وكذلك الأولاد لما يصحوا من النوم عودي كل واحد فيهم يعمل مكانه ويرتبه حتى زوجك لا أعتقد بيرفص بالعكس جو التعاون حلو كتيرولما ينتهوا من الأكل عوديهم وسينعكس على نفسيتك وشعورك بالسعادة ... بالنسبة لأبنك أظن بأنك عودتيه على اﻹعتماد عنفسه أنثاء المذاكرة في هذاﻻالوقت اعملي لك شيء لنفسك تحبيه .. انهي الأشياء الصعبة في الصباح لا تنسي دعوة الرسول لأمته في البكور * اللهم بارك لأمتي في بكورها * وظلك سبحي أثناء العمل سبحان الله تشعري بخفه وسهولة وتخلصي بسرعة ... الغداء يمكن أصعب وجبة بتكون لأنه أكثر من صنف حاولي تبدئي في ال11 صباحا ... وسيكون وقت الليل فيه وقت لك خاص بعد نوم الأولاد في هيدا الوقت غنجي ملكة ههه ... اعتمدي عالساعة والتخطيط حيساعدك كتير ، وحلاوة الليل وقته طويل.. وآخر الأسبوع كافئي نفسك لأنك أم رائعة واخرجي المكان اللي بتحبيه .. الله يسعدك .. |
رد : من منكم ياتي لي بمزيد من الوقت ؟
اقتباس:
الله يديم الراحة عليكي بس تتحولي لعروسة جميلةdgt شكرا للرابط والله يهدينا يارب |
رد : من منكم ياتي لي بمزيد من الوقت ؟
اقتباس:
زكرتني باللزي مضى هب علية نسيم الزكريات ... فعلا ايام وبتجري حقيقة مااعانيه اني احس انو هي الامور عبئ و اشياء متعبة مع انو فعليا يعني انا احسن من غيري بكتير الي في عمري عندهم 5 اولاد و في اكتر كمان هههه يعني كلهم تلت اطفال اتنين منهم كبار معتمدين على حالههم بس مابعرف ليش بتنكد من المسؤوليات الخاصة بالاطفال ولكني بدات ادرب نفسي انو هي وظيفتي زي جوزي بطلع يشتغل فانا بشتغل كمان ان شاءالله اعمل بنصيحتك وبارك الله فيك ... |
رد : من منكم ياتي لي بمزيد من الوقت ؟
اقتباس:
اناعندي تلاتة يعني مش كترة والحمدلله الله يخليهم والله بموت فيهم بس مرات بمل و بنخنق او تاثيرات هرمونية طبعا وضربان مخ وماتقولي اضل على بنت وحدة واحمدي الله عنعمة الانجاب وان شاءالله تجيبي الها اخوات يعني وحدة كتير قليل لازم الها اخوات الله يخليها الك وتفرحي باخ او اخت الها قريب شكرا لك |
| الساعة الآن 09:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©