|
منفصلة وتقدم لي معدد
السلام عليكم
انا منفصلة وتقدم لي معدد وكان يبيني أسكن بديرة اهلي وهو بديرة ثانية بحكم اشغاله رفضت الشي هذا ووافق إني أسكن بمدينته الأصلية واشترط الشوفة السكن وتجهيزه يقول يبي له من 3 الى 6 شهور عبال ما يخلص يعني الزواج حيكون بعد 3 او 6 شهور وانا شارطه عليه الملكه بعد ما يخلص السكن المشكلة هو طالب الشوفه هذي الايام وش تشورون علي أتم موضوع الشوفه هالايام او أأجله لوقت ما يخلص تجهيز البيت بحيث تكون الشوفه والعقد |
رد : منفصلة وتقدم لي معدد
اكيد سوي اللي يبيه
استخيري وتوكلي على الله وخليه يشوفك قريب |
رد : منفصلة وتقدم لي معدد
قبل تسوي الشوفه اسالو عنه كثير واعطي نفسك وقت واستخيري
واشرطي عليه الشروط اللي انتي تبغينها من البدايه حتى تكوني انتي وهو على بينه وأهم شي تكوني مقتنعة فيه ومرتاحه الله يكتب لك اللي فيه الخير ويرزقك الزوج الصالح |
رد : منفصلة وتقدم لي معدد
طيب لازم الشوفة قبل لا يبدا و يحجز و يجهز
ايش فايدة الشوفة اذا العقد مباشرة بعد الشوفة ! و هل الشوفة بعلم و حضور الأهل ! |
رد : منفصلة وتقدم لي معدد
لم أفهم سبب تأجيل الشوفة أو تأخيرها لحين الانتهاء من إعداد البيت!!!
وكأن الموافقة ضُمِنَت والنظرة تحصيل حاصل!!! المفترض أن تتم النظرة أولاً .. وبناءً على نتيجتها يتم تحديد كل شيء .. بما في ذلك السكن! يمكن ما يعجبج! .. يمكن ما ترتاحين له! .. يمكن ما تعجبينه! .. يمكن ما يرتاح لج! فعلى أي أي أساس يبدأ في تجهيز أي شيء! |
رد : منفصلة وتقدم لي معدد
من خلال تجربة مؤلمة عشتها انصحك بالإبتعادعن المعدد ان لم يكن ملتزم التزام شديد لإن البقية الباقيه من الرجال لايبحث عن تعدد بقدر مايبحث عن تغير وتلاعب بمشاعر النساء.والله يكتب لكي مافيه الخير
|
رد : منفصلة وتقدم لي معدد
طبيعي اختي الشوفه قبل يسوي ايييييي شي!
افرضي ما اعجبك يكون تكلف على الفاضي وانتي رافضه او ما اعجبتيه تكوني علقتي نفسك فيه فتره تحضير البيت و ما فيه نصيب اصلا!! اذن كلامه صحيح لازم اول يشوفك وتشوفينه وان رضيتوا ببعض ساعتها يبدا بتحضير البيت ووووو لان لاااااازم تكوني مقتنعه فيه كللللل القناعه لا تجاملين احد ..وهو كذلك يكون مقتنع فيك |
رد : منفصلة وتقدم لي معدد
نصيحة لاتاخدين معدد انا كنت متزوجة معدد وانا بنت بكر وطلقني بدم بارد
اشترطي مهر ومؤخر واهله وزوجته وقبيلته كلها تعرف بزواجك واسكني عنده منطقته ولاتسوين عقد زواج الا بعد مايجهز لك سكن كامل تاكدو من رغبته ومن صدقه |
رد : منفصلة وتقدم لي معدد
الشوفه قل كل شي منو قال يعجبك او تعجبيه
الشوفه الشرعيه قبل كل امر |
رد : منفصلة وتقدم لي معدد
ما فهمت تقولي المشكلة انه طالب الشوفة
هالشيء من حقك وحقه يمكن ما ترتاحوا لبعض واهم شيء ليه هو بيعدد وزوجته عندها علم او لا |
| الساعة الآن 11:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©