بعد خلافنا هل اعود لزوجي ام افارقه ؟
 

السلام عليكم ورحمة الله وبركاته
عندي مشكله وابي اصحاب الحكمة يشورون علي
ابي الي يقترح علي يعتبرني اخت والا بنت له وهل بترضون لها تسوي الي بسويه
الموضوع
فيه مشكله بيني وبين زوجي
لها تقريبا الان شهرين او اكثر شوي
ما ابي ادخل بتفاصيل المشكله حفاظا على خصوصيتي
الي صار
صارت هوشه بيننا
كانت بسيطه وكبرت مره دخل بيننا ابليس
كنت على وشك ولاده
قال كلام يسد النفس وانا رديت عليه
وكبر الموضوع
كلمت على أهلي يجون ياخذوني وطلعت من البيت وقلت له طلقني
قعدت كم يوم وبعدها ولدت
الي سواه
ماكلم ولا جا يشوف البنت ولا ادري عنه كأنه ما يعرفني مع انه كان مره متشفق على الحمل هذا
وايظا عندي ولدين يدرسون با المدارس اول ما جت الإجازاه جو عندي
الحين الدراسه بتبدا
موقف أهلي
مره زعلانين منه ومن موقفه بخصوص ولادتي والي صار به وشنتا لكن زادت معهم بعد ولادتي
وموقفهم بخصوص الاولاد يقولون ارسليهم له لانه ما راح يفكر فيهم ويبي يخليهم علشان تشيلين مسئوليتهم لحالك وهو يبي يفلها مرتاح وانتي تشيلين الهم خصوصا انه ما سئل عنهم ولا قال ابيهم يجون عندي
موقف اعيالي
ما يبون يرجعون بدوني وأهلي يقولون يروحون لابوهم وانتي تعرفين محبتهم عندنا لكن انتي بتتعبين من تحمل المسئوليه لحالك والوالد قال لي لو تبين بيت كتبته باسمك تدرين أعيا لك يسوون اعيوني لكن مصلحت بنتي فوق مصلحتهم
انا بمدينه وأبوهم بمدينه ثانيه
أبوهم راكب رأسه ومسوي انه خلاص انتهينا مع ان الشي هذا رغبتي انا قبله
الخلاصه
اعيالي مقطعين قلبي
هل ادوس على كرامتي وارجع وكنك يابو زيد ماغزيت واقعد مع اعيالي با البيت وهو يطلع منه
والا ارسل العيال له وانا عارفه بيحطهم عند أهله لاني سمعت انه بيسافر فتره
استهتار كبير منه بخصوص العيال خصوصا انه اصلا ماكلم على احد من أهلي وقال اني بسافر وهل العيال بيجلسون عند امهم والا اجيبهم
ساااكت وعرفت با الصدفه انه بيسافر طيب ودراسة العيال
مره محتاره
ارجع واقعد في البيت علشان مدارس الاولاد وأقوله جيتي علشان اعيالي بس كذا بياخذها عاده وبيقول لقيت بيبي ستر تمسكهم وانا بعيش حياتي وانا من الأساس ماله من وضعي معه لكن أشوف حزن بعيون اعيالي مايبون يرجعون وأهلي رافضين دراستهم عندنا

(تم التعديل ليتناسب مع المضمون)

رد : ابي ناصح لي امشي مع عقلي والا قلبي
 

فيني ضيقة صدر ياليتي ما تزوجت احس اني ظلمت اعيالي
لا تحسبون ان حياتي كانت سيئه معه احيانا تمر علي فترات اقول ياربي لك الحمد انا بنعمه هذا وقت الصفا وإذا صارت مشاكل يكبرها بعناده وانا ما اسكت فا يكبر الموضوع

رد : بعد خلافنا هل اعود لزوجي ام افارقه ؟
 

رد : بعد خلافنا هل اعود لزوجي ام افارقه ؟
 

ارجعي لعيالك

رد : بعد خلافنا هل اعود لزوجي ام افارقه ؟
 

مرحباً أختي
الظاهر إن زوجك زعل منك زعله كبيره
وربما لسببين... الحوار الذي دار بينكما... وطلبك للطلاق والذهاب لأهلك

وحتى تتضح الصورة ويستطيع الأعضاء نصحك على بينة
ياليت لو تذكري أهم نقاط الحوار والكلام إللي سبب الزعل بينكما .

أعانك الله

رد : بعد خلافنا هل اعود لزوجي ام افارقه ؟
 

انا ما ابي اتطرق للحوار لاني عارفه ان فيه كثير بيعرفوني هنا وانا ما ابي اقول وش قال لي وأيش قلت له
لكن أهلي خصوصا لما ما شاف بنته قالو كل الي صار ما يخليه ما يجي يشوفها ولا يسئل عنها انتي بكيفك بنتنا وعندنا لكن ضناه خصوصا انه هو الي بدا با الغلط

رد : بعد خلافنا هل اعود لزوجي ام افارقه ؟
 

وعارفه حتى لو بقول لكم المشكله بتقولون بايخه وما تستاهل ها العناد لكن فيه تراكمات كثيره لي سنين وانا اضغط على نفسي وهو عايش حياته ويطلعني اخر شي انا الغلطانه

رد : بعد خلافنا هل اعود لزوجي ام افارقه ؟
 

نفس كلام اخته بس نفسي مهي راضيه بقبول ها الشي وكرامتي والي سواه وإهماله يوم ولادتي وبعد ولادتي كل هذا أنساه وأقعد بنفس البيت عجزت أتقبل الموضوع لكن لما يجون أعيالي ويقولون بنجلس معك حتى لو بعشة دجاج يضيق صدري

رد : بعد خلافنا هل اعود لزوجي ام افارقه ؟
 

شكله زعلان مره من طلعتك وطلبك للطلاق...اذا كان السبب تافه زي ماذكرتي اذكرو الله وكفايه ارجعو لبعض ممكن نشجعك على الفراق لو كنتي مسكتيه مع وحده ببيتك او طحتي على حبوب وبلاوي معاه او كان يصبحك ويمسيك بضرب مبرح..بس دامها مشادات كلاميه عاديه لاتفرحون الشيطان باللي تسوونه ..الكل منكم مايبي يتنازل وانتي اكيد من جواتك ودك ترجعين ومتاكده انه هو نفس الشي بس كبريائه مايسمح له لينو روسكم وبسكم زعل

رد : بعد خلافنا هل اعود لزوجي ام افارقه ؟
 

بس ماني قادره أنسى وما أشوفها حلوه بحقي اني ارجع بعد كل الي سواه اقل شي لو مكلم وسائل عن بنته كان قلت فيه شوي خير لكن مطنش ولحد الان ما يدري كيف شكلها حتى ولا يسئل عنها يكلم فقط الاثنين الكبار
ياقوي قلبه