|
علاقتي بعائلتي وزوجي
السلام عليكم و رحمة الله و بركاته
كيف حالكم اختكم من الامارت و حبيت المنتدى ذا كثير و احب اللهجة السعودية مدري ليه خاطري تكون عندي صديقة سعودية و اتلاقا معاها ف الحرم الموهيم انا كنت وايد ازعل من اخوتي و اخواني الذكور بشكل خاص لانه امي تفضلهم عليي بس كنت اتجول ف المنتدى و رديت ع موضوع و كان هذا ردي مي والله احبها و اعشقها موت و كل كم يوم لازم ازورها و ابوسها ع خدها مو بوسة سلام لا هذي تجي بعد السلام \ و احضنها بعد هي استغربت مني بس هي وحليلها محتاجة هالشي لانها واااعليي من الطراز الاولي و ابوي لما حضنته وهو جاي من السفر اول مرة احضنه بحياتي والله مسكني و حضنه ريحني سبحان الله بيتنا كان كله رسميات علاقتنا ف بعض كلها رسمية بس اللحين بدا يتغير الوضع الحمد لله ثم الحمد لله ثم الحمد لله كنت وايد اتشاجر معهم ع اشياء تتافهة والله نتضارب ع المكيف ع النور وقت النوم ع شغل البيت لا تسوي صوت بالاكل والله اذكر اني كنت اضرب اختي ضرب لدرجة يجيها صداع ندمانة اني ضربتها و اخذها معاي نتمشى دبي شوي احاول اعوضها للحين ههههههههههههههه اخواني والله لا خلا و لا عدم كنت وايد اعاند مع اخوي و انافخ بوجهه بس بعد ما تزوجت صارت ضرابه كبيرة مع اهل زوجي و قعدت اصيح و هو دخل والله كلمتين منه لزوجي و انحلت المشكلة والله ما انسى له هالموقف والله يكبر بعيني و خواتي الباقيات والله ندمت ع كل لحظة ضرابة و زعل ضيعتها معاهم لما كنت عزبا خاطري ترججع الايام و ارجع احبهم زي اول و اكثر الله لا يحرمني منكم (تم التعديل ليتناسب مع المضمون) |
رد : مدري وش اقول بس حبيت افضفض عن اهلي و زوج
وييييه نسيت زوجي
الله يهديه مثقل عليي هالايام مدري وش فيه الله يهديه بس بسنا من سوالف الزواج حبيت افضفض عن اهلي شوي بس مدري كيف جا ف العنوان لووووووووووووووول |
رد : مدري وش اقول بس حبيت افضفض عن اهلي و زوج
اختي اللي اكبر مني ع طول
انا توظفت و صار عندي راتب عالي و هي لا احيانا احس في خاطرها شي بس تستحي تطلب لانها كبر مني بكم سنه ف مرة من المرات ارسلت لها مبلغ من المال والله حسيت بفرحتها و مرة ارسلت لها لبس والله انها طارت من الفرحة و اشحن جوالها بين الفترة و الثانية و دارت الايام و توظفت اختي و صار راتبها زين وانا استقلت من وظيفتي والله مرة كنا نسولف و قلت لها بعدين بتصل للبقالة انتظر الراتب باكر اللحين ماعندي رصيد و كملنا سوالف و بعد ما طلعت عني ارسلت لي 50 درهم ع جوالي والله دمعت عيني و دعيت لها اقول لها ما له داعي باكر الصبح الرواتب بس مارضت ترجعها والله كبرت في عيني |
رد : علاقتي بعائلتي وزوجي
يا اختي لا تندمين على لحظات الضرابة والمكافخ ولا شي ، هذي امور طبيعية جدا بين الاخوان والبيت الي ما فيه ضرابة هذا بيت غير طبيعي ، وعلى قولت اخوانا المصريين ( مصاريين البطن تتصارع ) فما بالج بالاخوان؟
وان شخصيا ياما وياما تضاربت مع اخواني وكفختهم وكفخوني ليما قلت بس ، وكنت اتحسس على كل شي مثلا ليش الوالد يودي اخوي دبي احيانا وانا لا .. واكفخ اخوي لما يرجع .. لاني اعيش في امارة ثانية من الامارات الشمالية . والاخوان لما يكبرون يعتبرونها ذكريات صبا ومراهقة جميلة ونحن لما نجتمع مع اخونا واخواتنا نسترجع ذكريات الماضي ونضحك على ايام كنا فيها نتضارب .. ذكرياتك عادية جدا |
رد : علاقتي بعائلتي وزوجي
الاخوان نعمه وعزوه
خاصه البنات خلوكم على قلوب بعض |
رد : علاقتي بعائلتي وزوجي
وعليكم السلام ورحمة الله وبركاته ..
جميلة علاقاتك مع إخوتك ومع الأيام ثبتوا لكِ مواقفهم الطيبة وهذا يدل على حبهم لك ، لكن لاداعي للندم واستمتعي معهم الخلافات في أي بيت وتزال مع الأيام ،حفظهم الله لكِ .. |
رد : علاقتي بعائلتي وزوجي
الحمد لله ثم الحمد لله ثم الحمد لله
حلوة العائلة الله يجمعنا ع الخير دوم تدرون يوم نجتمع اللحين نسأل بعض تذكرون الموقف الفلاني يوم تضاربنا و تزاعلنا و نقعد نضحك ما احلى هذيك الايام |
| الساعة الآن 12:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©