منتدى عالم الأسرة والمجتمع - زوجي يخنقني يريدني على مزاجه ( الاخ ابو حكيم)

منتدى عالم الأسرة والمجتمع (http://www.66n.com/forums/index.php)

- ساعدني (http://www.66n.com/forums/forumdisplay.php?f=139)

- - زوجي يخنقني يريدني على مزاجه ( الاخ ابو حكيم) (http://www.66n.com/forums/showthread.php?t=258015)

زوجي يخنقني يريدني على مزاجه ( الاخ ابو حكيم)

بسم الله الر حمن الرحيم
اولا احب اوضح نقطة انا لست صاحبة المشكلة انا اتكلم بلسان صاحبة المشكلة
السلام عليكم اخوتي و اخواتي اطلب من الله ثم منكم في مد يد العيون لي
حيث اني والله اعلم صار لي كم يوم في حالة لا يعلمها الا الله

زوجي المسكين احس انه يعاني من مشكلة و مو قادر يعيش براحة
لا هو مريحني و لا مريح نفسه
و رافض النقاش او اني انا مو قادرة اتناقش معاه بطريقة يفهمها
لانه ف بداية اي نقاش يقول لي انتي تبحثي عن المشاكل و انا والله االعالم اني اريد نتصالح و نعيش في سلام

زوجي يا سادة يخاف عليي من نسمة الهوا
و مقعدني وسط اهله لاني اخاف الوحدة و اخاف اقعد بروحي

طيب وين المشكلة
المشكلة انه مانعني عن كل وسائل التواصل مع الاخرين
مافي صديقات ما في واتساب مافي زيارات صديقات ما في عزايم
ما غير امه و خواته
و هو اللي يختار لي الصديقات تخيلو
يجبرني اتعرف على زوجات اصدقاءه و مستعد يوديني عندهم لو اخر الدنيا
والله انه مستعد يوصلني لهم لو عساه سفر و طريق
بس لو اموت ما اتعرف ع بنات حتى لو من الدراسة
و رافض اني اكمل دراستي و رافض اني اتواصل مع اي بنت او حرمه رفض قاطع
و كسر شريحتي اخر مرة و جاب لي رقم ماحد يعرفه غير امه و خواته

يقول الحرييم ما وراهم غير وجع الراس

طيب لو عندي صديقات اتسلى معاهم وقت انشغالك ف الدوام او انشغالك ف طلعاتك
ع الاقل تتغير نفسيتي ف غيابك
يعني مثلا انا قااعدة باللبيت مع العيال و الكل طالع
و منقرفة من العيال و ازعاجهم و انتظره يرجع
طلبت منه نطلع انا و العيال نغير جو ف حديقة الحارة
ف رفض و قال ارجع و يصير خير
رجع قلت له نجهز ؟ قال انا تعبان اللحين انام و اقوم و يصير خير
نام و قام - قال الوقت تاخر بكرا نطلع
بالباكر طلع ع الدوام و رجع متاخر و طلبت منه مرة ثانية اطلع انا و العيال نغير جو ف حديقة الحارة
و برضو رفض و قال ارجع و يصير خير
و نفس الموال لمدة اسبوع اخر شي قلت له العيال زهقانين و انا زهقانه و انت كل يوم تقول باكر
قال انتي ما تحسين فيني انا تعبان
قلت طيب انت ارتاح و خلنا نرتاح
نريد نطلع الحديقة و العيال زهقانين والله انهم يكسرون خاطري محكورين ف البيت و ما عندنا حوش يلعبون فيه
قام و عصب و قال مافي طلعة يعني مافي طلعة

ممكن حد يفهمني وش اللي قاعد يصير انا اعترف انه مخي قفل خللاص

تم تعديل العنوان ليتناسب مع المضمون

ع فكرة جتني حالة غريبة و تم تشخيصها انها من كثرة التفكير

انا اخاف من كل شي و هو يشوف اني يتهيئ لي
و اخر مرة احتدم بيننا النقاش لانه نفسيتي تعبت و قمت اشوف اشياء و اسمع اصوات و بنتي شافت بعينها
احس انه البيت مسكون
اخذني بيت اهلي و قال مافي رجعة
و انا حاليا ف بيت اهلي
احس انه متذبذب
يقول لو طلبتي الرجعة اللحين ارجعج
اقول له طيب تعال خذني
يقول ما بترجعين البيت لين تعقلين و تعرفين غلطتج

سالته عن الغلطة قال انج تطلبين بيت منفصل عن اهلي
حاليا اسكن ف ملحق بدون مطبخ

ارجوك شورو عليي
يقول لما تتأدبي ارجعي

احس انه شكاك و لكن لم يصرح و لا مرة بذلك يعني سحب مني الفون و قال تمسحين كل ارقام صديقاتج و مسحتها فعلا

مستحيل اعاند او اصر على رايي
و اذا اصريت يقلب علي الطاولة و يعاقبني اشد عقاب

مثل لما اصريت على مسكن منفصل
اخذني بيت اهلي و قال ما في رجعه

رد : زوجي يخنقني ويريدني على مزاجه

كيف اتعامل مع هالانسان
أرجو ان تفهمني هالانسان كيف يفكر
أنا مافيني القوة و لا الشجاعة أني أقول له عندي شروط
لأَنِّي أنا اللي محتاجة ارجع له
عندي عيال و حرمني منهم
يعرف نقاط ضعفي و هم عيالي
و يقول لي ما بتشوفيهم

رد : زوجي يخنقني ويريدني على مزاجه

هو يتنقى من أصحابه من اللي يسمح لي أتعرف عليهم

صح هو يبغيني ع مزاجه
مع أني أسوي له كل شي
و أنفذ كل طلباته بس ما مبين ف عينه يقول إنتي ودورين مشاكل