متضايقه عشان بيتي وو جا فبالي كم خطه ..
 

السلام عليكم
مو اول مره انزل فهذا الموضوع و ما ادري احد يتذكر ولا لا
بس انا ساكنه فبيت يرثى له و ما جالي سنه ونص متزوجه

زوجي مايقدر ع الايجار بسبب الدين .. اخو زوجي. تو جاي و ابوه جهزله بيت و مطبخ و ديكورات و كل شيء
و حنا عطانا اخس بيت .. افكر اخربها معهم و اكسر الدنيا على راسهم عشان يعطوني الي استحقه .. اتوقع ابو زوجي زعلان عليه بسبب موضوع قديم

بس انا ايش ذنبي .. ما اطيق اروحلهم و لا ابغى اشوفهم بس مجامله لزوجي اروح
نفسيتي اتحطمت و محروق قلبي .. ولا ابغى اجي احد ولا احد يصلني

كمان اهل زوجي وكل الي اعرفهم ينتقدوني لاني ما اعزم احد
ما عندي مجلس رجال .. كانه يتيم اهل بس اسم

ابوه عنده شقق ماجرها و قريب مستاجرين راح يطلعون
بس كيف وش اسوي .. زوجي مستحيل يكلم ابوه

مدري هو شايف انه ما يستحق ولا يخاف من ابوه
مع انه يخدمه و عادي يجلسون مع بعض

بس ابوه ما يحترمه .. هل اخلي اهلي يتدخلون ولا كيف
كل يوم ابكي على هالسالفه و ما قلت لاحد بيني وبين نفسي

نفسي انفجر على اهله و اخربها بس كيف بسكن بينهم بعدين

رد : متضايقه عشان بيتي وو جا فبالي كم خطه ..
 

حبيبتي !!!
اهله موب متكفلين فيك !
هو اللي يتكفل فيك ويجيب لك االبيت ! عمك ان اعطاك اياها بنفس منه كان بها
اما تروحين تطلبينه بيته والله صعبه
وفوق كذا تكرهينهم؛)

رد : متضايقه عشان بيتي وو جا فبالي كم خطه ..
 

السلام عليكم ورحمة الله وبركاته.
1/إياك أن تقارني بهذه الطريقة ولو فعلت سيعتبروها حقد وحسد منك انتبهي.
3/ اقنعي بما لديك واحمدي الله، ولا تهتمي لأراء أي أحد..
3/إذا أردت تطوير بيتك يكون بالكلمة الطيبة مع زوجك والإتفاق معا في تحسن وضعكما ولا تتكلمي أمامه عن أخوه أو غيره انتبهي..
4/ أتعلمي زوجك يتمنى بيت لكن ديونه لا تسمح له يطلب من أهله.
5/قدري ظروف زوجك وساعديه معنويا على أن ينهي سداد دينه بالكلمة الطيبة وحرصا عليه وهكذا وصدقيني سيلين ك ثيير..
6/ ابتعدي عن أهله ولا تدخلي المشاكل هذا بذاك والخطط التي تفكري بها ستندمي.
فرج الله همك

رد : متضايقه عشان بيتي وو جا فبالي كم خطه ..
 

اهله مالهم علاقه

رد : متضايقه عشان بيتي وو جا فبالي كم خطه ..
 

أحسنتِ القولَ

رد : متضايقه عشان بيتي وو جا فبالي كم خطه ..
 

زوجك الي فيه مكفيه ديوون و معامله ابوة فالله يرضى عليك لا تزيدي الطين بله وتخربي بيتك عشان ديكورات و حاجات غير مهمه .. المهم بيت مؤهل للعيش فيه .. تبكين عشان ديكورات وكلام فاضي اششش اقول انا عن نفسي انا وعيالي وزوجي ننام في غرفه واحده 4 في 4 صحيح اتضايق من ضيق بيتي لكن مستحيل ازيدها على زوجي .. الحرمه تحكم عقلها وتمنع مداخل الشيطان ..
الزوجة بيدها تقلب البيت جنه وجميل بلمسات بسيطة صدقيني يتغير .. ولو فكرتي تعزمي اهلك او غيرهم جمعي لك كم قرش انتي وزوجك والاستراحات كثيررر ..

رد : متضايقه عشان بيتي وو جا فبالي كم خطه ..
 

دوام الحال من المحال
بس انت اصبري

رد : متضايقه عشان بيتي وو جا فبالي كم خطه ..
 

مدري ليش مهتمين بالمظاهر

اختي انتوا في بداية زواجكم

عطيه فرصه ولا تحمليه فوق طاقته

واحذري احذري انك تقولي له اخوانك عندهم مجلس وبيت احسن مننا

رح تجرحيه ويمكن يحقد على اهله وابوه

قولي له لو صار معنا فلوس وتحسنت اوضاعنا اول مانسويه نغير بيتنا لبيت اكبر او اريد مجلس او اي شي نفسك فيه

والاحسن الاحسن انك ماتقولين له عشان يحس انك قبلتي فيه لشخصه مو لشيء ثاني

صدقيني رح يحبك اكثر ويتذكر انك عشتي معاه عالحلوه والمره

عن تجربه يااختي بداية زواجنا لمدة سنتين كنت عايشه فقط بغرفه وصاله وحمام ومطبخ فقط

بس ماعمري طالبت بشيء كل همي هو فقط

اختي مو لازم تعزمي احد اهم شي زوجك وبيتك

ربي يسعدكم ويبعد عنكم الشر

رد : متضايقه عشان بيتي وو جا فبالي كم خطه ..
 

كلمي زوجك ومالك علاقه في أهله أهم شي لايتخلون في حياتك

رد : متضايقه عشان بيتي وو جا فبالي كم خطه ..
 

الي يسمع كلامك بيقول ابو زوجك هو المسؤول عنكم
شرعا مسؤلية توفير البيت على زوجك فقط وبحسب استطاعته
وحكاية ان ابوه عطى اخوك زوجك ولاعطى زوجك هذا العدل ابو زوجك مسؤول عنه ومالك حق لامن قريب ولامن بعيد تطالبين فيه
ونصيحه ارضي بماقسم الله لك وادعي ربك واستغفري وانتظري من ربك فقط واتركي الي عند الناس