|
زوجي قالي اكرهك ..
السلام عليكم
انا متزوجه صار لي 7 سنوات عندي ولدين اختلفت انا وزوجي ع موقف تافه هو واعدني بيوديني المزرعه وانا قلت بودي عيالي عند امي ع الساعه 8 وجلست اجهز العشا ع اساس ناخذه معانا المزرعه لما صارت الساعه 6 نام وخليته نايم لما صارت الساعه 7 ونص قلت له يلا نقوم قالي لا اصبري بعد ساعه انا عصبت وليه انتظر ساعه وليه ماتقوم الحين هو زعل وعصب وقالي مافي روحه زين ! عاد انا انقهرت وجلست اتجادل معه وصدمننني قالي والله اكرررررهك ماطيقك واللي مصبرني عليك العيال اقول عشانهم بعدين قالي احلمي تطلعين من هالشقه وبيت مافيه .. لان احنا مخططين نشتري بيت المهم انا خايفه انه يخطط ع شي مو زين اعتذرت منه بس مارضى عني لما قالي انا اكرهك قلت له كذااااب انت تعشقني لو تكرهني ليه سفرتني قالي عشان افتك من هذرتك ! والحين يبي له من اسبوع الى شهرر على مايرضى .. وش الحل ! |
رد : زوجي قالي اكرهك ..
تجادل مع الزوج وقت غضبة = كلام جارح ووقح [النتيجة] زعل الزوجة واكتئابها.
الحل : تعاملي معه بود واحترام وما كأنك سمعتي شي ابدا اعتذري مره وخلاااص ولا تفتحين معه الموضوع ابدا . باذن الله تعود المياه إلى مجاريها . |
رد : زوجي قالي اكرهك ..
طالما تشوفي تصرفاته كويسه
خلاص هو بيغثك لانه وقت زعل وغضب .. ماتواخذيه لما يههدأ روحي بهدوء اساليه وشوفي ايش يقولك |
رد : زوجي قالي اكرهك ..
اقتباس:
|
رد : زوجي قالي اكرهك ..
طيب ..
ساق بنا واحد من محارمي وحنا راجعين من عزا لقريبة لي ، وكنت مواصلة و جاية من اختبار و أخلاقي زفت ، و من زمان أطري له روحة السوق لأني ألبس بلايز شتاء له أكثر من سنتين و نمش وخرب القماشة ، قال : يله بكرا بنروح السوق .- حنا بأرياف يعني السوق 70-100 كيلو عنا - قلت : ما أقدر مرهقة مرة بنام وعندي أشغال بكرا ، خله الأسبوع الجاي."بحث ، ومهام منزلية بس ماقلت له ". ضحك قال : -فيما معناه لأني أشغل معظم وقتي بالدراسة ، وبما أني بتخرج بعد كم شهر وهذا الشخص زي كثير حولي ولو كانوا طبيبن بس عقليتهم كذا: ( عنده إذا جلست بالبيت لا دراسة و لاشغل ولا زواج "مثلاً بعد التخرج " لازم ..أدشر و العياذ بالله !) - خخخ ، طيب الأسبوع الجاي بس ترى عندك " فراغ عاطفي " بس تتخرجين ، تألقمي من الحين . سكت و أنا أدري بداخلي إن العشم على " الفراغ الروحاني " فحتى و ياما متزوجات ومتزوجين ما يملاهم/ـن إلا الخراب لا (امتلاء عاطفي و لا يحزنون) العياذ بالله ، و شقيت ذيك " الابتسامة " و لا همني .. مخفة أنا صح ؟ خخخخ . " طبعا هو صاحب العبارة الملهمة في إحدى خطباتي انتهت بفضها من الله على آخر لحظة بسبب (الخديعة) ، وقد كنت دعوت " ربي إن علمت بها شراً أعلم أنك ستصرفها عني ولو في آخر لحظة " ، وياسبحان الله لن أزيد على ذلك : قال :" إذا كنت مرة ؟ .. لو يتقدملي بنغالي ما رفضته ! " . وو ش فيهم البنغاليين ؟ الحمد لله علم ودين وأخلاق ويحبون الفلفل . و محرمي هذا ؟ أفدي الأرض اللي يمشي عليه ! تدرين ليه ؟ لأن جمايله و معروفه و محاسنه و أخلاقه علي لا تعد و لا تحصى ، لو طلعت منه هنيات كذا ماتسوى .. و من الجور و الظلم العظيم تقنين كل معاملاتي معه بها ! أبسطه أنه من بكرا عطاني مبلغ كبير أسدد دين علي ، وقضى لي حاجاتي بفضل وتسخير من الله . "سبحانك اللهم وبحمدك أشهد أن لا إله إلا أنت أستغفرك و أتوب إليك " |
رد : زوجي قالي اكرهك ..
اقتباس:
التدرج عند الزوج : ردة فعلك (تصرفك) : يللا نقوم. 1- اصبري بعد ساعه. ردة فعلك (تصرفك) : وليه انتظر ساعه! وليه ماتقوم الحين! (بعصبيه) 2- مافي روحة، زين؟! (بعصبية وزعل) ردة فعلك (تصرفك) : انقهرتي وتجادلتي معه. 3- والله اكرررررهك وما أطيقك واللي مصبرني عليك العيال ردة فعلك (تصرفك) : كذااااب انت تعشقني لو تكرهني ليه سفرتني؟ 4- عشان افتك من هذرتك ! ردة فعلك (تصرفك) : 5- احلمي تطلعين من هالشقه وبيت مافيه .. ردة فعلك (تصرفك) : اعتذار (غير مقنع للزوج) وخوف من تخطيط سيء يخفيه عنك. الحل الذي تريديه : اصبري عليه وتحمليه هو الغلطان ليش ماصحى على طول! وهو عارف وقتكم ومواعيدكم بدل لايشكرك انك ماسكة العيال عشان لايزعجوه في نومه، ومتعبة نفسك ومسوية عشاء للمزرعه! ينكد عليكي! فيه زوج يقول لزوجته اكرهك! عيب في حقه والمفروض يعتذر منك المفترض يقبل اعتذارك ويحمد ربه انك اعتذرتي له. الحل من وجهة نظري : - تتعبي نفسك شويتين وتفهمي كيف يفكرو الرجال - تعتذري عنه عن مواقفك القديمة وانك تحبينه وبتتعاملي معاه بطريقة ترينها صحيحة ولكن الظاهر يازوجي اني اخطأت بالطريقة وانا اتعلم منك فعلمني. - لو تكرر الموقف مستقبلاً ، تنبهيه على الموعد من غير مجادلة، وترحمي ضعفه في نومته عشان لما يصحى ويفوق يرحم تعبك وانتظارك - الجدال والصوت المرتفع يكرهه جدا الزوج - احمدي ربك عشرة الاف مرة انه قال لك في وقت زعله انه يكرهك وصابر عشان العيال، لأن هذا مؤشر خطير وهام يدل على ان حساباتك خطأ، والرجال بينقص ارتياحه القلبي معك. فالحقي نفسك وعدلي طريقة تفكيرك ونفسيتك ، قبل لاتجي بعد عشرة سنوات وتقولي الحقوني اتزوج علي او طلقني بدون سبب!!!! هذا ماعندي الان |
رد : زوجي قالي اكرهك ..
للاسف انتي تعدي من الزوجات النكديات وسامحيني ع هذي الكلمه لكن صدقيني طريقتك خطأ
الزوجه الذكيه الي تقوم زوجها بهدوء برقه بدلع كل نصف ساعه لو استخدمتي هذا الاسلوب كان صحي لو ماصحي وسحب عليك بيكون هو الغلطان واقدر اخليه يعوضني بطلعه احلى منها واكيد بيوافق بعدين لما قال اكرهك ليه قلتي سفرتني ياحلوه الحب مشاعر مو سفره وورده زوجك يحبك بس اسلوبك عدليه وتعلمي بشطارة انثى تاخذي الي تبغيه للاسف مشكلة كثير من النساء حقوقها تتنازل عنها لكن الكماليات ماتتتازل عنها زي السفره او الطلعه |
رد : زوجي قالي اكرهك ..
اخي في الله
ماشاء الله تبارك الله كلام عين العقل خذي بهالكلام ياخيتي وتعوذي من الشيطان واستسمحي من زوجك وبعدين وربي لو مايحبك مايصبر عليكي لو عندك عشر عيال الله يهدي سركم ويبعد عنكم الشيطان |
رد : زوجي قالي اكرهك ..
اقتباس:
أختي الكربمة ريم في البداية أنت من بدأت بالخطأ معه عندما غضبت لأنه مضى من الموعد ، بإمكانك أن تتغاضي عن التأخر وتصحيه بطريقة هادئة وذكية ... الأمر الثاني الجدال في هذا الوقت سيء فلا تأخذي على كلماته ... تعاملي معه خلال هذه الفترة بشكل عادي وهادىء والمشاكل التي تريدي فتحها فليكون في وقت ومكان مناسب .. وفقك الله .. |
رد : زوجي قالي اكرهك ..
معلومه . اغلب الرجال عندهم المواعيد مضروبة يقول الساعه 8 احسبيها انتى بمعنى 10 او 10 و نص
يقولك بكرا احسبيها انتى شهر قدام . بس من جد مايستاهل تعبك لو منك انا انسحب بهدوء و ماكلمه وقتها و لو بغى يطلع بعدين ارفض من جد مذله .. |
| الساعة الآن 02:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©