سلطة السلمون الملكية
http://store2.up-00.com/2015-03/1426168751674.jpg
السلام عليكم ورحمة الله وبركاته حبيت اليوم ابدأ بأول موضوع لي بهالقسم بالسلطة وان شاءالله تكون بداية مواضيع لاطباق تانية اول شي السلطة سهلة التحضير وانا بسميها فاتحة الشهية وكتير مفيدة وغنية بالفيتامينات وباختيارنا بنقدر نلغي اي صنف ونضيف اي صنف بنحبه http://store2.up-00.com/2015-03/1426166728673.jpg بالنسبة للسملون فينا نستعمل نوع المدخن وفينا الني اللي بدو طبخ انا استعملت الني فقطعت 400غرام من السلمون الى مكعبات واضفت عليه: ملح-بهار اسود-زعفران-شومر او شمر-عصير حامض ووضعتهم بالفرن وبس تم الطهو اضفت عليها قطعة صغيرة زبدة وهيي سخنة http://store2.up-00.com/2015-03/1426167456163.jpg http://store1.up-00.com/2015-03/1426325090241.jpg اما بالنسبة للخضار استعملت: 1-جرجير 2-حامض للصوص فقط 3-شمندر 4-خس افرنجي احمر 5-هليون 6-نوع من البقوليات(حبوب الصويا) 7-كمكوات اي برتقال ياباني 8-ارضي شوكي 9-جوز وبزورات مشكلة 10-فاصوليا حمراء وبالاخير حطيت بندورة كرزية مع السلمون عالسلطة http://store1.up-00.com/2015-03/1426167638332.jpg اما بالنسبة للصوص اختياري اي نوع بتحبوه انا استعملت بالصوص زيت-ملح -خردل-حامض-شومر-بهار اسود-توم بودرة-بصل بودرة وانا اجمالا بحب خل البلسميك بالصوص بس ما كان عندي وبحب طعمة الملح والحامض يكون حاد فالكميات انتوا بتتحكموا فيها بالتذوق بتزيدوا او بتنقصوا والتزيين بيرجع الكن وان شاءالله يكون الشرح تم بطريقة واضحة احترامي |
رد : سلطة السلمون الملكية
وعليكم السلام ورحمة الله وبركاته.
تسلم إيدك ميمي، تعرفي الخضار هون يختلف كتير عندكن ولو بدك شيء مثل الخس هيدا فقط بأماكن محدودة تبيع الأشياء المستوردة.. خل البلسميك حلو كتير. بالعافية عليكن حبيبتي. |
رد : سلطة السلمون الملكية
امممممم يييييم ييييم باينته لذيذ وطِعِم 😍
في خضروات اول مره بسمعها وبشوفها 🙈 الله يخلي العم قوقل شرح لي هو 😂 تسلم يدينك ميمو 💐 |
رد : سلطة السلمون الملكية
اقتباس:
وكمان بلبنان هيك بس هلئ صار اغلب السوبرماركات الكبيرة عم تستوردهن او عم بتم زرعهن بلبنان وخل البلسميك كتير رائع هوي عبارة عن خل وعصير العنب الاسود فاوقات كتير بعصر عنب وبضيفها عالخل وبحطها بالسلطة على قلبك حبيبتي نورتي الموضوع |
رد : سلطة السلمون الملكية
اقتباس:
صح هيي خضروات جديدة بالنسبة النا وعندهن تشكيلة كبيرة ولذيذة والعم جوجل ما بقصر هههههه منورة حبيبتي |
رد : سلطة السلمون الملكية
تسلم إيدك ياميمي
السلطه فخمه ورائعه ، بس نفس كلام سقيأ ، الخضار وبعض المكونات مانلقاها بااكبر سوبر ماركت عندنا ؟؟ انا جلست ادور البروكلي لين دخت لقيته بهايبر بنده ، ومو باستمرار يجيبوه كمان؟؟ تذكريني بالاكل الياباني نفس الشكل وان شاء الله نفس الطعم :) |
رد : سلطة السلمون الملكية
اقتباس:
صح بيستعملوا هالشي بالاكل الياباني والصيني بس بتصدقي ولا مرة اكلة اكل ياباني بلكي بجربه مش غلط بنتعرف على النكهات اللي عندهن |
رد : سلطة السلمون الملكية
السلام عليكم ورحمة الله
ما شاء الله روعة أختي ميمو تسلم يدك يارب لكن ما عرفت يللي لونه خمري ويشبه بتلات الورد ، في الطبق على اليسار ... وهي فعلا أنواع خضار قد لانجد بعضها بسهولة .. لكن أكيد من يدك الجميلة طعم آخرر بارك الله بك |
رد : سلطة السلمون الملكية
http://store1.up-00.com/2015-03/1426198001024.jpg
اقتباس:
تسلمين عزيزتي مؤيدة بنصر الله كلامك ورأيك وسام شرف بفتخر فيه ان شاءالله تصير كل انواع الخضرة موجودة بكل البلاد لانو بالفعل منظرها وتداخل الالوان بالطبق بيعطيه رونق خاص ببلدي لبنان صار فيه تلات انواع من الخس الافرنجي اللون الخمري اللي بالطبق بسموه خس احمر وكمان كان بالطبق جنب الخس شمندر ما واضح بالصورة وصورتلك نوع الخس اللي استعملته اسعدني حضورك بموضوعي شكرا جزيلا احترامي |
رد : سلطة السلمون الملكية
ياسلام على الفن ماشاء الله ميمو كلك ذوق حتى السلطة تبعك كلها فن واتيكيت مثلك حبيبتي
تسلم يدك يارب وان شاء الله ابحث على الخضرة الي فيها واعملها بس ياليت احصلها انا احب السلطة بالشمندر كثيييير |
الساعة الآن 08:29 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©