|
كيف اعرف انه فيا سحر تفرقة او لا !
السلام عليكم و رحمة الله و بركاته
رحت انا و زوجي لشيخ و قرا علينا آيات السحر و قال لزوجي انه فيني انا سحر .. ماعرف !؟ كيف اتاكد كلام الشيخ صحيح او لا !؟ لانه الشيخ قال لنا نشتري من عنده علاج ب 550 ريال و حسّيت الشيخ همه الفلوس و زوجي سمع عن الشيخ من صاحبه و ما كان يصدقني لما اقول له فيه سحر او عين بيننا و يقول لي تتوهمي حاليا هو قالي اذا مقتنعة بالشيخ نكمل معاه .. المهم انه زوجي اقتنع انه فيه سحر و بدا يهتم و يسال عن شيخ اخر بس انا ماني متاكدة و ماعرف اكمل مع نفس الشيخ !؟ و ايش تنصحوني !؟ |
رد: كيف اعرف انه فيا سحر تفرقة او لا !
اذا مو متاكدة من كلام هالشيخ
روحي لشيخ ثاني ثقة عن طريق شؤون الاوقاف الله يجمع بينكم بالخير |
رد: كيف اعرف انه فيا سحر تفرقة او لا !
صار لي سنة و اكثر و انا اقول له وديني شيخ
و بالقوة رضي يأخذني زوجي |
رد: كيف اعرف انه فيا سحر تفرقة او لا !
السلام عليكم ورحمة الله وبركاته ..
نعم هذا همه الفلوس لا تذهبي مرة ثانية له ، وكيف علم بأنه يوجد سحر تفريق في أول جلسة ؟! هل ظهرت أعراض عليك أو عليه ؟! إذا من مدينة جدة حد لك على شيوخ ثقات وليس ممن يدعون إنهم شيوخ ... |
رد: كيف اعرف انه فيا سحر تفرقة او لا !
اختي انصحك بمنتديات الشيخ عبدالخليفة راقي متمكن وتتعلمي معه خطوة بخطوة كيف ترقي نفسك دون الذهاب للرقاة
الكثير في منتداه الحمد لله تم شفائهم عن تجربة انا تحسنت كثير وكل مصاب لديه ملف خاص لايراه الا المعالج والعضو فقط سحر التفريق يكون التأثر بآيات سحر التفريق وغالبا الغثيان والاستفراغ |
رد: كيف اعرف انه فيا سحر تفرقة او لا !
اول ما رحنا عند الشيخ
سال زوجي ( كم تدفع !؟ ) زوجي ما كان معاه ( كاش ) .. لأننا رحنا فجاة و مو متاكدين من العنوان قاله ( 50 ريال ) و قام أعطاه دخل الشيخ و استغربت يطاااااالع فيا من تحت الشماغ .. بعدين جلس قدامي و قدام زوجي سال زوجي ايش عندكم ! زوجي ارتبك و ماقاله بالتفصيل بس قال مشاكل و يمكن سحر و شافت أمها في الحلم تقول فيك سحر (مع اني طلبت من زوجي نشيك لو فيه عين او سحر لا سمح الله ) المهم .. حط يده على بطن زوجي .. و هو جالس قدامنا بالكرسي و نحن عالكنب جالسين جنب بعض و الشيخ قدامنا و حط يد زوجي على بطني و هو حط يده على يد زوجي و جلس يقرا آيات السحر .. و يكرر بما معنى الآية ( يتعلمون ما يفرقوا بين الزوج و زوجه ) اول ما بدا يقرا ( يدي اليمين .. حسّيت فيها - ثقل - و كهرباء او تنميل .. ماني عارفة ؟؟ ) و لحد ما خلص قراية ما طول في القراية يمكن خمس دقايق |
رد: كيف اعرف انه فيا سحر تفرقة او لا !
بعدين جلست أردد في داخلي ( لا تتوهمي .. لا تتوهمي .. لا تتوهمي )
لكن الإحساس جلس مستمر .. و نفسي بدا يتكتم .. و صرت أتنفس ( شهيق و زفير ) بقوووووووووووة لدرجة بطني دخلت لجوة .. و الشيخ و زوجي شافوا بنفسهم و قفصي الصدري يترفع من قوة الشهيق .. تقريبا اربع مرات .. حاولت اوقف الشي هذا .. و اقنع نفسي انه اوهام لكن كان حقيقي فعلا .. و شي غير إرادي خلص الشيخ و نفث علي تقريبا ثلاث مرات |
رد: كيف اعرف انه فيا سحر تفرقة او لا !
بعد ما خلص سال زوجي حسّيت بشي !
قاله لا سالني و قلت له على يدي و تنفسي .. بس سالني حسيتي الم في البطن و أشر على جهة جنبي اليسار قلتله لا .. بس بعد ما خرجنا من عنده .. و انا في السيارة بديت فعلا حسّيت بالم في بطني جهة اليسار سالني حسيتي بصداع و انا اقرا ! قلتله لا سالني تشوفي احلام و كوابيس و كلاب و حيوانات قلت له ما اشوف كلاب و حيوانات بس اشوف كوابيس عشان اتطلق من زوجي و شي يقول لي ( تطلقي تطلقي ) و كوابيس و مشاكل و لخبطة بالحلم سالني يجيك صداع دايما و الم في الركبة ! قلت له ماعرف الصراحة ما عمري - دققت - لاني ما استسلم لأي تعب و اتجاهله قال لزوجي ( فيها سحر ) و قاله ( اشتري العلاج من الدكان الي قدام بيتي ) هو بيت الشيخ شعبي .. و قدّامه كشك .. مخليه دكان للادوية هذه و شايفة زباين زوجي سال البياع و شكلهم اولاد الشيخ الي جالسين يبيعوا و قاله العلاج ب 550 ريال و اصلا مو معانا وقتها لانه مافي - ماكينة صراف - و المنطقة وسط مزارع |
رد: كيف اعرف انه فيا سحر تفرقة او لا !
ركبنا السيارة نروح نسحب و المشوار بعيد للصراف
سالني زوجي - ايش رايك بالشيخ ، ينفع و لا من جنبها ! - عشان لو مقتنعة به .. نشتري العلاج و شرط تستمري به يوميا قلتله ايش يضمن لي انه مو هدفه - مآدي - ما اقنعني ماعرف ليش دورت في النت و قريت وحدة تقول انه الشيخ - مادي - الي يدفع له اكثر .. يهتم فيه اكثر بس ماهمني مادي او لا .. لو كان صادق المهم عندي هل صحيح كلامه !؟ انه فيا سحر فعلا !؟ زوجي صدقه و شال من باله - اني أتوهم - مثل ما كان يقول بس انا ابغى أستشير و اشوف تجارب الي عندهم خبرات |
رد: كيف اعرف انه فيا سحر تفرقة او لا !
استمري على الرقية وقراءة واستماع سورة البقرة ومنهع راح تعرفي اذا فيك سحر او لا !
الله يفرج همك |
| الساعة الآن 12:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©