|
زوجي لايهتم بي
(زوجي لايهتم بي )
السلام عليكم داااائما اتابع مواضيعكم بالمنتدى واستفيد من ؤدودكم وقلت هالمرة بستشيركم عمري 25 و صار لي 4 سنوات متزوجة زوجي بنفس عمري .. وهو الاول بين اخواته وبعده بنات .. صارت اشيا كثيرة خلال هالفترة بشرحها عالسريع - يرفض اني اطلع لصديقاتي الا المقربات جدا ولو في مناسبة غير هذا .. كله يقوله مب ضروري حتى لو كان عزا .. ووحده اعرفها وزميلتي ولو صار لي شي تزورني وتسال .. على طول مب ضروري - علاقتنا الخاصة .. ناادر ما يبادر .. تلفونه وياه عالفراش .. يقعد عليه و يتصفح لين تلوع جبدي و يتعكر مزاجي و اذا سكر التلفون لو اقوله كلمة قال عندي دوام ابا انام .. مسجيني ابادر واتم اسوي حركات واتلصق فيه وهو عالتلفون ...الخ. و يتم الموضوع لكن خلااص زهقت و مليت كلمته كم من مرة لكن ما فاد لما ينام يعطيني ظهره و ينام بالطرف .. وكلمته .. شفت مافي فايدة قلت كيفه اهم شي اريح نفسي قمت احضنه من ظهره وانام - خارج الغرفة والعلاقة ... ما في كلام حلو ابدا ولا افعال ان كلمته باي شي يكون منشغل بالتلفون كالعادة او عالتلفزيون ما يرد اي امر اكلمه فيه وانتظر رد .. ما يحسم الموضوع يترك الامر معلق يروح دوامه . يرجع ينام او يروح الكلية .. و بعدها يقضي مشاوبره او يطلع وياربعه (تم التعديل ليتناسب مع المضمون) مستجدات الرد 32 http://www.66n.com/forums/showpost.p...7&postcount=32 مستجدات الرد 43 http://www.66n.com/forums/showpost.p...6&postcount=43 مستجدات الرد 58 http://www.66n.com/forums/showpost.p...8&postcount=58 مستجدات الرد 71 http://www.66n.com/forums/showpost.p...6&postcount=71 مستجدات الرد 76 http://www.66n.com/forums/showpost.p...2&postcount=76 |
رد : وضعي مع زوجي
- مشاويري عدا العيادة .. كلها مؤجلة الى اجل غير مسمى
لما كنت حامل طلبت اغراض للولادة .. من اول السابع اطلب و دخلت التاسع ولا طلعني .. بالاخير اهلي اشترولي عرس اختي قعدت اطلب شهر اني اطلع اشتري فستان و بعد ما تلفت اعضابي طلعني و نفس الحال عشان اروح استلم الفستان ونفس الحال عشان اروح اشتري لبنتي نواقصها .. اشتريتهن ليلة العرس وكل الطلباات بنفس الطريقة وفي حركة جديدة .. يطلب من ابوه يقضي المشاوير . احيانا يرضى والاغلب مايرضى ..لانه ايوه بدا يلاحظ كسله و اتكاليته بالنسبة لطلعاتنا .. الحمدلله كانت نادرة والحين معدوومة انا ساكنة مع اهله وطلعاتي هي مع اهله سواء زيارة او تنزه اما معاه والله ذليت نفسي طلب ... وخلاص طفح الكيل الطلعه وياه صارت تلوع بالجبد ... معاملات رسمية وبعد شهور تطلع الموافقة وبالاخير يمكن تكون طلعه حلوة وممكن البحر ويتم ماسك تلفونه مع انه يطلع وياربعه .. صرت استحقر نفسي لو طلبت اتمشى حاسة انه شااايف نفسه علي .. لايرد على كلامي . . لا يفكر نقضي ةقت مع بعض احس اني شي زايد بحياته ومب لاقي مكان يحطني ومالي اهمية بحياته حاليا .... متخذه قرار انه بوقف مباااااادرة وهو يعيش حياته العزابية مثل ما يبا وانا بؤكز على نفسي اكثر و على بنتي واجباتي ما بينقص منها شي لكن كلام ومزح او اني اتلصق فيه عالفراش ... لا مب زعل وتكشير لكن مثل ما هو شايف حياته بدوني .. بشوف حياتي بدونه الشي ال2 .. الزيارات الرسمية مع اهله .. مثل ولادة او عزا مااابروحها لانه مب ضروري على قولته ومثل ما يمنعني مابروح زيارات اهله بشكل عام اهله معدودين لانه مقيمين في بلد ثاني اريد نصايحكم .. تحليلكم ... حلول ورايكم على وضعنا و على حلي ينفع بالاخير انا مرتاحة من حلي لانه عالاقل ارد احترامي وتقدري لنفسي |
رد : وضعي مع زوجي
باقي القرارات
اني ما بقضي مشاويري مع ابوه وخواته عندي زوج . وهو المفرةض يطلعني وطلعه مع زوجي ما بطلع اقل شي شهرين هاا لوووووو قال بنطلع من نفسه وها من المستحيل بس اتفاءل و اقول لعل وعسى شي يتغير اهلي جاسين بموضوعي لانه ابوي احيانا يعزمني او يكون في شي فبيت اهلي بس هو يرفض يوديني وابوي دايما يقولي ويحرضني اني اطلع من بيتي و اسير عندهم وهو بيربيه و يعرفه المسؤولية اهله تكلمت معاهم مرة بالموضوع .. كلامهم كله مع ولدهم شي مب ضروري والاهم بيتج .. وما يصير تختلفوا على هالامور مافي شي مستاهل وابوه قوله ما يصير كله لا. وخلص الموضوع وكلامه معاه بكل حنية وطبطبة و ينفهم من كلامهم انه هي اللي مكبرة الموضوع وانك احسن من غيرك يعني مستحيل يطلع ولدهم غلطان |
رد : وضعي مع زوجي
بسم الله الرحمن الرحيم اختى الكريمة من كلامك واضحك ان زوجك يتجاهلك ولا يشعر بوجودك فى حياته (اختى ) حلك بالابتعاد نتركه لفتره من الوقت اذا ما هو الحل الان _اجلسى من نفسك وشوفى انتى ايه السبب عشان زوجك يتصرف معكى بهذه الطريقه وبهذا الجفاء 2_ اذا ما انتهيتى مع نفسك وحزمتى امرك سواء بفعلك ما يغضبه او لا ( واجه بما توصلتى اليه ) بما يزعجك وبكل شيئ وانظرى ما سيكون رده عليكى وانا فى انتظار ردك القادم |
رد : وضعي مع زوجي
اقتباس:
كنت دايما لما استاء من الوضع .. يااكلمه يااكتب له رسالة واشرحله .. يا اني اغير معاملتي للافضل واجدد بعض الاشياء ممكن يكون فيه تغيير لكن بسيط ومؤقت هالمرة ما بحط اي لوم او تقصير من جهتي .. لاني حاولت بكل الطرق لكن اللي جا فبالي .... انه صار متعود عالعطاء وكل شي جاهو ومن نتازعل يكابر ومستحيل يجي صوبي للعلم هو تقدملي مرتين .. مرة رفضت والمرة ال2 وافقت هو اصر يباني لاني على قولته عاقلة و ملتزمة لكت العقل والتسامح معه ماينفع الظاهر لازم قوة وحزم واول ما تزوجنا كان بيتوتي ونادر ما يطلع وماعنده ربع لكن بعدها تعرف عالناس و شخصيته قوت واستانست قلت بيشوف ابعالم ويتغير لكن نفس الوضع بالنسبة للعلاقة هو مب كاره .. بالعكس 10/10 لكن انا المبادرة .. السموحة طولت |
رد : وضعي مع زوجي
اقتباس:
(بالنسبة للعلاقة هو مب كاره .. بالعكس 10/10 لكن انا المبادرة ..) (مما سبق يظهر انه وكما قلتى تعود ان تكون المبادره منك وهذا هو السبب الجفاء والتجاهل لان يعلم انكى من تذهبين اليه ) اذا تجاهليه انتى ايضا لفتره من الزمن نفس ما يفعله معكى (اوصلى له انكى انسانه تحتاج الى الحب الاهتمام الحنان) اذا لم يهتم بكى لا تهمتمين بيه لفتره وشوفى اذا فى تغير او مافى ( واكيد انتى هتعرفى ازاى تعمليه بنفس المعامله انتى اللى جالسه معاه وفتره 4 سنوات تعرفى ازاى ) |
رد : وضعي مع زوجي
-
عزيزتي كيف بيحس بالمشكلة اذا كنتي لازلتي مستمرة بالعطاء زوجك قد يكون ليس بذاك السوء لكن قد يكون تصرفاتك هي من اجبرته يفعل ذلك العطاء المستمر بدون مقابل قد يجعل زوجك يحس انه مو على خطا جربي يوم لاتبادرين اذا حسيتي معاه بتغيير معناته شي حلو اما اذا ماحسيتي بتغيير اجلسي معه جلسةهادية وصارحية بكل مايزعجك اذا لم يتعدل اخبري والدك بالموضوع اقتباس:
مثل الدلال الزايد للولد يخربه كم لكم متزوجيين وهل من اول ماتزوجتو هاذي تصرفاته ام تغير مع السنيين هل تحسين بحبه لك ويخاف يفقدك ام ان الامر عادي زوجك قد يكون اتكالي لانه في منزل والدة وقد يكون سبب تربية والدية انا اتوقع اذا طلعتو في بيت بلحالكم يمكن يتعدل |
رد : وضعي مع زوجي
اقتباس:
وفعلا بدأت التجاهل من اسبوع فالبداية لاحظت مكابرته واحس باستغرابه ... وبستمر لين الاقي نتيجة مشكووور اخي على النصيحة |
رد : وضعي مع زوجي
اقتباس:
اغراض البيت على ابوه اغلب المشاوير ابوه يقضيها هو يدفع الايجار و يشتري اغراض بنته و لو شافوا منه غلط .. كلام ابوه معاه برقة ولين بس او تعليق خفيف ..يعني ما يصلح جي كل شوي طالع ووالخ اما امه ما تشوف له غلطة ولو صار ليننا شي .. كلمتها الحرمة تصبر وتتحمل و ها شي عادي وكل الرجال بهالشكل .. وتستخف بالشي المضايقني وانه شي عاادي و اني وايد ابالغ وووو باختصار هم يقووه اكثر واستقلاليتي ببيت بروحي ... اكييد بتحمله مسؤولية لكن شي صعب جدا بما انه وحيدهم |
رد : زوجي لايهتم بي
ابا اعرف لمتى اتم مطنشتنه ؟؟
شو تتوقعون يستوي ... بيطلب نتناقش ؟؟ لو تناقشنا بيتغير ؟؟ وكم بيستمر التغير ؟ وشو عن قرارتي اللي اخذتها .. هل تشوفون منها فايدة انا وقفت كل مبادراتي من 9ايام ... وهو نفس الشي ساكت عني و لاايقرب مني ومنتظر مني اروح له الموقف اللي حصل يوم الاحد الماضي ... كنا بنطلع مع اهله للحديقة فقام من ابنوم سال وين ابوه وجاويته .. دخل الحمام وطلع وسالني نفس السؤال جاوبته بمزح داخل جيبي ... للعلم هوو دايما يسال عن ابوه ويتم يكرر السؤال قال هبلى والا تستهبلي !! وتم يعيد الجملة قلتله شكلك مب رايق ومزاجك معكر .. دام من اولها جي لا تكلمني ولا اكلمك وتمينا طوول اليوم كلام عادي بينا للضرةرة بس يوم الثلاثاء .. طلبت منه اروح عزيمة اهل زوج اختي مسوينها لاختي لانها توها عروس .. ورفض يقول مب ضروري و يوم بتسير بيت اهلج بتشوفسنها وباركيلها بعدها خذت هالقرارات اللي خبرتكم فيها وما بينا تواصل لليوم بس تتوقعون هالشي منه فايدة ؟؟ |
| الساعة الآن 12:42 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©