|
تزوجت لاآعود لطليقي وندمت
السلام عليكم انا اول مره ادخل المنتدى واكتب فيه
حبيت اخذ رايكم بحياتي اللي دمرتها بيدي انا كنت متزوجه وعندي ثلاث اطفال وكان زوجي يعشقني عشق جبار بس مشكلته الغيره الزايده وحب امتلاكه لي وتحكمه بحياتي ومنعي من اهلي وتشدده بالدين هذا سبب بيننا طلاقين وكنت ارجع له بسرعه ومايستمر طلاقه لي الا يوم او يومين ويرجعني على طول ويتعهد لي انه ما يكررها المهم تعب من الحياه معي والمشاكل المستمره بيننا فقرر انه يتزوج غيري طبعا االي اخذها كانت بعيد جدا عن مستواي المادي ولا تجي ربع جمالي وكنت واثقه انها نزوه وتعدي لكن المفاجأه ان زوجي هجرني بعد ماتزوجها واشترط اني اصرف على نفسي وعيالي بحكم اني غنيه وهو راح يبدى حياه جديده مع زوجته بحجة انها مسكينه وراح تسمع اوامره ويمارس حياته كرجل معهاgfg طبعا احسست بالظلم وقررت اطلب الطلاق وكان اخر طلاق لي اصريت عليه وحصلت على الطلاق مع قناعة ان ابتدي حياه جديده مع ابنائي بمنزلي اللي امكله وتنازلن عن نفقه ابوهم وتركته لزوجته شوي صار يراسلني وانه ندمان وعايش حياه سيئه وان المرض بدى يهاجمه وراح يقضي عليه وانا للان احمل له مشاعر فصدقته وقررت اتزوج محلل مشان ارجع له بدون ما اتفق مع احد واخلي النصيب يتحكم معي رفضت الرجال الجيدين اللي تقدموا لخطبتي وكنت اتحرى رجل سئ لاتزوج به ليسهل طلاقي منه وجاء النصيب اللي ابغاه تقدم لي رجل مخادع كنت اعلم مسبقا انه طمعان بما عندي من نقود وتزوجته الرجل كان سئ بكل ماتحمله الكلمه من معنى لما طلبت الطلاق تخلى عني زوجي الاول وقال كانت نزوه وكنت تحت ضغط فراقك والحمد لله انتي تزوجتي وماوفقك الله وماهي نهايه العالم ارجعي لزوجك النذل والا اطلبي الطلاق انتي حره ادري ان خطأي عظيم الندم والتفكير يدمرونني افكر بالانتحار خاصه لما تجيني رسئل مجهوله تتشمت فيني gfggfgساعدوني ارجوكم كيف اتخلص من الشعور بالذنب واني دمرت حياتي بيدي انا مو قادره اسمح نفسي تم تعديل العنوان ليتناسب مع المضمون |
رد : مطلقه وعلو وشك طلاق اخر ساعدوني
لا حول ولا قوة الا بالله
انتي امام امرين احلاهما مر . اما ان تعدلي زوجك الحالي وتستمري معاه.. او تتطلقي منه وتعيشين لاولادك وبما انك غنيه فماراح تحتاجين احد .. وما تدرين يمكن اذا تطلقتي يتقدم لك شخص كفؤ ويعوضك عن كل شي .. |
رد : مطلقه وعلو وشك طلاق اخر ساعدوني
حسبي الله عليه
كيف يتلاعب معك بهذه الطريقه وبعده يرفض طلعي نفقه عيالك من عينه وزوجك الحالي اذا كان من الممكن اصلاحه ظلي معه |
رد : مطلقه وعلو وشك طلاق اخر ساعدوني
لاحول ولا قوة الا بالله
الله يعينج ما عندي اي حل لج الا الدعاء |
رد : مطلقه وعلو وشك طلاق اخر ساعدوني
سبحان الله ....انتي تعترفي انك سبب المشاكل وعامل الغيره تحكم فيك
يااختي هي مو لعبه ... ولا اريد ازيد همك ...الرجل يريد انسانه تتملق له وضحوكه مبتسمه ما تعرفون سر ابتسامه المراه للرجل اول دخوله البيت ...مجرد نظره كل التعب اليوم يروح اني خايف عليك اختي لا تطلقين من الثاني وينطبق عليك المثل لا حظت برجيلها ولا اخذت سيد علي ما اكول بس الله يعينك اصبري على الزوج الثاني واحتسبي انتي خسرتي كثير |
رد : مطلقه وعلو وشك طلاق اخر ساعدوني
مو انت متزوجته بهدف تطلقين منه لتصلي لهدف اكبر لديك
خلاص، كمل المشوار وتطلقي حتى لو ما وصلتي لهدفك الاساسي بتقعدين تدققين بتصرفات طليقك عمرك ما وح تخلصين الحياة ما توقف عند احد، ولا احد يقدر يتحكم فينا او فيها فهمتي؟! |
رد : مطلقه وعلو وشك طلاق اخر ساعدوني
انسي الاول لانه واااضح جداً متقلب ومو عارف وش يبي
وخليك مع الثاني واصلحي من حالك اولاً ثم حاله وفكري قبل كل شيء بعيالك هم اهم من كل الاطراف عيشي لهم وراعيهم وبعض الرجال مايفكر باحد غير نفسه الا من رحم ربي .. ربي يهديك الي مافيه خير وصلاح |
رد : مطلقه وعلو وشك طلاق اخر ساعدوني
يا أختي ما أبغى أزيد عليك لكن في خاطري كلام لازم أقوله لك .. دائما خلي قدام عينك رضا الله قبل رضا البشر، مافي أحد بهالدنيا كلها يستاهل إنك تسوي شيء حرام عشانه، زواج التحليل حرام حرام حرام
الرسول صلى الله عليه وسلم قال: ( لعن الله المحلل والمحلل له ) وإنتي من البداية النيـة كانت عندك إن زواجك من الشخص الثاني لغرض ( التحليل ) مو رغبة في الزواج نفسه عشان كذا إخترتي أسوأ خاطب .. يا أختي اتقي الله في نفسك .. ولعلمك يمكن تجهلين هالمعلومة ترى لو تطلقتي من الثاني اللي إنتي معاه الحين مايجوووووز ترجعين للأول لأن نية الطلاق موجودة من قبل العقد وأنا متأكدة من هالشيء .. الزواج اللي يحللك لزوجك هو الزواج الطبيعي اللي بدون نية تحليل وطلاق .. أما غيره لا . ( ومن يتعد حدود الله فقد ظلم نفسه ) إنتي ظلمتي نفسك بنفسك وأرخصتي عمرك يوم الأول باعك جريتي ورا عواطفك ورحتي تدوري محلل عشان ترجعين له ..! كان عزيتي نفسك ويوم قالك المرض بدأ يهاجمه قلتيله أطلب من الله يشفيك أنا ما أملك لنفسي حول ولا قوة ورجعتي لك مابتردلك العافية .. ثم قفلتي عليه كل خطوط الإتصال .. والله لو كان يبغاك ماطلقك 3 مرات .. الحين إنتي مخيرة بين تحمل نتيجة سوء إختيارك بحيث تبقي مع زوجك الثاني وتحاولي تصلحي مايمكن إصلاحه .. أو الإنفصال وتربية عيالك والإهتمام فيهم .. وشيلي من بالك سالفة الإنتحار محد يستحق تخسري دنيتك وأخرتك عشان عينـه .. اعتبريه اختبار ولازم تنجحي فيه .. هي كذا الحياة أحيانا تكون إختباراتها صعبة .. بس الشاطر اللي يطلع منها أقوى .. تقربي من الله صدقيني بتلاقي في القرب منه راحة تغنيك عن الأرض ومن عليها .. عيالك محتاجينك أكثر من أي حاجة في الدنيا .. عيشي لنفسك ولهم أولا ولأحبابك ثانيا .. دام مرتاحة ماديا وبخير ونعمة بفلوسك تعزي نفسك وتعزي عيالك .. وخلي عنك حكي الناس لا بيقدم ولا يأخر واللي بيتشمت وين بيروح مصير الدنيا بتدور عليه . أعتذر ع الإطالة .. |
رد : مطلقه وعلو وشك طلاق اخر ساعدوني
ياليتك مارفضتي الرجال الصالحين اللي تقدمو لك،،بس الشكوى لله شي راح وعدى ..انتي امام خيارين اما تستمرين مع الشخص السئ وتستسلمين ..او تتطلقين وتتمين بدون زواج لان زوجك الاول باعك واشوفه مايقل نذاله عن زوجك الحالي ..ورطك وبالنهايه جا يقول كانت فتره تعب وعدت وفشلك مو نهاية الدنيا!!!
|
رد : مطلقه وعلو وشك طلاق اخر ساعدوني
جزاك الله خير ا اختي فرح وفيتي وكفيتي قلتي كل الكلام اللي بخاطري
اختي حزن أسأل الله أن يبدل حالك ويهديك لكل خير نصيحتي لك اجعلي الله نصب عينيك تأكدي انه هو قادر على حل مشكلتك فلتجئ إليه وعليك بقيام الليل والدعاء والاستغفار وسورة البقره اخذها بركه ادعي الله دائما يكتب لك مافيه خيرا لك ولعيالك |
| الساعة الآن 06:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©