|
الاخوات الفاهمات في اصول الخطوبه مساعده
السلام عليكم ورحمة الله وبركاته
حابه تساعدوني وتعطوني ارائكم ( بالذات الاخوات او الامهات اللي سبق لها تزويج ابنها او اخوها ) ☺️ اخوي ناوين نخطب له وجالسين ندور له بنت الحلال ،، الله يرزقه ويرزق كل شاب عاد دلتنا وحده من المعارف على بنت الحلال ومدحتها لنا وسالنا عنها عند 2 من اقاربهم ومدحوها الحمدلله بس وحده قالت لنا انهم انطوائيين شي ( مدري وش تتوقعون تقصد بالانطوائيه ؟) اللي قالت لنا الكلام هذا زوجة عمهم 👆 المهم احنا مانعرف البنت ولا اهلها شخصيا والحين سألنا والكلام طيب اللي سمعناه عاد الحين محتارين في الخطوه القادمة 😐 بحكم اننا اول مره نخطب لاخونا وثانيا لاننا متعودين على الزواج من القرايب والكلام يكون بين الرجال على طول لااننا نعرف بعض امي محتاره تتصل على اهل البنت وش تقول لاننا ودنا نروح لهم نتعرف عليهم ونشوف البنت اول قبل لايصير اي شي رسمي فاا ابغى من اهل الخبره مساعدتي في ترتيب الموضووع 😚 |
رد : الاخوات الفاهمات في اصول الخطوبه مساعده
وعليكم السلام ورحمته الله وبركاته
الخطوات سواء كانت من الاقارب او من حد غريب يبدا من النسا امك الله يحفظها تتصل باهل البنت وتعرف بنفسها وعائلتها وانكم تريدون القرب منهم بابنتهم فلانه وتحدد الاسم ان كان لهم خاطر رحبوا بكم .. وحددو موعدا لرؤيه البنت وان كان عندهم الشوفه الشرعيه كذلك ياخذ الولد الموعد من ابو البنت ويشوف خطيبته ومعني انطوائيه اتوقع المقصد ان البنت طبيعتها هادئه وصامته وربما من النوع اللي يخجل فما تتكلم كثير يسسسر الله امرك وكتب مافيه خير |
رد : الاخوات الفاهمات في اصول الخطوبه مساعده
زي ما قالت سديم
تكلمهم الوالدة وتقول لهم ودنا بالقرب منك سامعين عن بناتكم واخلاقكم وحابين نجي نشوفكم ةنتعرف عليكم وطبعا تعرف بنفسها . بالنسة لإنطوتئيين : ليس المقصود (هادين ) المقصود يعني ما يطلعون كثير ويخالطون الناس , وقد قالوا لأمي عن مرة أخوي هالكلام قبل الخطبة وصدقوا , حتى زياراتها لنا نادرة , وامي منزعجة من هالشي , بس أنا أقولها دام هي مسعده ولدك , خلاص , بسلامتها , هذي مو بنتك . الاحترام لك وتسعد اخوي والله يعطيها العافية . |
رد : الاخوات الفاهمات في اصول الخطوبه مساعده
الله يعطيكم العافيه خواتي ☺
المشكله امي احسها محتاسه الله يسهل يارب يعني نتصل عليهم ونقولهم ودنا نتعرف عليكم لاننا مانعرفهم شخصيا ولاقد شفنا البنت طيب شغله ثانيه اللي دلتنا عليهم صديقة لنا والبنت تكون من اهل زوجها بس حرصت علينا مانقول انها هي اللي دلتنا فما ادري وش نقول لهم لو سألوا واكيد بيسألون |
رد : الاخوات الفاهمات في اصول الخطوبه مساعده
لا انصح بزواج الاقارب لكثرة مشاكله والمشكلة الصغيرة تكبر
ناسبوا عائلة خارج اطار القرابة ولا تتسرعوا بالموضوع فالإنطوائية لها اكثر من معنى بوجهة نظر الناس فهناك من يراها قلة التواصل و الزيارات و هناك من يراها الهدوء وقلة الكلام و قد تكون مرض نفسي و يتورط اخوكم فلا تتسرعوا بالخطبة |
رد : الاخوات الفاهمات في اصول الخطوبه مساعده
تلميذه
هذي مو من الاقارب ابدااا والانطوائيه والله حتى انا شغلني الموضوع ما ادري وش المقصد اللي سألناهم عنها وعن اخواتها اثنوا عليهم كثير وفي اخلاقهم بس وحده مقربه منهم ( اللي هي زوجة عمهم ) قالت انطوائيات شوي !!!!!😕 هل ممكن يكون كلامها من باب غيره لان عندها بنات !!!! في حيرة من امري |
رد : الاخوات الفاهمات في اصول الخطوبه مساعده
اقتباس:
|
رد : الاخوات الفاهمات في اصول الخطوبه مساعده
الله يعلم بالنيات اختي يمكن قصدها مهم اجتماعيات
خلوها زياره تعارف ،، حكايه من دلكم علينا ممكن تقولون لهم اهل الخير والله يكتب لكم الخير 😊 |
رد : الاخوات الفاهمات في اصول الخطوبه مساعده
بما اننا مرينا بالموقف قبل فترة بقولك طريقتنا يمكن تجي معكم
تخلونها مبدئيا زيارة تعارف ولا تجيبون طاري خطبة ولا بنشوف البنت ولا شي يمكن تروحون و ماتعجبكم البنت او تشوفونها غير مناسبة لاخوكم دخلة البيت احيانا تبين اشياء ما تبان من برا و بالعكس اشوف الانطوائية كويسة و ما يعيبها بالتوفيق |
رد : الاخوات الفاهمات في اصول الخطوبه مساعده
اشوف ان الانطوائيه من انواع الشخصيات
ومايعيب البنت اذا كانت ذات خلق ودين والحين هالايام ماتلاقينهم فاذا كانت كذلك بتمسكو بها ومن باب ان ماتبون يعرف من دلگم عليهم قول ناس مدحونا لكن ودنا نتعرف عليكن والله يختي الحين الانطوائيه قليله الكلام احسن لك من وحده اجتماعيه ماتجلس بيت زوجها الا قليل والا تاخذلك من هالحكي وخذي قيل وقال فما اشوووف فشخصيتها عيب والله يسسسر امركم |
| الساعة الآن 12:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©