|
استغلال زوجي واهلي لأموالي !
السلام عليكم ورحمة الله وبركاته
انا أم لطفلين أبلغ من العمر 23 بدايه زواجي سيئه جدا عانيت من سؤ تعامل زوجي وبعد مرور 3 سنين ظبط زوجي وحياتي معه مستقرة في مشاكل تافهة وبسيطه الحين الحمد الله عايشه سعيده معه لا كن خايفه منه والخوف ذا مو وسوسه ولا وهم انا الحمد الله انفتح علي باب رزق عندي مبلغ من المال ويتنمى لاكن زوجي من النوع الشكاي انا وانا علي مصاريف فأنا أتنازل وأخذ من فلوسي أو أساعده علما انه مو ناقصة شي لاكن يتشكوى فإن ارحمه في لحظه من الحظات يرفض وبعض الأحيان يأخذ لاكن ع قوله الله لا يشكر لك فضل بديت احس ان الرجال تمادى معي يأخذ ولا كنه أخذ وان تكلمت وقلت شي زعل فصرت اسكت واشتري سعادتي بفلوسي وان سافرنا ولا شي لازم ادفع ولا مارح الفلوس مو مشكله بس خايفه منه خايفه يجي يوم ويصدمني وعندي أهلي من يوم درو أن عندي فلوس مايرحموني اجيهم فب الاسبوع مره والله ولاكني بنتهم اجي معي 500 ولا الف اطلع منهم 300 ولا 200 كله يعطي إخواني ولا ا عشيهم ادري اهلي ع عيني ورأسي يستاهلون بس ياجماعه الكلام ذا لي سنتين ع الوضع لدرجه امي اذا معطيتها قالت يالله اطلعي برا انتي وعيالك وابوي مئيدها ع أن امي تاجره وابوي كذالك والله صرت منبوذه مغفله عندهم امي تعطي من الهدايا بالألف وانا بنتها عدوه لها والله ماتشوف فيني خير دايم تدعي علي وتبهذلني ومن اجي تسمع صوت يالله اطلعو وصار استغفال فلوس اقعد مافي فلوس اطلع وتتريق علي والله ماني عارفه كيف أتعامل معها بس اقول حسبي الله ونعم الوكيل ترا ما عندي أحد غيرهم بي امي وابوي واخواني الصغار يعني الويكند مالي ألا هم وماعندهم إلا الذل والإهانة امي اتعبتني أحاول أبعد عن كلامها التعيس ولا والله مايردني إلا الإعلاجات النفسيه خايفه من ذا الزمن والله ان طحت ماحد يوقف معي في عندي خلاتي يوم فضفضت لهم سنه من السنوات الحين يتريقون ويشفوني عدوه ليش لأن يدرون أن عندي فلوس والله ماطلب منهم طلب آلا بفلوس واستغلال فضيييع بس خايفه لأن تعاملي معهم ممكن خطاء فما ادري كيف أتعامل معهم تم تعديل العنوان ليتناسب مع المضمون |
رد : استغلال زوجي واهلي لأموالي !
انتي ليش تقولين للعالم انو معك فلوس....اشتغلي بسكات عشان مايطمع فيك احد حتى زوجك قولي له ماعندي شي
|
رد : استغلال زوجي واهلي لأموالي !
انا بكتب رأي ولعل وعسى يجدي نفع بهالزمن لا تجادل على حساب نفسك او تخبيها بصدرك لان عمرك وايامك وسعادتك غالية ولا بد تستفيدي منها حرام سنتين ضاعت من عمرك على حساب مجاملة امك وزوجك ..........................................وارجع واقول انتبهي منه ولا تفرطي بفلوسك لان لو بكرا عطاك ورقتك وانتي ما عندك شي تسندي ظهرك عليه صدقيني راح تصك الدنيا بوجهك من أوسع أبوابها وأهلك أجلسي معهم وتكلمي ............................................ وزوجك .............معه بمصاريف البيت لان النفقة شرعا" ملزوم فيها هو مو أنتي عمرك صغير وتاكلي العلاجات النفسية ..................بهالزمن اسرارك تستخدم ضدك ....................... والطيب بهالزمن هو اللي يأكلها ويموت قبل موته خلي قلبك مثل العالم .....................وتعيشي مثلك مثل غيرك متهنية ومبسوطة
|
رد : استغلال زوجي واهلي لأموالي !
كنت دائماً أتمنى أني ما القا وظيفه لانه الان وانا يادوب أخذ حافز استغلال كيف بعدين الله المستعان
الحياه صايره ماديه بشكل فضيع حتى الاحترام والتقدير يكون للي عنده مال صارت نظرتي للحياه سودا بسبب هذي التعاملات الماديه لانه خلاص ماعاد في مشاعر حتى بالعلاج استغلال على أشياء ماتسوى يا اختي لا تظني انك لوحدك تعانين. كلنا نمر بنفس الظروف بالنسبة لوالديك اعطيهم بنفس راضيه ومطيعه حتى لو عندهم أضعاف الي عندك عشان تشوفينه بعدين باولادك وقبل هذا يرضا عليك ربي وإذا رضا عليك الله وسع عليك برزقك لاكن تكفين لاتعطين أمك وأبوك وانتي كارهه او تشكين زي ماكتبتي فوق تنازلي لهم من اجل انهم والديك وربي عنده العوض وبالنسبه لزوجك اذا اعطيتيه أعطي بنيه طيبه حتى يكتب لك الأجر وبنفس الوقت تزين أوضاعك معاه والله ربي بيده مفاتيح كل شي بس خلي داخلك نيه طيبه دامك انفقتي برضاك وإذا تشوفي انه إعطائك لزوجك فيه ضرر عليك فهذا مالك ولن يجبرك احد على شي من حقك وإذا شفتي انه وجود المال في حياتك فتح عليك أبواب مسكره ابدئي تدريجيا بأخفاء مقدار ما تملكينه الى ان تصلي معهم وبنظرهم الى حد انتي تقررينه بنفسك على ما ترينه يخدم راحتك وعلاقتك معهم أدعو الله عز وجل ان ييسر لك أفضل الحلول التي تريحك وختاماً : ماعلى وجه الارض مستريح بس نتجنب الشكوى لغير الله لانه الرحيم والعليم بالحال والله يرزقنا الصبر والرضا |
رد : استغلال زوجي واهلي لأموالي !
كيف كانت علاقتك بزوجك وأمك وأبيك وإخوتك وأخواتك وخالاتك قبل حصولك على المال؟
|
رد : استغلال زوجي واهلي لأموالي !
ماشوف من اهلك استغلال !
عادى تدفعى 200 او 300 عشاء لاخوانك الصغار و امك وابوك و بالاسبوع يعنى مهو كل يوم لو حسبناها ماتطلع 1000 بالشهر . يعنى اعتبرى هالالف هذى لاهلك برا فيهم ربوك و كبروك و زوجوك و يبقون امك وابوك و اخوانك خاصة اخوانك هذولا الصغار مساكين . لو تجيبي لهم شي يفرحهم ماينسونها . الله راح يبارك لك فلوسك . اما زوجك اتفقى معه مهو كل شي عليك و بنفس الوقت مو تكونى بخيلة مره وحده لا الاعتدال مطلوب . انا اعرف ناس عندها فلوس و خاصة بمجتمع النساء بس بتعيش على حساب غيرها و تبغى تاخذ و ماتعطى حتى او امها و ابوها . ماتدفع و لا قرش اعوذ بالله و ان دفعت جلست تمن . هذولا الشخصيات الحياة معهم صعبة و منرفزة صراحه . باختصار الدنيا اخذ و عطاء . طبعا مهو باسراف و لا مبالغة بل باعتدال واتزان منها تحفظين مالك و تكسبين علاقاتك الاجتماعية من اهل و زوج و غيره . صدقينى لو امك و ابوك خاصة شافوك تدفعين عن طيب نفس و حبا لهم كان اكرموك انتى بنتهم و لا تنسي فضلهم عليك . و لا وصيك باخوانك الصغار . شي بسيييط يدخل السرور في قلوبهم وشي مهم لا تعلمين احد كم عندك حتى لو امك و ابوك و زوجك حسابتك خليها شي شخصي ماحد يطلع عليه . |
رد : استغلال زوجي واهلي لأموالي !
سبحان الله صاحب المال محسود
انا اشوف ان تقضي امورك بالكتمان وان كان الامر مفضوح حاولي ان توصلي رساله بان الحال تغير وانا صرت لا املك شيء اشوف ترتاحين افضل |
رد : استغلال زوجي واهلي لأموالي !
اسمعي حبيبتي
حاولي انك تبيني للناس تدريجيا ان خسرتي بعض مالك ومن بعدها لا تبينين للناس انه عندك فلوس وحاولي تخفين رصيدك عن زوجك وعن اهلك وبالنسبة لاهلك عادي احسبيها بر بوالدينك ما اشوف فيها شيء كلما تروحي لهم تطلبي لهم عشاء خصوصا ان الله منعم عليج حتي لو تشتري لهم مثلا بين فترة وفترة هدايا لامك وابوك واخوتك الصغار اكيد بيفرحوا وان شافوا منك تعطين بنفس ان شاء الله تصفي النفوس وبالنسبة لزوجك حاولي توضحين له انك بتساهمين معاه بمصرف البيت بمبلغ انتي تحددينه وانتبهي تعطيه اكثر من المبلغ اللي قررتي تساهمي فيه وان كنتي عاطفية ويكسر خاطر زوجك ويجي يطلب منك ويقولك ماعندي عادي حطي ودايع بالبنك بحيث انك ماتقدري تسحبينها |
رد : استغلال زوجي واهلي لأموالي !
اولا المال سبب لك عدواة مع الكل لذالك حاولي ماحد يعرف عنه وتكون هداياك لااهلك بين حين وآخر
وحاولي تحسنين علاقاتك بالكلمة الطيبة وحسن الخلق ولاتنسين الدعاء والصدقة والاعمال الصالحة |
| الساعة الآن 02:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©