الجفا طال وانا تغيرت ..
 

تباعاً لمشكلة سابقه واللي الكل لامني فيها وانغلط عليا بموضوعي ..
طيب انا غلطت وعرفت غلطي ..
طيب وهو ردها فيني وسوا حركه ما توقعتها منه..
خلينا نقول استفزيته.. عصبته.. خرجته من طوره ..
طيب صار اللي صار ومر اكثر من عشرين يوم لا سأل ولا اتصل ..
مرا غلطت انا عليه وقلت له طلقني ما ابغاك ما مر اسبوع الا هو جاي ورسل لي مصروفي قبل يجي وسدد فاتورتي..
الان لا حس ولا خبر.. حتى اخته تسألني تقول ما انحلت المشكلة ..
اليوم كان ضايق خلقي وبس متنكده لاني كل يوم أتوقعه يبادر..
كل يوم بصلاة الوتر ادعي ربي يساعدني اكون إنسانه مطيعه لزوجي وادعي ربي يرضيه عني .. أسعى لتغيير نفسي وربي بيساعدني لانه عالم بنيتي ..

قبل شويا اختي تقول زوجك ماعنده قلب شكله خلاص ماعاد يرجع وتقول لا تزعلي من كلامي بس إحساسي يقول ما عاد يرجع
كلامها وجع قلبي ..
طيب احس انه واحشني ..
طيب ما ابغى افترق عنه ..
حسيت بغلاته ..
اول اسبوعين كنت زعلانه عليه من قلبي ع سحبته ليا بالشارع بس الان قلبي قدم له مليون عذر .. بس هو فينه..
ايش الحل ؟!
اتركه الين يجي من نفسه ؟!
ما أطيق البعد 😢
ادعولي ..


بالله الأحد يزعلني قلنا غلطي وعرفته .. ابغى حلول للصلح ..💐

مستجدات
الرد 83
http://www.66n.com/forums/showpost.p...4&postcount=83

مستجدات
الرد130
http://www.66n.com/forums/showpost.p...&postcount=130

مستجدات
الرد 146
http://www.66n.com/forums/showpost.p...&postcount=146

رد : الجفا طال وانا تغيرت ..
 

يبغاك تبادري بالصلح عشان تحسي بغلطتك ...

ارسلي له رساله حلوه وانه وحشك رح يتغلى شوي لكن في قلبه ميت شوق لك ....

جربيها مارح تندمي ...

اختك كلامها غير صحيح لانه لو مابيرجع كان ارسل ورقة طلاقك ...

رد : الجفا طال وانا تغيرت ..
 

تدري ..
امي رغم انها كل يوم تقولي انتي غلطانه وتستاهلي
الا انها قالت لا ترسلي له ولا حرف خلي تفاهمه معايا ..
أوقات أفكر ارسل له .. بس أتراجع أخاف يتجاهل رسالتي وبعدها راح أموت قهر اكثر من ما انا مقهوره ..
وأوقات أقول بسمع كلام امي وما برسل .. لانه كيف برسل لإنسان سوا اللي سواه

محتارة ومقهوره ..، كيف إنسان يحلف انه مستحيل يتنازل عني وانه ما يقدر يعيش بدوني يغيب هالغيبه

رد : الجفا طال وانا تغيرت ..
 

هو يبغاك تحسي بغلطتك
وتتأدبي وتتركي حركات وديني لماما ....
حيجي وحيبادر ...
انتظري قليلا...
وعلمي نفسك طولة البال والصبر..
اصلح الله لك احوالكما

رد : الجفا طال وانا تغيرت ..
 

ما صارت يعني لنا قلب لنا احساس مو كذا
الله يجيبك يا طولة البال 😞

رد : الجفا طال وانا تغيرت ..
 

ماتزعليش أختي اصبري كمان كام يوم وإن شاء الله هيرجعلك ويعوضك ويعيشك أسعد واحدة ربنا يصبرك يارب ويسعدك دنيا وأخرة

رد : الجفا طال وانا تغيرت ..
 

بعض الرجال عندهم قناعة... أن من خرج بإرادته... يعود بإرادته.

أعانك الله

رد : الجفا طال وانا تغيرت ..
 

ربي يسعدك .. ولكِ مثل ما دعوتِ يا عسل .

رد : الجفا طال وانا تغيرت ..
 

القصد كذا مرا رحت لامي على أشياء ابسط من كذا
وأكون انا الغلطانه ويرجع لي .. وهو ما يكون غلطان
وقتها يكلم اخويا يشتكيه عليا ويكلم امي ويتركني يوم ومرا تركني اسبوع ومرا ولا يوم
بس هالمره انا غلطت وهو غلط كمان .. طيب ليش كذا مقوي قلبه ...؟!

طيب أبادر انا تشوفها حلوه بحقي ؟!
طيب ان بادرت احتمال كبير يطنشني هو إنسان كفاحه بالحياة ومجال عمله وطبيعة المكان والحياة اللي عاش فيها طفولته تخليه يعيش بقلب قوي وعنده صبر وقوة تحمل لدرجه ما تتخيلها ...

ايش تشوف ؟!

رد : الجفا طال وانا تغيرت ..
 

منفرده انتي ع الرغم من عصبيتك وتسرعك الا ان قلبك حنون وطيب وادراكك لعالم الرجال كما يبدو قليل
من اي الانماط زوجك ..؟؟
اقري عن نمطه كثير...!
زوجك اكيد مشتاق لك ومتضايق ع بعدك بس كرجل يفكر بعقله...
لو رجع لك بسرعه وسهوله معناته انك راح ترجعي لأخطائك معاه وماراح تستوعبي خطاك وحتكرريه مرارا ...