منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   زوجي يرفض توفير سكن خاص لي (http://www.66n.com/forums/showthread.php?t=256570)

22Nora 06-01-2015 05:31 PM

زوجي يرفض توفير سكن خاص لي
 
السلام عليكم أتمنى انه ألقى حل لمشكلتي مع زوجي بمساعدتكم من عقد زواجي وانا طالبه اسكن بشقه اوبيت شرعي خاص فيني واللي صار عكس ذالك وسكنت في بيت اهله والسبب في ذالك ان أخيه اللي كان موجود في هذا البيت طلع قبل زواجنا بشهر بس والذي حصل قالوا له ان البيت فاضي اسكن فيه مع انه كان بيدور لي سكن بس جت طلعه اخوه وتغير الرأي طيب انا شنو ذنبي تم الزواج وسكنت في هالبيت على أمل اني أقنعه واطلع نفس ماصار مع حريم اخوانه قبل وعلما انه كان متزوج سابقا وساكن بشقه ايجاررلكن طلق زوجتته ومن بعدها بي اربع سنوات تزوجني ولي الان معاه اربع سنوات لكني غيرمرتاحه في بيت اهله وانا بعيده عّن اهلي انا في دوله وأهلي في دوله طبعا الزوج مرتاح ولاهامه شي صح ان البيت على كلامهم فاضي بس مجرد كلام اللي اشوفه عكس هالشي مافي خصوصيه نهائي يعني بيت امهم وأبوهم سابقا يعني يجتمعون فيه كل خميس وجمعه وكل عطله وهم عايله كبيره تعبت من الازعاج والزحمه وعدم الخصوصيه كلها أشياء تضايقني ابي يكون لي مكان الخاص اللي انا اتحكم فيه اذا اردوا يرحون مكان نزلوا عيالهم وخدماتهم وراحوا وشوفوا الازعاج عاد مالي مكان خاص فيني الاغرفه النوم والحمام بس صبرت اربع سنين مع محاولاتي للخروج في شقه مستقله ولكن لافائده انا حاليا على وشك ولاده وفي بيت اهلي وبدات اطالبه مع اني طالبته من زمان بس كل كلامه أبشري وان شاء الله لكن لاتنفيذ للذلك مع انه مقتدر بس يقول مااقدر وانا ادري انه يقدر المهم انا تناقشت معاه في هذا الموضوع وهذا جزء من الحوار قلت ماراح ارجع الابشقه جديده ومهما كان ماراح اردبيت ابوك قال صدق تكلمين قلت اي صدق أتكلم ورد علي انا موطفل تكلميني بالتهديد والوعيد قلت انت انسان غلطت بحقي وكافي تحملت اربع سنين قال ياحلاتها من اربع سنين قلت دامها بدت بغلط وغش ماتعتبر حلوه قال والحب قلت الحب شي والحاجات الاساسيه شي ثاني قال لا واحد منهم مابغيت اكسرخاطره وقلت الحب وقالي مدام الحب موجوده انا الشقه مااقدر عليها وانا عارفه انه يقدر عليها ولاتاثر عليه من الحقاره اللي فيه يكذب علي ويماطل اربع سنين ويمشي اموره بكذب واهوا مع زوجته قبل ساكن بشقه وانا الحين رافض الشقه او البيت اناعصبت منه حييل ورديت عليه اذا انا غاليه عندك تحطها لي ومافي شي اسمه مااقدر ولجل عين تكرم مدينه اذا تهمك راحتي طلعني من هالبيت انا ماابيييييه ابي خصوصيه لي ماابي مشاكل ولاازعاج علما انه شرط لي أساسي اخر كلام قلت له شقتي اوبيتي من حقي ومن شروطي الاساسيه ومومتنازله عنها خلص موضوعها لأَنِّي أتكلم جد بيت ابوك ماراح ارجع له تبيني حط لي شقه اوبيت وغير هالشي ماابي والا توكل على الله وخذ ولدك وجيب ورقتي هذا كان اخركلامي معاه بعدهااا قاطعته وحضرته من الواتس وماارد عليه لأَنِّي بصراحه تعبت وابي مكان مستقل وخاص فيني مثل ماطلبت مع انه موافق يوم الملكه انا ماراح ارجع له الابشقه واهو رافض مع انه كان موافق بس هذا شرطي والزم ماعلي راحتي وغير كذا موافق أتمنى منكم ألمساعده ادري طولت عليكم بس والله من القهراللي فيني

(تم التعديل ليتناسب مع المضمون)

ابغي حل؟ 06-01-2015 05:41 PM

رد : مشكلتي مع زوجي.
 
تبين مساعده من اي نوع مثلا ... تراج قررتي و تصرفتي... بس من وجهة نظري ما كنت أتمنى منج انج اطلبين ورقتج...اوك اتزعلين و ما تردين بس لا تشرطين و تقرنينه ب طلاقج الله يهديك ...ا

مدن السلام 06-01-2015 06:31 PM

رد : مشكلتي مع زوجي.
 
مكانه الانسب ....

ورد.. 06-01-2015 07:23 PM

رد : زوجي يرفض توفير سكن خاص لي
 
كان شرطك بيت شرعي مستقل .. وهذا يعتبر بيت شرعي مستقل ..
كان بإمكانك تحطين حدوووود ويكون لك الخصوصيه اللي تبينها وتكونينها بنفسك وبالتأكيد زوجك كان راح يتقبل أي شي بما إنه عارف الوضع اللي إنتو فيه ..

اسلوبك صدقيني ماراح يجيب نتيجة ايجابيه ابداً .. بالعكس يمكن تكون النتيجه سلبيه تماماً .. لو استخدمتي الحيله وبديتي بالتدريج واسلوب ذكي بعيد عن التهديد صدقيني كنتي بتحصلين ع اللي تبينه بكل بسااااااطه ...

انتي خلاص تصرفتي باقي بس تنتظرين نتيجة تصرفك .. وتحملي النتيجه ..
اقري موضوع الأخت مطلقه حامل في قسم المطلقات وتمعني كل حرف فيه ..

موفقه .. الله ييسر ولادتك.. ويرزقك بالمولود السليم المعافا يارب ..

22Nora 06-01-2015 07:42 PM

رد : زوجي يرفض توفير سكن خاص لي
 
اختي انكسار حلم وضحي لي اكثررر اليوم كلمني ورديت عليه بس وضحت اني فعلا متضايقه.

22Nora 06-01-2015 07:44 PM

رد : زوجي يرفض توفير سكن خاص لي
 
انا سابقا كنت احاول معاه وبالاسلوب اللين بس كان كله يتجاهل ويماطل في هاشي كان رده علي ب ان شاء الله وابشري مجرد تسليك فقط والحين انا ماودي أتراجع عن كلامي

22Nora 06-01-2015 08:08 PM

رد : زوجي يرفض توفير سكن خاص لي
 
لكن هذا المنزل مايعتبر خاص لانه بيت العائله ومكان تجمعهم فيه واذا صارت مشكله لأي وحده مع زوجها جت للبيت ذَا واذا صار احد نفاس جااا فيه يعني مايعتبر خاص لي مطبخ الكل يدخله والمجلس نفس الشي غير اللي يجون ينامون وازعاج الاطفال بعد وين الخصوصيه فيه.

عاشقة القهوة 06-01-2015 08:36 PM

رد : زوجي يرفض توفير سكن خاص لي
 
معاكي حق

اصري على البيت بدون طلب الطﻻق

El3m Raouf 06-01-2015 09:01 PM

رد : زوجي يرفض توفير سكن خاص لي
 
اكيد حقك سكن مستقل
وانتى شرطتى عليه كده قبل الزواج ..
تمسكى بحقك مادام الخصوصيه منعدمه فى منزلهم ..ومادام انك غير متقبله هذا الوضع ..
لا تقبلى بوعود وابحثى عن السكن وضعيه امام الامر الواقع ..
اما ماهو ليس بحقك ان يكتب السكن باسمك فهذه مغالاه لا توضع شرط .

ورد.. 06-01-2015 09:32 PM

رد : زوجي يرفض توفير سكن خاص لي
 
مافهمت طبيعة السكن هذا .. مو تقولين كان ساكن فيه اخوه وطلع منه ..
طيب معقوله ماله باب يغلقه بشكل مستقل سواءً كان دور او شقه ...؟

قصدي لو كان له باب يفصله عن بقية البيت كان بإمكانك تصيرين تقفلين ومهما اندق الباب ماتفتحين الا لما تكوني مستعده يجيكي احد .. وفب حالة صارت اعتراضات او مضايقات يصير موقفك قوي في طلب الاستقلاليه ويحق لك المطالبه بحزم وصرامه ..


هذا قصدي من ناحية السكن في حالة كان له باب يفصله عن بقية المنزل .. بغض النظر عن الازعاج ..

مدري كان نفسي ما جبتي سبرة الطلاق ابداً .. كان طالبتي وبس واستعيني بالشهود اللي حضروا العقد والشروط .. موفقه ..


الساعة الآن 01:40 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©