|
تدهور علاقتي بزوجي منذ الزواج
السلام عليكم أتمنى تساعدوني بحل ،، زوجي من بعد زواجنا بثلاث شهور ما ادري وش صار له يمكن عين صار مايبي يطلع إذ اطلعنا تجيه رجفه ويحس بقلبه مايقدر يسوق وطلع من وظيفته والحين صار سنتين على هالحال يطلع بس مايبعد عن البيت ،، حتى أهلي بمنطقه ثانيه اروح الحالي راح لدكتور نفسي بس ما فيه شي جاب شيخ يقرا وقاله على طريقه يسويها أسبوع ويرجع يقرا عليه بس ما استمر وقاله عين كل ماقلت له يا الله سوها قال بكره مو عارفه شسوي ما ادري من مين العين والله ضايق صدري مرره كل ماقلت له نطلع قالي مالي خلق وهو بس علشان خايف تجيه هالحاله مو ماله خلق دائم أقوله توكل على الله لاتخاف بس خلاص حاط في رأسه الخوف من هالحاله ما ادري شسوي (تم التعديل ليتناسب مع المضمون) |
رد : أتمنى تساعدوني،،
وعليكم السلام
هلابك اختي الله يصلح حاله يارب ..فعلا الوضع غريب ويمكن عين نفس ماقلتي احرصي على تشغيل سورة البقره بالبيت وهو حاولي فيه انه يقراه الشيخ ادعي ربك او خليه يدهن بزيت مقري فيه القرايه اذا بلتزم به لازم احد يساعده ويشد من همته احد من اهلك او اهله الله يخليه لك ويرجع لوضعه قبل واحلى |
رد : أتمنى تساعدوني،،
اميييييين ياااارب الله يجزاك خير
|
رد : أتمنى تساعدوني،،
3شهور الاولي من زواجكم كان طبيعي .؟
يجي و يروح و يشتغل بدون مشكل |
رد : أتمنى تساعدوني،،
ايه كان مره عادي وسافرنا كم مره عادي بس من بعد 3 شهور كنت توني حامل صار فيه كذا وقلنا يمكن من انقطاعه عن الدخان بس يوم قراء الشيخ عليه قال عين بس ما استمر على القراءة هو صار يقرا على نفسه بس مو دايم |
رد : أتمنى تساعدوني،،
أنا ودي أني أساعده علشان يقدر يطلع ويبعد عن البيت بس مو عارفه شلون حاولت بس يخاف |
رد : أتمنى تساعدوني،،
اقرءي عن الرهاب الاجتماعي و شوفي الاعراض تنطبق علي زوجك او لا
|
رد : تدهور علاقتي بزوجي منذ الزواج
اقتباس:
مرحباً بكِ أختي الكريمة أم دلال .. 1/ هل زوجكِ مر بظروف جعلت حالته تتغير أم هكذا فجأة ؟ 2/ ماهي المحاولات التي فعلتيها لكي يتخلص من حالته ؟ 3/ هل جلستِ معه وتحدثتِ عن هذه المشكلة ؟ وبماذا كان يرد عليك ؟ هل سألتيه عن سبب المخاوف ؟ 4/ الآن كما فهمت منكِ لا يعمل وجالس طيلة الوقت بالبيت ؟ ومن يصرف عليكم ؟وهل أهله على علم بهذا الموضوع وساعدوه أم ماذا ؟ فرج الله همك .. |
رد : تدهور علاقتي بزوجي منذ الزواج
اختي هذا ظرف صحي له علاقه بالحموضة الزايده ...يبغيله كشف ف المعده و يراجع عن الارتجاع المرئي و يفحص الغده
غالبا الكشف العادي ما يجيب نتيجة ...الله يعافيه و يشافيه |
رد : تدهور علاقتي بزوجي منذ الزواج
اقتباس:
بعدين متأكدة إنه راح لطبيب نفسي !! ولا بس قالك راح وماشفتي شيء .. مستحيل يكون راح لدكتور نفسي وعرف إنه خسر ووظيفته وقاعد في البيت ومسيطر عليه الخوف من الحالة اللي تجيه ويقوله مافيك شيء ..!! اقرأي عن البانك اتاك ( نوبات الهلع ) وشوفي الأعراض مشابهة للي تجي زوجك ولا لا .. و اسأليه بعد شنو يحس وقت تجيه الحالة غير الرجفة وقلبه والخوف يعني اعرفي كل الأعراض . . . وقارني . لا مفر من زيارة الدكتور .. على الأقل يروح لأخصائي علاج سلوكي معرفي مبدئيا .. ربي يشفيه ويعافيه ويرفع عنكم هالغمة .. |
| الساعة الآن 10:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©