منتدى عالم الأسرة والمجتمع - قروب الاصدقاء و الحل معاهم

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - قروب الاصدقاء و الحل معاهم (http://www.66n.com/forums/showthread.php?t=257770)

قروب الاصدقاء و الحل معاهم

السلام عليكم
سبحان الله انصح الاخ الرجل الصالح وانا محتاج من ينصحني
كنت اعمل باداره وعملنا اداري وصرنا نجتمع بمسئولي الادارات الثانيه مره او مرتين اسبوعيا
كان رئيسنا صعب وعملنا متعب
فصرنا نطلع نجتمع بعد الدوام نقضي وقت ونشوف صرفه بهالمدير ونسولف بامور الشغل
شوي شوي توطت علاقتنا وصرنا مثل اخوان واكثر
وكان عددنا ثمانيه

بعد كذا سنه تفرقنا
الي تزوج ونقل والي راح يكمل دراسه والي ترقى لاداره ثانيه
وكذا واحد بقوا بمناصبهم
لكن ظلينا بالوتس اب ووسائل الاتصال وصلر لنا دوريه شهريه
وصار قيه صندوق للقروب وكانت العلاقات رائعه
المهم ان كان فيه شخص بادارتنا ملقوف ماكان ضمن القروب
وكان ميت يبغى ينضم للقروب
وراح للادمن حق القروب عندنا اكبر واحد وطلبه يضمه للقروب
والمشكله دخل ولد عمه معه
استحى منه صديقنا وضافه
وانا هالشخص ماابلعه وكنت احس منه بغيره وكره لاني ترقيت قبله وهو اقدم مني
صار هو وولد عمه يقطون كلام علي على اساس مزح
وتطور المساله كل كلمه اقولها يرد عليها بشكل غبي
ويحاول ينافق ويرفع بالباقين لاجل يكسبهم
كنت اطوف الا ان صار موقف قل ادبه بشكل كبير وغلط علي مو بالقروب بالواقع
كلمت الي معاي بالقروب قالوا صح هو غلطان بس يمكن عنده سبب وصارو يرقعون له
كلمته هو جبان طبعا مارد
قلت لهم انا قروب ماتوقفون ولا تقولون كلمه حق مالي لازمه فيه وانسحبت
وهم الحين زعلانين يقولون ليه تاخذنا بذنب فلان
يعز علي اترك ربعي
عشت معاهم ايام حلوه
لكن عدم وقفتهم معاي طيحتهم من عيني
والدنيا مواقف واذا ماخذو موقف ماله داعي صداقتهم
انا ماقطعتهم اسلم عليهم واسال عن مريضهم
لكن صحبه وطلعات وروحات مثل قبل لا
خسروني وخسرتهم للاسف
عشان واحد نذل مثل هالشخص