السلام عليكم ورحمة الله وبركاته
اسعد الله صباحكم:d
قبل البدء بحكيلكم قصة
يروى ان مجموعة ارانب جالسين تحت شجرة على شط سيل:d
فلة وسوالف وسعة صدر وقهوة ومعمول ولقيميات وخلية نحل بالجبنة الكيريgggh
قام ارنوب منهم (ارنوب مجازف)
وقال تتحدوني اقطع هالسيل ياشباب
قام اكبر الارانب (بابا ارنوب)
قال: خلونا نحسبها بالعقل يا شباب
احنا ارانب ونكره الموية خلقه
وكمان ما نعرف نسبح
وكمان هذا سيل وما معه لعب
قال ارنوب مجازف: لا يكثر بس والله لاقطعه
واحتياطا بشيل معي قربة ان شفت اني بغرق نفختها وطلعت عليها
وفعلاً سوواها مجازف
وفعلاً حس انه بيغرق
فصاحوا عليه الشباب
انفخ القربة يا ولد muy
قال: ودي والله لكن توني اتذكر ان مهنا برطمdvf

،،،،
الزبدة
جارنا عمره 70
متزوج 2
وقبل كم سنة جاته فلوس وتزوج الثالثة
وهي اصغر من اصغر بناتهyjy
وصار عنده من جديد اطفال
يبي لهم احد يلاعبهم احد يفغفغهم:d
ولأنه يادوبك يقوم على حيله
بزارينه ابلشونا بالمسجد
كل من سجد يركبون فوق ظهره هششششششhthd
وان كلمناه قال وش اسوي بهم:(
مرتن من المراريت طالع من البيت قبل الفجر بنص ساعة رايح مشوار
لقيت واحد من بزارينه يلعب بالشارع:eek:
صح ان الصلاح من رب العباد
لكن من اسباب الصلاح انك تكون قادر على التربية والملاحظة
وختاماً
صح الزواج والتعدد شرع الله
لكن الزواج مو فلوس وشهوة وخلفة بدون تربية
والعاقل
يحسب حساب ذريتهddd
وقيل قديما
توقع لا تفقع
ودمتم